ચેમ્પિયન્સ ટ્રોફી 2025 19 ફેબ્રુઆરીથી શરૂ થશે. પાકિસ્તાને ચેમ્પિયન્સ ટ્રોફી 2025 માટે પોતાની કામચલાઉ ટીમ લિસ્ટ ICC ને આપ્યું છે. પાકિસ્તાનને ચેમ્પિયન્સ ટ્રોફીમાં પોતાની પહેલી મેચ ન્યુઝીલેન્ડ સામે રમવાની છે.
આ ખેલાડીઓનો ટીમમાં થયો સમાવેશ
મીડિયા રિપોર્ટ મુજબ ટીમમાં બાબર આઝમ અને શાહીન આફ્રિદી જેવા ખેલાડીઓની સાથે નસીમ શાહ અને હરિસ રૌફનો પણ સમાવેશ કરવામાં આવ્યો છે. સિલેક્ટર્સને આશા છે કે ઓપનર સેમ અયુબ ચેમ્પિયન્સ ટ્રોફી પહેલા ફિટ થઈ જશે. દક્ષિણ આફ્રિકા સામેની સિરીઝમાં તેને પગની ઘૂંટીમાં ઈજા થઈ હતી. આ ઈજાની સારવાર માટે તે હાલમાં લંડનમાં છે.
ફખર ઝમાન ટીમમાં ફર્યો પરત
ફખર ઝમાન ટીમમાં પરત ફર્યો છે. તાજેતરમાં બોર્ડ અને ફખર ઝમાન વચ્ચેના સંબંધો પણ સારા ન હતા. તેને પાકિસ્તાન માટે છેલ્લી વનડે નવેમ્બર 2023 માં રમી હતી. ત્યારથી તે ODI ટીમની બહાર છે.
મધ્યમ ક્રમમાં તૈયબ તાહિર, ઈરફાન ખાન નિયાઝી, ઉસ્માન ખાન જેવા ખેલાડીઓ સિવાય કામરાન ગુલામ અને સલમાન અલી આગા જેવા ખેલાડીઓનો સમાવેશ થાય છે, જેમણે દક્ષિણ આફ્રિકા સિરીઝમાં સારું પ્રદર્શન કર્યું હતું. શાદાબ ખાનને બોલિંગમાં સામેલ કરવામાં આવ્યો નથી. તેમના સ્થાને અબરાર અહેમદ અને સુફિયાન મુકીમનો ટીમમાં સમાવેશ કરવામાં આવ્યો છે.
ચેમ્પિયન્સ ટ્રોફી 2025 માટે પાકિસ્તાનની પ્રારંભિક ટીમ
મોહમ્મદ રિઝવાન (કેપ્ટન) (વિકેટકીપર), બાબર આઝમ, સૈમ અયુબ, તૈયબ તાહિર, ઈરફાન ખાન નિયાઝી, સુફિયાન મુકીમ, મોહમ્મદ હસનૈન, અબ્દુલ્લા શફીક, નસીમ શાહ, ઉસ્માન ખાન, શાહીન આફ્રિદી, હરિસ રૌફ, અબરાર અહેમદ, કામરાન ગુલામ, સલમાન અલી આગા, ઈમામ-ઉલ-હક, ફખર ઝમાન, હસીબુલ્લાહ અને અબ્બાસ આફ્રિદી.
