રચિન રવિન્દ્ર અને કેન વિલિયમસનની જોડીએ ચેમ્પિયન્સ ટ્રોફી 2025ની બીજી સેમીફાઈનલમાં 21 વર્ષ જૂનો રેકોર્ડ તોડ્યો. બંને કિવી બેટ્સમેન દક્ષિણ આફ્રિકાના મજબૂત બોલિંગ આક્રમણ સામે સંઘર્ષ કરી રહ્યા. રચિને ટુર્નામેન્ટની બીજી સદી અને તેની ODI કારકિર્દીની પાંચમી સદી ફટકારી, જ્યારે વિલિયમસને પણ સારું પ્રદર્શન કર્યું.
રચિન-વિલિયમસને બીજી વિકેટ માટે 164 રનની પાર્ટનરશિપ કરી, જે ચેમ્પિયન્સ ટ્રોફીના ઈતિહાસમાં ન્યુઝીલેન્ડ માટે સૌથી મોટી પાર્ટનરશિપ પણ છે.
રચિન-વિલિયમસનની કમાલ જોડી
ચેમ્પિયન્સ ટ્રોફીના ઈતિહાસમાં ન્યુઝીલેન્ડ માટે સૌથી મોટી પાર્ટનરશિપનો રેકોર્ડ રચિન રવિન્દ્ર અને કેન વિલિયમસનના નામે નોંધાયેલો છે. દક્ષિણ આફ્રિકા સામે રમાઈ રહેલી બીજી સેમીફાઈનલ મેચમાં રચિન-વિલિયમસને 164 રનની પાર્ટનરશિપ કરી. રચિને શાનદાર બેટિંગ કરી અને 101 બોલમાં 108 રન બનાવ્યા. પોતાની ઈનિંગ દરમિયાન, રચિને 13 ચોગ્ગા અને એક છગ્ગો ફટકાર્યો. કેન વિલિયમસને 94 બોલમાં 102 રન બનાવ્યા. કિવી ટીમના બંને બેટ્સમેનોએ મળીને 21 વર્ષ જૂનો રેકોર્ડ તોડ્યો.
રાચિન-વિલિયમસને નાથન એસ્ટલ અને સ્કોટ સ્ટાયરિસના રેકોર્ડ તોડી નાખ્યા. 2004માં યુએસએ સામે રમતી વખતે એસ્ટલ અને સ્ટાયરિસે 163 રન ઉમેર્યા હતા. આ ટુર્નામેન્ટમાં દક્ષિણ આફ્રિકા સામે સૌથી મોટી પાર્ટનરશિપનો રેકોર્ડ રચિન અને વિલિયમસનના નામે નોંધાયેલો છે. તેને પોલ કોલિંગવુડ અને ઓવૈસ શાહનો રેકોર્ડ તોડ્યો. ઈંગ્લેન્ડના આ બે બેટ્સમેનોએ 2009 માં દક્ષિણ આફ્રિકા સામે રમતી વખતે 163 રન ઉમેર્યા હતા.
રચિને ફટકારી જોરદાર સદી
સેમીફાઈનલમાં ટોસ જીતીને પહેલા બેટિંગ કરવા ઉતરેલી ન્યુઝીલેન્ડની શરૂઆત સારી રહી ન હતી. વિલ યંગ કેટલાક શક્તિશાળી શોટ ફટકાર્યા બાદ 21 રન બનાવીને આઉટ થયો. યંગ પેવેલિયન પરત ફર્યા બાદ, રચિન રવિન્દ્ર અને કેન વિલિયમ્સને બાજી સંભાળી. રચિન આક્રમક અભિગમ સાથે રમતો જોવા મળ્યો. રચિને 47 બોલમાં પોતાની અડધી સદી પૂર્ણ કરી. 25 વર્ષીય કિવી બેટ્સમેને પોતાની શાનદાર બેટિંગ ચાલુ રાખી અને 93 બોલમાં પોતાની સદી પૂર્ણ કરી. રચિને પોતાની ઇનિંગ્સમાં 12 ચોગ્ગા અને 1 જબરદસ્ત છગ્ગો ફટકારીને સદી પૂરી કરી. રચિને ODI ક્રિકેટમાં બનાવેલી દરેક સદી ફક્ત ICC ટુર્નામેન્ટમાં જ આવી છે.
