ચેમ્પિયન્સ ટ્રોફી ભલે પૂરી થઈ ગઈ હોય પણ તે હજુ પણ ચર્ચાનો વિષય છે. શાનદાર પ્રદર્શન કરનારા ખેલાડીઓની ચર્ચા જોરશોરથી થઈ રહી છે. ભારતની જીત બાદ, ચેમ્પિયન્સ ટ્રોફીના સ્ટાર તરીકે ઉભરી આવેલા વરુણ ચક્રવર્તી વિશે ઘણી ચર્ચા થઈ રહી છે.
ભારત તરફથી વરુણ ચક્રવર્તીએ સૌથી વધુ વિકેટ લીધી અને તેને રોહિત શર્માનું ટ્રમ્પ કાર્ડ કહેવામાં આવ્યું. પોતાની સ્પિન બોલિંગથી તેને ભારતને જીત તરફ આગળ વધારવામાં મદદ કરી. તેમની અસાધારણ બોલિંગ કુશળતાએ ચેમ્પિયન્સ ટ્રોફી 2025 માં ભારતની સફળતામાં મહત્વપૂર્ણ ભૂમિકા ભજવી, જેના કારણે તેમને ટીમમાં એક મુખ્ય ખેલાડી તરીકે ઓળખ મળી હતી. શું તમે જાણો છો કે વરુણ ભારતીય ટીમમાં જોડાતા પહેલા એક એક્ટર હતો.
આ ફિલ્મમાં કર્યું છે કામ
ક્રિકેટર તરીકે ખ્યાતિ મેળવતા પહેલા, વરુણ ચક્રવર્તીનું મનોરંજન ઉદ્યોગમાં શાનદાર કારકિર્દી હતું. વર્ષ 2014 માં તે તમિલ ફિલ્મ ‘જીવા’ માં જોવા મળ્યો, જે એક સ્પોર્ટ્સ ડ્રામા હતી. આ ફિલ્મ તેના પોતાના જીવનની વાર્તા પર આધારિત હતી. તેને એક પેપ્યુલર રસોઈ રિયાલિટી શોમાં પણ ભાગ લીધો હતો, જેમાં તેને પોતાની વૈવિધ્યતાનું પ્રદર્શન કર્યું હતું અને વિશાળ પ્રેક્ષકોને આકર્ષ્યા હતા.
આવી હતી ફિલ્મની સ્ટોરી
વરુણ ચક્રવર્તીએ 2014 માં આવેલી તમિલ ફિલ્મ ‘જીવા’ માં એક નાનો રોલ ભજવ્યો હતો, જેમાં વિષ્ણુ વિશાલ મુખ્ય ભૂમિકામાં હતા. તે સમયે વરુણને ખબર હતી કે તે એક ફિલ્મમાં એક નાનો રોલ ભજવી રહ્યો છે જે લગભગ તેના જીવનની વાર્તા જેવી જ હતી. આ ફિલ્મ એક પ્રતિભાશાળી ક્રિકેટરની આસપાસ ફરે છે જે પોતાના સ્વપ્નને જીવંત રાખવા માટે સંઘર્ષ કરે છે અને સાથે સાથે પોતાના સાધારણ સંસાધનોથી સિસ્ટમ સામે લડે છે. હીરોને એક અલગ વ્યક્તિ તરીકે જોવામાં આવે છે, સ્થાનિક ક્લબમાં એક ખોવાયેલો ચહેરો, પરંતુ ડ્રેસિંગ રૂમમાં તેનો લુક બદલાઈ જાય છે. તે સીડી ચઢી રહ્યો છે તેમ છતાં, તેના પર અલગ હોવાનો ટેગ લટકતો રહે છે, જે તેને લગભગ ક્રિકેટ છોડી દેવાની ફરજ પાડે છે, જ્યાં સુધી IPL સ્કાઉટનો એક ફોન કોલ તેનું જીવન કાયમ માટે બદલી નાખે છે. ફિલ્મનો અંત ‘જીવા’ ભારત તરફથી રમવા સાથે થાય છે.
ભારતને મળી જીત
ગ્રુપ સ્ટેજમાં ન્યુઝીલેન્ડ સામે વરુણ ચક્રવર્તીનું શાનદાર પ્રદર્શન રમત બદલનાર રહ્યું, તેને 42 રનમાં 5 વિકેટ લઈને ભારતની 44 રનની જીતનો માર્ગ મોકળો કર્યો. આ પ્રભાવશાળી સિદ્ધિએ માત્ર “રહસ્યમય સ્પિનર” તરીકેની તેમની કુશળતાને ઉજાગર કરી નહીં, પરંતુ ભારતના સ્પિન આક્રમણની ઊંડાઈ અને તાકાત પણ દર્શાવી. પોતાના શાનદાર પ્રદર્શનથી તેને પોતાનું સ્થાન પણ સુરક્ષિત કરી લીધું.
