- જંત્રીના દર બમણાં કરવાના નિર્ણયને પડકારતી પિટિશનમાં જવાબ
- વિવિધ સંગઠનો, મંડળો, લોકોની રજૂઆતોના આધારે જ નિર્ણય
- પિટિશનમાં કયા મુદ્દા ઉઠાવાયા
રાજ્ય સરકાર દ્વારા જમીન અને મિલકતોના જંત્રીના દર હાલના દર કરતા બમણાં કરતા જાહેર કરાયેલા વિવાદીત જાહેરનામાને પડકારતી પિટિશનની સુનાવણીમાં ગુજરાત સરકાર દ્વારા સોગંદનામું રજૂ કરી બચાવ રજૂ કરાયો હતો કે, જંત્રી દરોમાં ફ્ેરફર કે સુધારો એ સરકારનો નીતિ વિષયક અને જનહિતને ધ્યાનમાં રાખીને લેવાયેલો નિર્ણય છે. વળી, વિવિધ સંગઠનો, મંડળો અને લોકોની રજૂઆત મળ્યા બાદ જ સરકારે તેને ધ્યાનમાં લઇને ગુજરાત સ્ટેમ્પ રૂલ્સની રૂલ-5(4) અન્વયે કાયદાનુસાર જ જંત્રી દરોમાં સુધારો કર્યો છે, તેમાં કોઇ ખોટુ થયુ નથી. હાઇકોર્ટે સરકારનું સોગંદનામું રેકર્ડ પર લઇ કેસની વધુ સુનાવણી જાન્યુઆરી મહિનાના ત્રીજા સપ્તાહમાં નિવૃત કરી છે.
રાજય સરકારના મહેસૂલ વિભાગના ડેપ્યુટી સેક્રેટરી(સ્ટેમ્પ) તરફ્થી સોંગદનામું રજૂ કરી જણાવાયું હતું કે, અરજદાર એસોસીએશનને આ પ્રકારની અરજી કરવાનો કોઇ અધિકાર જ નથી. વળી, અરજદારે જે મુદ્દા ઉઠાવ્યા છે, તે જાહેર હિતની અરજીના છે, તેથી અરજદારે જાહેર હિતની અરજી દાખલ કરવી જોઇએ. હાલની અરજી ટકી શકે તેમ નથી. સ્થાવર મિલકતોના બજાર ભાવમાં નોંધાયેલા વધારાને પગલે ગુજરાત સ્ટેમ્પ(ડિટરમીનેશન ઓફ્ માર્કેટ વેલ્યુ ઓફ્ પ્રોપર્ટી) રૂલ્સ-1984ની રૂલ-5(4) અન્વયે જંત્રી દરમાં સુધારો કરવાનો નિર્ણય લેવાયો છે.
પિટિશનમાં કયા મુદ્દા ઉઠાવાયા
અરજદાર એસોસીએશન તરફ્થી કરાયેલી પિટિશનમાં એવા મુદ્દા ઉઠાવાયા હતા કે, સરકારે આ વર્ષે તા.4-2-2023ના રોજ ઠરાવ બહાર પાડયો હતો અને ગુજરાત સ્ટેમ્પ (સંપત્તિના બજાર મૂલ્યના નિર્ધારણ) નિયમો- 1984ની જોગવાઈઓનો અમલ કર્યો હતો. ગુજરાત સ્ટેમ્પ એક્ટ, 1958 અને ગુજરાત સ્ટેમ્પ (મિલકતના બજાર મૂલ્યનું નિર્ધારણ) નિયમો 1984ની જોગવાઈઓના સંપૂર્ણ ઉલ્લંઘનમાં જંત્રી દરો નક્કી કરવામાં આવ્યા છે. આ દરો 2011ની જંત્રીની સરખામણીએ કરવામાં આવ્યા છે અને સરકારે ખુદ પોતાના કાયદાનું ઉલ્લંઘન કર્યું છે. સરકારે વર્ષ 2016માં જંત્રી દરોના વાર્ષિક સ્ટેટમેન્ટ અને તેની પ્રક્રિયા નક્કી કરતુ નોટિફ્કિેશન બહાર પાડયું હતું, જો કે, તેનો બિલકુલ અમલ થયો નથી અને તેમ છતાં રાજય સરકાર દ્વારા ગુજરાત સ્ટેમ્પ (સંપત્તિના બજાર મૂલ્યનું નિર્ધારણ) નિયમો- 1984માં રૂલ-5(4) હેઠળ કોઇપણ પ્રકારનો માર્કેટ વેલ્યુનો સર્વે કર્યા વિના, મિલ્કતો કે જમીનની બજાર સ્થિતિ કે વાસ્તવિક પરિસ્થિત ચકાસ્યા વિના તેમ જ અન્ય સંબંધિત પાસાઓ ધ્યાનમાં લીધા વિના બારોબાર જ 2011ના જંત્રી દરથી દરો બમણા કરી દેવાયા છે
