- શી જિનપિંગ અને જો બાઇડેન વચ્ચેની બેઠકની ચર્ચા
- બેઠક બાદ જો બાઇડેનને જિનપિંગને કહ્યા તાનાશાહ
- આ પ્રતિક્રિયા વિદેશ મંત્રી બ્લિકંનનો વીડિયો વાયરલ
ચીનના રાષ્ટ્રપતિ શી જિનપિંગ અને અમેરિકી રાષ્ટ્રપતિ જો બાઇડેન વચ્ચે બુધવારે (15 નવેમ્બર) લગભગ ચાર કલાક સુધી બેઠક થઈ હતી, પરંતુ આ બેઠકનો કોઈને કોઈ ફાયદો થયો નહોતો. જે બાદ બાઇડેને કહ્યું કે જિનપિંગ તાનાશાહ છે. અમેરિકી રાષ્ટ્રપતિના આ નિવેદન પર વિદેશ મંત્રી એન્ટની બ્લિંકનનો એક વીડિયો પણ વાયરલ થઈ રહ્યો છે, જેમાં તેઓ બાઇડેનના નિવેદનથી ખૂબ જ અસ્વસ્થ દેખાઈ રહ્યા છે.
વાયરલ ક્લિપમાં, જ્યારે બાઇડેન શી જિનપિંગ વિશે ટિપ્પણી કરી રહ્યા છે, ત્યારે બ્લિંકન ચહેરા બનાવતા જોવા મળે છે. આ દરમિયાન, તેના ચહેરા પરના હાવભાવ જોઈને સ્પષ્ટ થાય છે કે તે બાઇડેનના નિવેદન સાથે સહમત નથી. વીડિયોમાં તેમની આઈબ્રો થોડી વાંકી જોવા મળી રહી છે. આ સમય દરમિયાન, અમેરિકન વિદેશ પ્રધાન ચિંતિત અભિવ્યક્તિ સાથે બાઇડેન તરફ જોઈ રહ્યા છે.
મિટિંગ પછી તરત જ બાઇડેનનું નિવેદન આવ્યું
નોંધનીય છે કે શી જિનપિંગ વિશે બાયડેનની ટિપ્પણી સાન ફ્રાન્સિસ્કોમાં ચાર કલાક ચાલેલી બેઠક પછી તરત જ આવી હતી.બેઠક પછી પત્રકારો સાથે વાત કરતી વખતે બાઇડેનને પૂછવામાં આવ્યું હતું કે શું તેઓ હજુ પણ શી જિનપિંગને તાનાશાહ માને છે? આના પર બાઇડેને કહ્યું કે તે ચોક્કસપણે છે. બાઇડેને કહ્યું હતું કે તેઓ એવા દેશનું નેતૃત્વ કરી રહ્યા છે જે સામ્યવાદી છે. આ સંદર્ભમાં તે તાનાશાહ છે. તેમણે કહ્યું કે ચીનની સરકાર અમેરિકાથી સંપૂર્ણપણે અલગ છે.
અમેરિકી રાષ્ટ્રપતિની આ ટિપ્પણી એવા સમયે આવી છે જ્યારે અમેરિકા અને ચીન પોતાના મતભેદો ઘટાડવાનો પ્રયાસ કરી રહ્યા છે. આવી સ્થિતિમાં બાઇડેને જિનપિંગને તાનાશાહ કહ્યા બાદ હવે ચીન ગુસ્સામાં છે. તમને જણાવી દઈએ કે આ પહેલા બંને નેતાઓ નવેમ્બર 2022માં ઈન્ડોનેશિયાના બાલીમાં આયોજિત G20 શિખર સંમેલન દરમિયાન રૂબરૂમાં પણ મળ્યા હતા.
