China Rain Alert: ચીનમાં ભારે વરસાદનું એલર્ટ જાહેર, એજન્સીઓ ઈમરજન્સી મોડમાં

• ચીનમાં સાંબેલાધાર વરસાદની હવામાન વિભાગની આગાહી
• વાવાઝોડા સાથે પ્રતિ કલાકની ત્રણ ઈંચના વરસાદની આગાહી
• ચીનના નીચાણ વિસ્તારોમાં ભારે વરસાદને લીધે ઈમરજન્સી લાગુ કરવામાં આવી

 ચીનમાં આવનારા તોફાનને ધ્યાનમાં રાખીને ઈમરજન્સી લંબાવવામાં આવી છે. હવામાન પ્રશાસને રવિવારે લેવલ થ્રી-લેવલ સુધીના વાવાઝોડા માટે કટોકટી વધારી દીધી હતી. રિપોર્ટ અનુસાર, આગામી સપ્તાહમાં યાંગ્ત્ઝી નદીના મધ્ય અને નીચલા ભાગોમાં સતત ભારે વરસાદની આગાહીને ધ્યાનમાં રાખીને આ કટોકટી આવી છે.

ચીનમાં ટાયફૂન માટે ચાર-સ્તરની કટોકટી પ્રતિભાવ સિસ્ટમ છે, જેમાં લેવલ I સૌથી ગંભીર છે. દરમિયાન, રાષ્ટ્રીય હવામાન કેન્દ્રે રવિવારે સવારે વાવાઝોડા માટે ઓરેન્જ એલર્ટ લાદ્યું હતું, જેમાં હેઇલોંગજિયાંગ, હુનાન, જિયાંગસીમાં ભારે વરસાદ અને વાવાઝોડાની આગાહી કરવામાં આવી હતી.

ચીનમાં ભારે વરસાદની ચેતવણી, એજન્સીઓ ઈમરજન્સી મોડ પર

રાષ્ટ્રીય હવામાન કેન્દ્રે રવિવારે સવારે તોફાન માટે ઓરેન્જ એલર્ટ લાદ્યું હતું, જેમાં હેઇલોંગજિયાંગ હુનાન જિઆંગસીમાં ભારે વરસાદ અને તોફાનની આગાહી કરવામાં આવી હતી, ચીનમાં બદલાતી હવામાનની પેટર્નને ધ્યાનમાં રાખીને કટોકટી વધારી દેવામાં આવી છે.

સાંબેલાધાર વરસાદની આગાહી

રવિવારથી સોમવાર બપોર સુધી ચીનના વિવિધ વિસ્તારો જેવા કે, જિઆંગસુ, અનહુઇ, હુબેઇ, ઝેજિયાંગ, યુનાન, ગુઇઝોઉ, ગુઆંગસી અને હૈનાન જેવા પ્રદેશોના ભાગોમાં ભારે વરસાદ પડવાની આગાહી કરાઈ છે. જેમાં 70 મીમી અથવા વધુ પ્રતિ કલાકના વરસાદ સાથે, વાવાઝોડું થવાની શક્યતા છે. જણાવી દઈએ કે આને ધ્યાનમાં રાખીને સ્થાનિક સરકારોને યોગ્ય તૈયારીઓ કરવા અને તે મુજબ તેમની જવાબદારીઓ નિભાવવા અપીલ કરવામાં આવ્યા છે. ચીનમાં ચાર-સ્તરના રંગ-કોડેડ હવામાન ચેતવણી પ્રણાલી જાહેર કરાઈ છે. જેમાં લાલ સૌથી ગંભીર ચેતવણીનું પ્રતિનિધિત્વ કરે છે, ત્યારબાદ નારંગી, પીળો અને વાદળી આવે છે.