- પોતાની નવી શોધોથી સમગ્ર વિશ્વને ચોંકાવી રહ્યું છે ચીન
- તાજેતરમાં ચીને કર્યું મેગલેવ ટ્રેનનું સફળ પરીક્ષણ
- ટેસ્ટિંગ દરમિયાન ટ્રેનની સ્પીડ 387 માઈલ પ્રતિ કલાક
વૈશ્વિક મંચ પર ચીન પોતાનો દબદબો બનાવી રહ્યું છે. તે સતત નવી શોધો કરી રહ્યો છે જેના કારણે તેની અર્થવ્યવસ્થા ખૂબ જ ઝડપથી આગળ વધી રહી છે. રોજિંદા જીવનમાં સામાન્ય લોકોની સુવિધાને ધ્યાનમાં રાખીને ચીનએ તાજેતરમાં મેગ્નેટિકલી લેવિટેડ એટલે કે મેગલેવ ટ્રેનનું સફળ પરીક્ષણ કર્યું છે. ચાઇના એરોસ્પેસ સાયન્સ એન્ડ ઇન્ડસ્ટ્રીઝ કોર્પોરેશનના જણાવ્યા અનુસાર, તેમણે ગત વર્ષે ઓક્ટોબરમાં મેગ્લેવ ટ્રેનનું પરીક્ષણ કર્યું હતું. ટેસ્ટિંગ દરમિયાન ટ્રેનની સ્પીડ 387 માઈલ પ્રતિ કલાક એટલે કે 623 કિલોમીટર પ્રતિ કલાકની ઝડપે માપવામાં આવી હતી, જે એક રેકોર્ડ છે.
CASIC અનુસાર, આ સ્પીડ સુપરકન્ડક્ટિંગ મેગ્લેવ વાહનોની દુનિયામાં એક માઈલસ્ટોન સાબિત થશે. સફળતા બાદ CASIC દ્વારા મોટું નિવેદન આપતા કહ્યું છે કે હવે તે આ સ્પીડને 3 ગણી કરવા માટે કામ કરી રહ્યા છે. ચીનનું સપનું મેગ્લેવ ટ્રેનોને એરોપ્લેનની સ્પીડ કરતાં વધુ ઝડપથી દોડાવવાનું છે.
અગાઉ, 380 મીટરના ટ્રેક પર સુપરકન્ડક્ટીંગ મેગ્લેવ ટેક્નોલોજીનું પરીક્ષણ કરવામાં આવ્યું હતું. આ દરમિયાન તેની સ્પીડ 145 માઈલ પ્રતિ કલાક એટલે કે 234 કિલોમીટર પ્રતિ કલાકની માપવામાં આવી હતી.
ચાઇનીઝ મીડિયાના અહેવાલો અનુસાર, CASIC એ તેના આગલા તબક્કામાં ટ્રેનની ગતિ 621 mph એટલે કે 1,000 કિલોમીટર પ્રતિ કલાક સુધી વધારવાની યોજના બનાવી છે. લોકોને હંમેશા એવો પ્રશ્ન થાય છે કે મેગ્લેવ ટ્રેન કેવી રીતે કામ કરે છે, તો જણાવી દઈએ કે આ ટ્રેન ઈલેક્ટ્રોમેગ્નેટિક એનર્જીને કારણે પાટાથી લગભગ 10 મિલીમીટર ઉપર હવામાં દોડે છે. તેમની ઝડપી ગતિનું રહસ્ય મેગલેવ ટેકનોલોજી છે. મેગલેવ ટેક્નોલોજીના કારણે ટ્રેનો પાટા પર દોડતી નથી પરંતુ પાટા કરતાં થોડી ઉપર દોડે છે. ચીનના વિજ્ઞાનીઓએ આ ટ્રેનોને હાઇ સ્પીડથી દોડવા માટે ખાસ રીતે બનાવી છે.
