ભારત અને પાકિસ્તાન વચ્ચેનો તણાવ હવે ચરમસીમાએ છે. ભારતીય સેના પાકિસ્તાનના હુમલાઓનો સતત જવાબ આપી રહી છે. “ઓપરેશન સિંદૂર” પછી પાકિસ્તાન ભારતીય લશ્કરી ઠેકાણાઓ પર મિસાઇલ હુમલા કરી રહ્યું છે. પરંતુ આપણી મિસાઇલ સંરક્ષણ પ્રણાલી તેની યોજનાઓને નિષ્ફળ બનાવી રહી છે. આવી સ્થિતિમાં પાકિસ્તાને કરેલા ચીની સામાનનો ઉપયોગ સંપૂર્ણપણે બિનઅસરકારક સાબિત થયો છે.
ચીની શસ્ત્રોથી છેતરાયું પાકિસ્તાન
પાકિસ્તાને બુધવાર અને ગુરુવારે ભારત પર મિસાઇલો અને ડ્રોનથી હુમલો કર્યો. પાકિસ્તાને ભારત પર PL-15E ફાયર કર્યું. જે હવામાં નાશ કરાયુ હતુ. આ મિસાઇલ પંજાબના હોશિયારપુરના એક ગામમાં પડેલી મળી આવી હતી. ચીન પાસેથી પાકિસ્તાને આવી 240 મિસાઇલો ખરીદી હતી. જે સંપૂર્ણપણે બિનઅસરકારક સાબિત થઇ હતી.
પાકિસ્તાને આ શસ્ત્રોનો ઉપયોગ કર્યો
પાકિસ્તાને પણ CH-4 ડ્રોનથી ભારત પર હુમલો કર્યો હતો. પાકિસ્તાને આ ડ્રોન ચીન પાસેથી ખરીદ્યું હતું. પાકિસ્તાન પાસે આવા 15 ડ્રોન છે. જોકે, તેના ઉપયોગની હજુ સુધી પુષ્ટિ થઈ નથી. આ ઉપરાંત, પાકિસ્તાન પાસે ચીન પાસેથી મળેલી હવાઈ સંરક્ષણ પ્રણાલી HQ-9P છે. ભારતે ગુરુવારે સવારે ડ્રોનથી હુમલો કરીને લાહોરમાં તૈનાત આ સંરક્ષણ પ્રણાલીનો નાશ કર્યો. આ ઉપરાંત, ભારતે પાકિસ્તાનના 2 JF 17 થંડર ફાઇટર જેટ અને એક J-10C ફાઇટર જેટને પણ તોડી પાડ્યા છે. પાકિસ્તાને આ બંને જેટ ચીન પાસેથી ખરીદ્યા છે.
