સીએમ યોગી આદિત્યનાથને મળી બોમ્બથી ઉડાવી દેવાની ધમકી, અજ્ઞાત ફોનથી વધી મુશ્કેલી

• સુરક્ષા મુખ્યાલયમાં શનિવારે રાતે ધમકીભર્યો ફોન આવ્યો
  
• ફોન આવતા જ પોલીસ તંત્રની વધી ચિંતા
  
• નંબરના આધારે પોલીસ ફોન કરનારની કરી રહી છે શોધ

ઉત્તર પ્રદેશના મુખ્યમંત્રી યોગી આદિત્યનાથને બોમ્બથી ઉડાવી દેવાની ધમકી આપવામાં આવી છે. જે બાદ પોલીસ પ્રશાસનના હોશ ઉડી ગયા છે. શનિવારે રાત્રે એક અજાણ્યા વ્યક્તિએ સિક્યોરિટી હેડક્વાર્ટરના CUG નંબર પર ફોન કરીને સીએમ યોગીને બોમ્બથી ઉડાવી દેવાની ધમકી આપી હતી. જે બાદ મહાનગર કોતવાલીમાં હાજર હેડ કોન્સ્ટેબલ ઉધમ સિંહની ફરિયાદના આધારે આ કેસમાં કેસ નોંધવામાં આવ્યો છે.

 10 વાગ્યે એક અજાણ્યા વ્યક્તિએ કર્યો ફોન

સમાચાર મુજબ, શનિવારે રાત્રે લગભગ 10 વાગ્યે એક અજાણ્યા વ્યક્તિએ સુરક્ષા હેડક્વાર્ટર પર ફોન કર્યો, આ ફોન ફરજ પરના હેડ કોન્સ્ટેબલે ઉપાડ્યો, ત્યારબાદ આરોપીઓએ સીએમ યોગીને બોમ્બથી ઉડાવી દેવાની ધમકી આપી. કોન્સ્ટેબલે ફોન કરનાર યુવકનું નામ પૂછતાં આરોપીએ ફોન કાપી નાખ્યો હતો.

સીએમ યોગીને મારી નાખવાની ધમકી

સીએમ યોગીને ધમકીભર્યા ફોન બાદ પોલીસ પ્રશાસનમાં ખળભળાટ મચી ગયો છે. આ મામલે કોતવાલી પોલીસ સ્ટેશનમાં આપેલી ફરિયાદના આધારે પોલીસે તપાસ શરૂ કરી છે. પોલીસે નંબરના આધારે આરોપીની શોધખોળ શરૂ કરી છે. આરોપી કોણ હતો અને તેણે આ ફોન શા માટે કર્યો તે જાણવાના પ્રયાસો કરવામાં આવી રહ્યા છે. જે નંબર પરથી આ ફોન કોલ આવ્યો હતો તેના સર્વેલન્સના આધારે તેના લોકેશનની તપાસ કરવામાં આવી રહી છે. આ મામલાની તપાસ માટે પોલીસની ચાર ટીમો તૈનાત કરવામાં આવી હતી. આરોપીઓ હજુ પણ પોલીસથી ફરાર છે. આ અંગે આગળની કાયદેસરની કાર્યવાહી હાથ ધરી છે.

તમને જણાવી દઈએ કે આ પહેલીવાર નથી જ્યારે સીએમ યોગી આદિત્યનાથને આવી ધમકી આપવામાં આવી હોય. સીએમ યોગી દ્વારા ગુનેગારો વિરુદ્ધ લેવામાં આવેલી કડક કાર્યવાહી અને તેમની લોકપ્રિયતાને કારણે તેઓ અરાજકતાવાદી તત્વોના નિશાના પર રહે છે. આ જ કારણ છે કે પોલીસ આ મામલે બેદરકારી દાખવવાના મૂડમાં નથી.