- લોકસભા ચૂંટણી 2024ને લઇ કોંગ્રેસની તડામાર તૈયારી
- કોંગ્રેસે મહારાષ્ટ્ર અને તેલંગાણામાંથી ઉમેદવારોને મેદાનમાં ઉતાર્યા
- કોંગ્રેસે કાશીનાથ પાટીલ અને કડિયમ કાવ્યાને આપી ટિકિટ
કોંગ્રેસે લોકસભા ચૂંટણી 2024 માટે ઉમેદવારોની 10મી યાદી જાહેર કરી છે. કોંગ્રેસે મહારાષ્ટ્ર અને દક્ષિણ ભારતના તેલંગાણામાંથી 2 ઉમેદવારોને મેદાનમાં ઉતાર્યા છે. અભય કાશીનાથ પાટીલ મહારાષ્ટ્રના અકોલાથી અને કડિયમ કાવ્યા તેલંગાણાના વારંગલથી ચૂંટણી લડશે. કોંગ્રેસે અત્યાર સુધીમાં કુલ 214 ઉમેદવારોની જાહેરાત કરી છે. અગાઉ કોંગ્રેસે 9 અલગ-અલગ યાદીમાં 212 ઉમેદવારો જાહેર કર્યા હતા.
અત્યાર સુધીમાં 223 ઉમેદવારોના નામ જાહેર કરવામાં આવ્યા
- 29 માર્ચે કોંગ્રેસ પાર્ટીએ લોકસભા ચૂંટણી માટે ઉમેદવારોની નવમી યાદી બહાર પાડી હતી. યાદી અનુસાર સીપી જોશી રાજસ્થાનના ભીલવાડાથી, દામોદર ગુર્જર રાજસ્થાનના રાજસમંદથી ચૂંટણી લડશે.
- 27 માર્ચે કોંગ્રેસ પાર્ટીએ લોકસભા ચૂંટણી માટે ઉમેદવારોની આઠમી યાદી બહાર પાડી હતી. જેમાં ચાર રાજ્યોની 14 લોકસભા સીટો માટે ઉમેદવારોના નામની જાહેરાત કરવામાં આવી હતી. તેમાં ઉત્તર પ્રદેશ અને તેલંગાણાની ચાર લોકસભા બેઠકો, મધ્ય પ્રદેશ અને ઝારખંડની ત્રણ-ત્રણ લોકસભા બેઠકોનો સમાવેશ થાય છે.
- 26 માર્ચે કોંગ્રેસે લોકસભા ચૂંટણી માટે ઉમેદવારોની સાતમી યાદી બહાર પાડી હતી. જેમાં છત્તીસગઢની ચાર લોકસભા સીટ અને તમિલનાડુની એક લોકસભા સીટ માટે ઉમેદવારોની જાહેરાત કરવામાં આવી હતી.
- 25 માર્ચે કોંગ્રેસે ઉમેદવારોની છઠ્ઠી યાદી બહાર પાડી હતી. જેમાં રાજસ્થાન માટે ચાર અને તમિલનાડુ માટે એક ઉમેદવારની જાહેરાત કરવામાં આવી હતી.
- ઉમેદવારોની પાંચમી યાદી એક દિવસ અગાઉ જાહેર કરવામાં આવી હતી. યાદીમાં રાજસ્થાનની બે લોકસભા અને મહારાષ્ટ્રની એક લોકસભા બેઠક માટે ઉમેદવારોની જાહેરાત કરવામાં આવી હતી.
- કોંગ્રેસની ચોથી યાદી 23 માર્ચે બહાર પડી હતી. જેમાં 45 ઉમેદવારોના નામની જાહેરાત કરવામાં આવી હતી. કોંગ્રેસે રાજસ્થાનની નાગૌર બેઠક રાષ્ટ્રીય લોકતાંત્રિક પાર્ટી (RLP) માટે છોડી દીધી છે. અગાઉ 21 માર્ચે કોંગ્રેસે ઉમેદવારોની ત્રીજી યાદી જાહેર કરી હતી, જેમાં 57 નામ સામેલ હતા.
- કોંગ્રેસની પ્રથમ યાદીમાં 39 અને બીજી યાદીમાં 43 ઉમેદવારોની જાહેરાત કરવામાં આવી હતી.
મતદાન ક્યારે થશે અને પરિણામો ક્યારે આવશે?
દેશમાં 18મી લોકસભાની સામાન્ય ચૂંટણી 19 એપ્રિલ, 2024થી શરૂ થશે, ત્યારબાદ 26 એપ્રિલ, 7 મે, 13 મે, 20 મે, 25 મે અને 1 જૂને વધુ છ તબક્કામાં મતદાન થશે, જ્યારે મત ગણતરી 4 જૂન, 2024 ના રોજ થશે.
