- ભારતે નેધરલેન્ડને 160 રનથી હરાવ્યું
- વર્લ્ડકપમાં ભારત સતત 9 મેચ જીત્યું
- આ મેચમાં 9 બોલરોએ બોલિંગ કરી
ભારતીય ટીમે વર્લ્ડકપ 2023ની તેની છેલ્લી લીગ મેચમાં નેધરલેન્ડને 160 રનથી હરાવ્યું હતું. ટૂર્નામેન્ટમાં ભારતીય ટીમની આ સતત 9મી જીત હતી. વર્લ્ડકપના લીગ તબક્કામાં ભારત એકમાત્ર એવી ટીમ હતી જે એકપણ મેચ હાર્યું ન હતું. નેધરલેન્ડ સામેની મેચ પછી, કેપ્ટન રોહિત શર્માએ ફોર્મ્યુલા જાહેર કરી કે કેવી રીતે મેન ઇન બ્લુએ ટૂર્નામેન્ટમાં સતત 9 જીત હાંસલ કરી હતી.
ભારત સતત 9 મેચ જીત્યું
નેધરલેન્ડ સામેની મેચ બાદ ભારતીય સુકાની રોહિત શર્માએ કહ્યું, “ટૂર્નામેન્ટની શરૂઆતથી જ અમે એક સમયે એક જ મેચ વિશે વિચારી રહ્યા હતા અને તેમાં સારું પ્રદર્શન કરી રહ્યા હતા. અમે ક્યારેય વધારે લાંબુ વિચારવા માંગતા ન હતા કારણ કે આ એક લાંબી ટૂર્નામેન્ટ છે. અમારા માટે એક મેચ પર ધ્યાન કેન્દ્રિત કરવું અને તેને સારી રીતે રમવું મહત્વપૂર્ણ હતું. બધાએ આ કર્યું. તમે અલગ-અલગ સ્થળો અને અલગ-અલગ પરિસ્થિતિઓમાં રમો છો, તેથી તમારે તે મુજબ રમવું પડશે અને અમે પણ એવું જ કર્યું. “અમે નવ મેચોમાં જે રીતે રમ્યા તેનાથી હું ખૂબ જ ખુશ છું.”
દરેક ખેલાડીએ જવાબદારી લીધી
રોહિત શર્માએ આગળ કહ્યું, “આ એટલા માટે છે કારણ કે અલગ-અલગ લોકોએ અલગ-અલગ સમયે તેમનું કામ કર્યું છે. જ્યારે દરેક વ્યક્તિ જવાબદારી લેવા અને ટીમ માટે કામ કરવા માંગે છે ત્યારે તે ટીમ માટે સારો સંકેત છે. જો કે અમે ભારતમાં ઘણું ક્રિકેટ રમ્યું છે અને પરિસ્થિતિઓ જાણીએ છીએ, તેમ છતાં જ્યારે અમે અલગ-અલગ વિપક્ષી ટીમો સામે અલગ-અલગ પરિસ્થિતિઓમાં રમીએ છીએ ત્યારે તે એક અલગ પડકાર છે. અમે સ્થિતિની સંપૂર્ણ તપાસ કરી. અમે ટૂર્નામેન્ટની શરૂઆત રન ચેઝ સાથે ચાર મેચમાં જીત હાંસલ કરી હતી અને છેલ્લી ચાર મેચમાં પ્રથમ બેટિંગ કરીને જીત મેળવી હતી. સ્પિનરો સાથે ફાસ્ટ બોલરોએ ખુબ જ સારૂ પ્રદર્શન કર્યું હતું.
આ મેચમાં 9 બોલરોએ બોલિંગ કરી
ભારતીય કેપ્ટને કહ્યું, “ડ્રેસિંગ રૂમનું વાતાવરણ સારું રાખવા માટે પરિણામ મહત્ત્વપૂર્ણ છે. ઘણી બધી અપેક્ષાઓ છે, જેને અમે બાજુ પર રાખીશું અને રમત પર ધ્યાન કેન્દ્રિત કરીશું. એકવાર ટુર્નામેન્ટ શરૂ થયા પછી અમે એકબીજાની કંપનીનો આનંદ માણ્યો. અમે મેદાન પર ઉત્સાહ અને આનંદ સાથે રમત રમવા માંગતા હતા અને આ અમારા પ્રદર્શનમાં પ્રતિબિંબિત થયું. જ્યારે તમે આવી વસ્તુઓ કરો છો, ત્યારે ખેલાડીઓ કોઈપણ દબાણ વગર પ્રદર્શન કરે છે.” હિત શર્માએ બોલરો વિશે આગળ કહ્યું, “જ્યારે તમારી પાસે પાંચ બોલર હોય, તો તમે ટીમ માટે વિકલ્પો બનાવવા માંગો છો. આજે અમારી પાસે 9 બોલર હતા. આ એક મેચ હતી જ્યાં આપણે કેટલીક વસ્તુઓ અજમાવી શકીએ. ફાસ્ટ બોલરો એવા સમયે વાઈડ યોર્ક બોલિંગ કરતા હતા જ્યારે તેની જરૂર ન હતી. એક બોલિંગ યુનિટ તરીકે અમે એક પ્રયોગ કરવા માગતા હતા અને અમે શું હાંસલ કરી શકીએ તે જોવા માગતા હતા.
