IPL 2025ની 62મી મેચ ચેન્નાઈ સુપર કિંગ્સ અને રાજસ્થાન રોયલ્સ વચ્ચે દિલ્હીના અરુણ જેટલી સ્ટેડિયમ ખાતે રમાઈ રહી છે. પ્લેઓફની રેસમાંથી બહાર થઈ ગયેલી બંને ટીમો માટે આ મેચ સન્માનની લડાઈ હોવા છતાં સ્ટેડિયમમાં હાજર એક વ્યક્તિએ બધા લોકોનું ધ્યાન ખેંચ્યું છે. આ મેચમાં એમએસ ધોનીને જોવા માટે ફેન્સ મોટી સંખ્યામાં સ્ટેડિયમ પહોંચ્યા છે. પરંતુ ત્યાં, ધોનીની સાથે એક ફેન્સ પણ થોડી જ વારમાં સોશિયલ મીડિયા પર વાયરલ થઈ ગયો છે.
CSK vs RR મેચમાં 2 MS ધોની જોવા મળ્યા
સોશિયલ મીડિયા પર વાયરલ થઈ રહેલો આ ફેન્સ એકદમ મહેન્દ્ર સિંહ ધોની જેવો દેખાય છે. જ્યારે ફેન્સે આ વ્યક્તિને જોયો ત્યારે બધા જ લોકો આશ્ચર્યચકિત થઈ ગયા. ફેન્સ એક મિનિટ માટે તો મૂંઝવણમાં મુકાઈ ગયા કે આપણે ધોનીને જોઈ રહ્યા છીએ કે શું? તમને જણાવી દઈએ કે, આ વ્યક્તિનું નામ ઋષભ માલાકર છે, જે એમએસ ધોની જેવો દેખાય છે. ધોની જેવા દેખાવ માટે પ્રખ્યાત રિષભ માલાકર સ્ટેડિયમમાં CSK જર્સીમાં જોવા મળ્યો હતો. સોશિયલ મીડિયા પર તેની તસવીરો વાયરલ થતાં જ ફેન્સ તેને ધોનીનો ‘ક્લોન’ પણ કહી દીધો. ઋષભ માલાકરને જોઈને ફેન્સ સ્ટેડિયમમાં ધોની-ધોનીના નારા લગાવવા લાગ્યા.
ઋષભ માલાકર મધ્યપ્રદેશના ઈન્દોરનો રહેવાસી
તમને જણાવી દઈએ કે, ઋષભ માલાકર મધ્યપ્રદેશના ઈન્દોરનો રહેવાસી છે. ઋષભ અત્યારે અભ્યાસ કરી રહ્યો છે. ધોની જેવા દેખાવને કારણે તે સોશિયલ મીડિયા પર ખૂબ પ્રખ્યાત છે અને તેના શહેર એટલે કે ઈન્દોરમાં, બધા તેને માહી કહીને બોલાવે છે. સોશિયલ મીડિયા પર પણ તેના લાખો ચાહકો છે. ઈન્સ્ટાગ્રામ પર 90 હજારથી વધુ લોકો તેને ફોલો કરે છે. ધોની જેવો દેખાતો હોવાને કારણે તે નામ અને પૈસા બંને કમાઈ રહ્યો છે. ગયા વર્ષે તે ઈન્ડિયન વેટરન પ્રીમિયર લીગમાં પણ જોવા મળ્યો હતો. લીગ મેનેજમેન્ટ દ્વારા તેમને બોલાવવામાં આવ્યા હતા.
શું ધોની આગામી સિઝનમાં રમશે?
IPL 2025માં ચેન્નાઈ સુપર કિંગ્સનું પ્રદર્શન ખૂબ જ નિરાશાજનક રહ્યું છે. આ સિઝનમાં તે લિસ્ટમાં સૌથી નીચે છે. બીજી તરફ, એવા સમાચાર આવી રહ્યા છે કે ધોની પોતાની ભવિષ્યની યોજનાઓ પ્રત્યે ખૂબ જ ગંભીર છે અને તે નિવૃત્તિ વિશે વિચારી રહ્યો નથી. ધોનીએ હજુ સુધી પોતાની નિવૃત્તિ અંગે કોઈ સત્તાવાર નિવેદન આપ્યું નથી કે ન તો તેણે પોતાની ફ્રેન્ચાઈઝીને આ વિશે કંઈ કહ્યું છે. આવી સ્થિતિમાં, ફેન્સ તેને બીજી સીઝન માટે રમતા જોઈ શકે છે.
