- પેલેસ્ટાઈન તરફી રેલીમાં સેંકડો લોકોએ US સૈનિકોના નિવાસસ્થાન એરપોર્ટ પર હુમલો
- ગાઝામાં માનવતાવાદી કટોકટી વણસી જતાં તુર્કીએ કરી ઈઝરાયેલની આકરી ટીકા
- રશિયાના દાગેસ્તાન પ્રાંતના મખાચકલા એરપોર્ટ પર હજારો મુસ્લિમોએ હુમલો કર્યો
હમાસ અને ઈઝરાયેલ વચ્ચે ચાલી રહેલા યુદ્ધને એક મહિનો પૂરો થવા જઈ રહ્યો છે. સમગ્ર વિશ્વમાં આ યુદ્ધના વિરોધમાં રસ્તાઓ પર દેખાવો થઈ રહ્યા છે. ઈઝરાયેલને અમેરિકાના સમર્થન સામે ત્યાં પણ ભારે વિરોધ પ્રદર્શન થઈ રહ્યા છે. આ દરમિયાન અમેરિકી વિદેશ મંત્રી એન્ટની બ્લિંકન ગાઝા પર વાટાઘાટો માટે અંકારા પહોંચ્યા તેના કલાકો પહેલાં રવિવારે પેલેસ્ટાઈન તરફી રેલીમાં સેંકડો લોકોએ યુએસ સૈનિકોના નિવાસસ્થાન એરપોર્ટ પર હુમલો કરવાનો પ્રયાસ કર્યો હતો. તુર્કી પોલીસે ચાર્જ સંભાળ્યો અને બાદમાં ટીયર ગેસ અને વોટર કેનનનો ઉપયોગ કરીને વિરોધીઓને વિખેરી નાખ્યા હતા.
તુર્કીમાં વિરોધ પ્રદર્શનો થયો
ગાઝામાં માનવતાવાદી કટોકટી વણસી જતાં તુર્કી ઈઝરાયેલની આકરી ટીકા કરી રહ્યું છે અને બીજી તરફ પેલેસ્ટિનિયન જૂથ હમાસના સભ્યોને હોસ્ટ કરીને બે-રાજ્ય ઉકેલને સમર્થન આપી રહ્યું છે. ઇઝરાયેલ-હમાસ યુદ્ધ શરૂ થયા બાદ તુર્કીમાં મોટા પાયે વિરોધ પ્રદર્શનો શરૂ થયા છે.
IHHએ પ્રદર્શનનું આયોજન કર્યું
આ અઠવાડિયાની શરૂઆતમાં IHH હ્યુમેનિટેરિયન રિલીફ ફાઉન્ડેશન, એક ઇસ્લામવાદી તુર્કી સહાય એજન્સી, ગાઝા પર ઇઝરાયેલી હુમલાઓ અને ઇઝરાયેલના યુએસ સમર્થનનો વિરોધ કરવા દક્ષિણ તુર્કીના અદાના પ્રાંતમાં ઇન્સિર્લિક એર બેઝ પર ભીડ એકઠી કરી હતી. ઇન્સિર્લિક એર બેઝનો ઉપયોગ સીરિયા અને ઇરાકમાં ઇસ્લામિક સ્ટેટ સામે લડતા આંતરરાષ્ટ્રીય ગઠબંધનને ટેકો આપવા માટે થાય છે જેમાં યુએસ સૈનિકો પણ સામેલ છે. IHH વિરોધ દરમિયાન Incirlikને બંધ કરવાની માંગણી કરવામાં આવી હતી.
પોલીસ સાથે અથડામણ
વિરોધના જે ફૂટેજ સામે આવ્યા છે તેમાં પોલીસ ટર્કિશ અને પેલેસ્ટિનિયન ધ્વજ લહેરાવતા અને સૂત્રોચ્ચાર કરતા ભીડને વિખેરવા માટે ટીયર ગેસ છોડે છે અને વોટર કેનનનો ઉપયોગ કરી રહી છે. દેખાવકારોએ બેરિકેડ તોડી નાખ્યા અને પોલીસ સાથે ઘર્ષણ થયું હતું.
ફૂટેજમાં દેખાવકારોએ પોલીસ પર પ્લાસ્ટિકની ખુરશીઓ, પથ્થરો અને અન્ય વસ્તુઓ ફેંકતા પણ દર્શાવ્યા હતા જેમણે ભીડ પર ટીયર ગેસ છોડ્યો હતો. ભીડ અને સુરક્ષા દળો વચ્ચે ભીષણ અથડામણ થઈ હતી. IHH પ્રમુખ બુલેન્ટ યિલ્દિરીમે અદાનામાં ભીડને સંબોધિત કરી અને તેમને પોલીસ પર હુમલો ન કરવા અપીલ કરી હતી.
આવો જ હુમલો દાગેસ્તાનમાં પણ થયો
આવી જ રીતે થોડા દિવસ પહેલા રશિયાના દાગેસ્તાન પ્રાંતના મખાચકલા એરપોર્ટ પર હજારો મુસ્લિમોએ હુમલો કર્યો હતો. હકીકતમાં તેઓને ખબર પડી હતી કે તેલ અવીવથી એક વિમાન એરપોર્ટ પર આવ્યું છે જેમાં યહૂદીઓ સવાર હતા. ગાઝા પટ્ટી પર ઈઝરાયેલના હુમલાથી ગુસ્સે ભરાયેલા ભીડે તેમને નુકસાન પહોંચાડવાની યોજના બનાવવાનું શરૂ કર્યું હતું.
