- અમેરિકાની લેબમાં ચીનથી લાવવામાં આવેલા વાયરસ પર સંશોધન
- યુએસનાં મોન્ટાનામાં સ્થિત લેબમાં કરવામાં આવ્યા કોરોના પર પ્રયોગ
- વુહાન લેબનાં સેમ્પલથી 12 ઇજિપ્શિયન ચામાચીડિયાને કર્યા સંક્રમિત
કોરોના મહામારી માટે અમુક હદ સુધી ચીનને જવાબદાર ગણવામાં આવી રહ્યું છે. ઘણા અહેવાલોમાં દાવો કરવામાં આવ્યો છે કે કોરોના વાયરસ ચીનની વુહાન લેબથી સમગ્ર વિશ્વમાં ફેલાયો છે. હવે અમેરિકાએ કોરોના વાયરસ પર સંશોધન માટે ચીનની વુહાન લેબ સાથે કરાર કર્યો છે. રિપોર્ટમાં દાવો કરવામાં આવ્યો છે કે ચીનની વુહાન લેબથી લાવવામાં આવેલા કોરોના વાયરસ પર અમેરિકામાં સંશોધન કરવામાં આવી રહ્યું છે.
રિસર્ચ પેપરમાં ઘટસ્ફોટ
રિપોર્ટમાં કહેવામાં આવ્યું છે કે આ લેબ અમેરિકાના મોન્ટાનામાં છે. આ લેબનું નેતૃત્વ અમેરિકન ઇમ્યુનોલોજિસ્ટ ડૉ. એન્થોની ફૌસી દ્વારા કરવામાં આવ્યું હતું. અમેરિકન લેબમાં કોવિડ રોગચાળાના સ્ત્રોત ગણાતા ચીનના વુહાનની લેબમાંથી લાવવામાં આવેલા કોરોના વાયરસ પર કથિત રીતે પ્રયોગો કરવામાં આવી રહ્યા હતા. આ ઘટસ્ફોટ 2018 માં વાયરસ જર્નલમાં પ્રકાશિત થયેલા એક સંશોધન પેપરની પુનઃપ્રાપ્તિ પછી થયો હતો. જેમાં અમેરિકાની લેબમાં વાયરસની હાજરી તેમજ ત્યાં કરવામાં આવેલા પ્રયોગો જાહેર કરવામાં આવ્યા હતાં.
લેબમાં 12 ઇજિપ્તીયન ચામાચીડિયાને કર્યા સંક્રમિત
નેશનલ ઇન્સ્ટિટ્યૂટ ઑફ હેલ્થે 2018 માં મોન્ટાનામાં સ્થિત એક લેબમાં WIV1 નામના ‘SARS’ જેવા વાયરસથી 12 ઇજિપ્તીયન ચામાચીડિયાને સંક્રમિત કર્યા હોવાના અહેવાલ છે. આ અહેવાલ યુએસ સરકાર અને વુહાન લેબને વિશ્વભરમાં ખતરનાક વાયરસ સંશોધનના સંબંધિત પ્રયોગો સાથે સીધી રીતે જોડે છે. 2018 માં આ પ્રયોગ મોન્ટાનામાં NIH ની રોકી માઉન્ટેન લેબોરેટરીઝમાં હાથ ધરવામાં આવ્યો હતો. લેબની દેખરેખ ડો. એન્થોની ફૌસી દ્વારા કરવામાં આવી હતી. આ સંશોધન એનઆઈએચની રોકી માઉન્ટેન લેબોરેટરીઝ અને યુનિવર્સિટી ઓફ નોર્થ કેરોલિના ખાતે વુહાન ઈન્સ્ટિટ્યૂટ ઓફ વાયરોલોજીના સાથીદાર રાલ્ફ બેરિક વચ્ચેનો સંયુક્ત પ્રોજેક્ટ હતો. વિજ્ઞાનીઓએ પ્રાણી સંગ્રહાલયમાંથી 12 ઇજિપ્તીયન ફ્રૂટ બેટ લીધા અને તેમને WIV1-કોરોનાવાયરસ સાથે ઇનોક્યુલેટ કર્યા. આ કોરોનાવાયરસ પ્રથમ વખત ચાઇનીઝ રુફસ ઘોડાની નાળના ચામાચીડિયામાં જોવા મળ્યો હતો.
અમેરિકાએ નિયમો મૂક્યા નેવે
સંશોધકોએ તારણ કાઢ્યું હતું કે WIV1-કોરોનાવાયરસ ‘એક મજબૂત ચેપ’નું કારણ નથી અને ‘વાઈરસની પ્રતિકૃતિના ખૂબ મર્યાદિત પુરાવા જોવા મળ્યા છે.’ ચામાચીડિયાને કેટોસિન વન્યજીવ અભયારણ્યમાંથી લાવવામાં આવ્યા હતા. આ વન્યજીવ અભયારણ્ય પ્રાણીઓના અધિકારોના ઉલ્લંઘનનો ઇતિહાસ ધરાવે છે. વિશ્વના મોટા ભાગના ગેઈન-ઓફ-ફંક્શન વાયરસ સંશોધન અમેરિકામાં કરવામાં આવે છે. વૈજ્ઞાનિકો ભવિષ્યના પ્રકોપથી આગળ રહે તેની ખાતરી કરવા માટે આવા સંશોધનમાં પેથોજેન્સને વધુ ચેપી બનાવવાનો સમાવેશ થાય છે. પરંતુ આ પ્રકારના સંશોધનની હંમેશા ટીકા કરવામાં આવી છે. નિષ્ણાતો કહે છે કે આ પ્રકારનાં સંશોધનમાં વાયરસના લીક થવાનું જોખમ હંમેશા રહે છે.
