- ઓપનિંગ બેટ્સમેન ડેવિડ વોર્નરનો વીડિયો વાયરલ
- ડેવિડ વોર્નર હેલિકોપ્ટર દ્વારા ક્રિકેટ મેદાન પર પહોંચ્યો
- ભાઈના લગ્નમાંથી સીધો જ ક્રિકેટ ગ્રાઉન્ડ પર આવ્યો
ઓસ્ટ્રેલિયા ટીમના ઓપનિંગ બેટ્સમેન ડેવિડ વોર્નરે તાજેતરમાં જ નિવૃત્તિ લીધી છે. ડેવિડ વોર્નરનો હેલિકોપ્ટર દ્વારા મેદાન પર પહોંચવાનો વીડિયો સોશિયલ મીડિયા પર ઝડપથી વાયરલ થઇ રહ્યો છે. બિગ બેશ લીગમાં થંડર અને સિક્સર્સ વચ્ચે રમાયેલી મેચ દરમિયાન વોર્નરે હેલિકોપ્ટરથી સિડની ક્રિકેટ ગ્રાઉન્ડમાં એન્ટ્રી કરી હતી. મળતી માહિતી અનુસાર ડેવિડ વોર્નર તેના ભાઈના લગ્નમાંથી સીધો જ ક્રિકેટ ગ્રાઉન્ડ પર આવ્યો હતો.
ઓપનિંગ બેટ્સમેન ડેવિડ વોર્નરનો વીડિયો વાયરલ
ઓસ્ટ્રેલિયા ટીમના ઓપનિંગ બેટ્સમેન ડેવિડ વોર્નરે વનડે અને ટેસ્ટ સિરીઝમાંથી તાજેતરમાં જ નિવૃત્તિ લીધી છે. પણ ચાહકો ડેવિડ વોર્નરને T20 ક્રિકેટમાં રમતા જોઈ શકે છે. વોર્નરે તેની છેલ્લી ટેસ્ટ સિરીઝ પાકિસ્તાન સામે રમી હતી. વોર્નરની નિવૃત્તિ બાદ ઓસ્ટ્રેલિયા ટીમમાં ઓપનિંગ બેટ્સમેનની જગ્યા ખાલી થઈ ગઈ હતી. જે બાદ સ્ટીવ સ્મિથ ટેસ્ટ ક્રિકેટમાં ઓપનિંગની જગ્યા મળી છે. હાલમાં ડેવિડ વોર્નરે ઓસ્ટ્રેલિયામાં રમાઈ રહેલી બિગ બેશ લીગમાં પ્રવેશ કર્યો છે. વોર્નરનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. આ વીડિયોમાં ડેવિડ વોર્નર મેદાન પર હેલિકોપ્ટર લઈને પહોંચ્યો હતો.
ડેવિડ વોર્નર હેલિકોપ્ટરથી મેદાન પર આવ્યા
ડેવિડ વોર્નર બિગ બેશ લીગમાં થંડર અને સિક્સર્સ વચ્ચે રમાયેલી મેચ દરમિયાન સિડની ક્રિકેટ ગ્રાઉન્ડ ખાતે હેલિકોપ્ટરમાં આવ્યો હતો. મળતી માહિતી અનુસાર ડેવિડ વોર્નર તેના ભાઈના લગ્નમાંથી સીધો જ ક્રિકેટ ગ્રાઉન્ડ પર પહોંચ્યો હતો. જે બાદ ડેવિડ વોર્નરનો હેલિકોપ્ટર દ્વારા જમીન પર પહોંચવાનો વીડિયો સોશિયલ મીડિયા વાયરલ થઈ ગયો હતો. વોર્નરનો આ વીડિયો દરેક વ્યક્તિ સોશિયલ મીડિયા પર શેર કરી રહ્યા છે. બિગ બેશ લીગમાં ડેવિડ વોર્નર સિડની થંડર તરફથી રમતા હોય છે.
ટૂર્નામેન્ટમાં સિડની થંડરની હાલત ખરાબ થઈ છે
ડેવિડ વોર્નર બિગ બેશ લીગમાં સિડની થંડર તરફથી રમતા હોય છે. બિગ બેશ લીગમાં સિડની થંડરની હાલત ખૂબ જ ખરાબ દેખાઈ રહી છે. અત્યાર સુધીમાં સિડનીની ટીમે ટૂર્નામેન્ટમાં કુલ 7 મેચ રમી છે જેમાંથી માત્ર 2 મેચ જીતી શક્યા છે. આ જોઈ કહી શકાય કે, સિડની થંડર માટે પ્લે-ઓફ સુઘી પહોંચવાનો રસ્તો ઘણો મુશ્કેલ લાગી રહ્યો છે.
