અગ્ર ગુજરાત : જસદણ
હુસામુદ્દીન કપાસી દ્વારા જસદણ
દાઉદી વ્હોરા સમાજ આગામી તા.૨૫ જુનને બુધવારના રોજ સાંજે પોતપોતાના ગામોની મસ્જિદોમાં નમાઝ અદા કરી નવા વર્ષની ઉજવણી કરશે. આ અંગે રાજકોટ, ભાવનગર, સુરેન્દ્રનગર, વાંકાનેર, જામનગર, બોટાદ, મોરબી, અમરેલી, જૂનાગઢ, પોરબંદર, દેવભૂમિ દ્વારકા, ગિર સોમનાથ, જામ ખંભાળિયા, જેતપુર, પડધરી, વીંછિયા,વેરાવળ, લખતર, ચુડા, કોટડા સાંગાણી, બાબરા, ગોંડલ, પાલિતાણા, ગારિયાધાર, શિહોર, ઘોઘા,ધાંગધ્રા, બગસરા, વિસાવદર, કુતિયાણા, કોડીનાર, વંથલી,વઢવાણ,જસદણ સહિતના જિલ્લા તાલુકા મથકોના સૌરાષ્ટ્રભરના વ્હોરા બિરાદરોમાં રૂહાની થનગનાટ પ્રવર્તી રહ્યો છે.
ઈસ્લામી મીસરી કેલેન્ડર મુજબ તા.૨૬ જુનના રોજ હિજરી સન ૧૪૪૭ની શરૂઆત થતી હોય આ દિવસો દરમિયાન શોકનો માસ મોર્હરમ શરૂ થતો હોવાથી બુધવારે સાંજે દેશ અને દુુનિયાભરના વ્હોરા બિરાદરો સાંજે પોતપોતાના ઘરોમાં મસ્જિદોમાં ખાસ વ્હોરા ડીઝાઈન વાળા વસ્ત્રોમાં મગરીબ-ઈશાની નમાઝ અદા કર્યા બાદ અલ્લાહ સમક્ષ દેશ-દુનિયામાં શાંતિ અને ભાઈચારાની ભાવના પ્રબળ બને અને જૂદી જૂદી મહામારીઓ નાબુદ થાય. બિમારોને જલ્દી શીફા મળે અને પોતાના માનવતાવાદી પરોપકારી ધર્મગુરૂ ડો.સૈયદના અબુ જાફરૂસ્સાદીક આલીકદર મુફદ્લ ‘સૈફુદીન’ સાહેબ (ત.ઉ.શ.)ના સ્વાસ્થ્ય અને દીર્ધાયુ અંગે દુઆ પ્રાર્થના કર્યા બાદ રૂબરૂ, ફોન, સોશ્યલ મીડિયા સહિતના અનેક માધ્યમો દ્વારા નવા વર્ષની ખાસ મુબારકબાદી પાઠવી, રાત્રીના મધમધતી મીઠાઈઓ, ચટાકેદાર વ્યંજનો, ફ્રુટ ડ્રાયફ્રુટ્સ, આઈસ્ક્રીમો, ફાલુદા અને નારીયેળ જેવા અનેક ખાદ્ય પદાર્થોનો થાળ ભરી સજાવી રાત્રીના સામુહિક ભોજન પરિવાર સાથે કરશે.
બુધવારે સાંજે નવા વર્ષની ઉજવણી બાદ શુક્રવારથી વ્હોરા સમાજના મસ્જિદોમાં કરબલાની વાએઝ અને મજલિશમાં શામેલ થઈ નવ દિવસ સુધી વ્હોરા બિરાદરો પોતાના ધંધા રોજગાર બંધ પાળી શોક મનાવશે. આ વર્ષે અનેરૂ આયોજન થયું છે. જેમાં ગામે ગામ વ્હોરા સમાજને એક ટંકનું ભોજન પ્રસાદ રૂપે અને વાએઝનું જબરું આયોજન મસ્જિદો હોલમાં ગોઠવાયું હોવાનું જાણવા મળેલ છે. ખાસ કરીને અનેક શહેરોમાં અનેરા આયોજન હાથ ધરાયા અને તાજદાર ડો. સૈયદના સાહેબએ એક એક ગામમાં પોતાના પ્રતિનિધિની નિમણુંક કરી હોવાનું જાણવા મળે છે જસદણમાં પણ ઈબાહીમભાઈ ભાઈસાહેબ હાતીમભાઈ ભાઈસાહેબ હુસામી ની દસ દિવસ નિમણુંક કરી છે પાક મોહરમ મહિનાને જુજ દીવસ બાકી રહ્યાં છે ત્યારે હુશેની રંગમાં રંગાઈ જવા વ્હોરા બિરાદરોમાં અનેરો થનગનાટ પર્વતી રહ્યો છે.
તસ્વીર: હુસામુદ્દીન કપાસી જસદણ
