દિલ્હીમાં પ્રદૂષણનો સામનો કરવા માટે એક ઐતિહાસિક પહેલની દિશામાં પગલું આગળ ભર્યું છે. મુખ્યપ્રધાન રેખા ગુપ્તાએ ગુરૂવારે આ જાહેરાત કરી છે કે રાજધાનીમાં પ્રથવાર ક્લાઉડ સીડિંગ કરાવવાની તૈયારીઓ પૂર્ણ કરવામાં આવી છે. તેનું સફળ ટેસ્ટિંગ પણ કરી લેવામાં આવ્યું છે.
દિલ્હીના ઈતિહાસના ટેક્નોલોજી અને વૈજ્ઞાનિક દ્રષ્ટીથી મહત્વપૂર્ણ પગલું
મુખ્યપ્રધાન રેખા ગુપ્તાએ જાણકારી આપી કે નિષ્ણાંતોએ બુરાડી વિસ્તારમાં ક્લાઉડ સીડિંગનું સફળ પરિક્ષણ કર્યું છે. હવામાન વિભાગ મુજબ 28, 29 અને 30 ઓક્ટોબરે દિલ્હી NCRમાં વાદળોની પર્યાપ્ત હાજરીની સંભાવના છે. જો વાતાવરણ અનુકુળ રહ્યું તો 29 ઓક્ટોબરે દિલ્હી પ્રથમવાર કૃત્રિમ વરસાદનો અનુભવ કરી શકે છે. તેમને આ દિલ્હીના ઈતિહાસના ટેક્નોલોજી અને વૈજ્ઞાનિક દ્રષ્ટીથી મહત્વપૂર્ણ પગલું ગણાવ્યું છે. મુખ્યપ્રધાન રેખા ગુપ્તાએ કહ્યું કે આ પહલ ના માત્ર ટેક્નોલોજીની દ્રષ્ટીથી ઐતિહાસિક છે પણ દિલ્હીમાં પ્રદૂષણનો સામનો કરવાની એક વૈજ્ઞાનિક રીત પણ સ્થાપિત કરવા જઈ રહી છે.
તપાસ માટે એક ટેસ્ટિંગ ઉડાન ભરી
સરકારનો ઉદ્દેશ્ય છે કે આ નવા વિચારના માધ્યમથી રાજધાનીની હવાને સ્વચ્છ અને વાતાવરણને સંતુલિત બનાવવામાં આવી શકે. મુખ્યપ્રધાને આ પરિયોજનામાં જોડાયેલી ટીમને શુભેચ્છાઓ આપતા કહ્યું કે આ પ્રયત્નને સફળ બનાવવામાં કેબિનેટ સહયોગી મનજિંદર સિંહ સિરસા અને સંબંધિત અધિકારીઓએ મહત્વપૂર્ણ ભૂમિકા નિભાવી છે. દિલ્હીના મંત્રી મનજિંદર સિંહ સિરસાએ જણાવ્યું કે આઈઆઈટી કાનપુરથી મેરઠ, ખેકડા, બુરાડી, સાદકપુર, ભોજપુર, અલીગઢ થઈને દિલ્હી અને પરત આઈઆઈટી કાનપુર સુધી એક ટ્રાયલ સીડિંગ ઉડાન ભરી ગઈ, જેમાં ખેકડા અને બુરાડીની વચ્ચે અને બાદલી વિસ્તારના ઉપર ટેક્નોલોજીનો ઉપયોગ કરીને ક્લાઉડ સીડિંગ ફ્લેયર્સ નાખવામાં આવ્યા. આ કલાઉડ સીડિંગની ક્ષમતાઓ, વિમાનની તૈયારી અને ક્ષમતા, ક્લાઉડ સીડિંગ ફિટિંગ અને ફ્લેયર્સની ક્ષમતાના આકલન અને તમામ સંબંધિત એજન્સીઓની વચ્ચે સમન્વયની તપાસ માટે એક ટેસ્ટિંગ ઉડાન હતી.
