- બુધવારે સંસદની સુરક્ષામાં મોટી ચૂક
- સદનમાં ઘુસીને ગેસના શેલ છોડ્યા
- પોલીસ સૂત્રોએ કહ્યુ માસ્ટરમાઇન્ડ કોઇ બીજુ જ છે.
13 ડિસેમ્બરે સંસદ ભવનમાં સુરક્ષાને લઇને મોટી ચૂક સામે આવી. એક શખ્સે સદનમાં ઘુસીને પીળા રંગનો ગેસ છોડ્યો હતો. જો કે આ મામલે આરોપીને ઝડપી પાડવામાં આવ્યો છે જેનું નામ સાગર છે. જે લખનૌનો રહેવાસી છે. પરંતુ દિલ્હી પોલીસનું કહેવુ છે કે આ સમગ્ર ઘટના પાછળ મુખ્ય કાવતરાખોર કોઇક બીજુ જ છે.
ભગતસિંહ ફેન ક્લબ સાથે જોડાયેલા
સૂત્રોના જણાવ્યા અનુસાર આરોપી સંસદની બહાર રેક કરી ચૂક્યો છે. પોલીસ સૂત્રોએ જણાવ્યું કે તમામ આરોપીઓ સોશિયલ મીડિયા પેજ ‘ભગત સિંહ ફેન ક્લબ’ સાથે જોડાયેલા હતા.
જુલાઇમાં લખનૌથી આવ્યો- સૂત્ર
લગભગ દોઢ વર્ષ પહેલાં તમામ મૈસૂરમાં મળ્યા હતા. સાગર જુલાઈમાં લખનૌથી આવ્યો હતો પરંતુ સંસદ ભવનમાં પ્રવેશી શક્યો ન હતો. 10 ડિસેમ્બરના રોજ એક પછી એક બધા પોતપોતાના રાજ્યોમાંથી દિલ્હી પહોંચ્યા. તેઓ ઇન્ડિયા ગેટ પાસે ભેગા થયા. જ્યાં રંગબેરંગી ફટાકડા દરેકને વહેંચવામાં આવ્યા હોવાનું સૂત્રોએ જણાવ્યું હતું.
UAPA કલમ હેઠળ કેસ નોંધાયો
ગૃહ મંત્રાલય (MHA) એ પણ બુધવારે સંસદની સુરક્ષા ભંગની ઘટનાની તપાસનો આદેશ આપ્યો હતો. લોકસભા સચિવાલયની વિનંતી પર, ગૃહ મંત્રાલયે સંસદની સુરક્ષાના ભંગની ઘટનાની તપાસનો આદેશ આપ્યો છે. સીઆરપીએફના મહાનિર્દેશક અનીશ દયાલ સિંહ હેઠળ એક તપાસ સમિતિની રચના કરવામાં આવી છે, જેમાં અન્ય સુરક્ષા એજન્સીઓના નિષ્ણાંતો અને નિષ્ણાતોનો સમાવેશ થાય છે. મહત્વનું છે કે દિલ્હી પોલીસની સ્પેશિયલ સેલે UAPA કલમ હેઠળ કેસ નોંધ્યો છે.
શું બની હતી ઘટના
સંસદ પર આતંકવાદી હુમલાની 22મી વર્ષગાંઠ પર સુરક્ષાને લઇને મોટી ચૂક સામે આવી હતી. બે ઘૂસણખોરોએ મુલાકાતીઓની ગેલેરીમાંથી લોકસભા ચેમ્બરમાં પ્રવેશ્યા હતા. તેઓ બંને મુલાકાતી ગેલરીમાંથી સીધા જ સદનમાં કૂદી પડ્યા. તેઓએ ડબ્બામાંથી પીળો ગેસ છોડ્યો અને સાંસદો દ્વારા નિયંત્રિત કરવામાં આવે તે પહેલાં સૂત્રોચ્ચાર કર્યા હતા.
