દિલ્હી: પ્રદૂષણે પ્રવાસીઓને કર્યા નિરાશ, તાજમહેલ દેખાતો જ નથી ફોટો ક્યાં પાડવા?

• દિલ્હીમાં વધ્યુ વાયુ પ્રદૂષણ
  
• તાજમહેલ નરી આંખે જોવો મુશ્કેલ થયો
  
• પ્રવાસીઓમાં સાંપડી નિરાશા
  

શિયાળાના આગમન પહેલા વાયુ પ્રદૂષણનો વ્યાપ માત્ર દિલ્હી એનસીઆર પૂરતો મર્યાદિત નથી. મુંબઈ કે હવે ઉત્તર પ્રદેશના અનેક જિલ્લાઓમાં પણ પ્રદૂષણે પોતાનો આતંક બતાવવાનું શરૂ કરી દીધું છે. રાજ્યના ઘણા જિલ્લાઓમાં, AQI સ્તર ગરીબ શ્રેણીમાં ગયું છે. હવામાં ફેલાયેલા આ પ્રદૂષણની અસર ઉત્તર પ્રદેશના આગ્રામાં સ્થિત વિશ્વ પ્રસિદ્ધ પર્યટન સ્થળ તાજમહેલ પર સ્પષ્ટપણે જોવા મળી રહી છે. હાલ દિવાળીની રજાઓમાં ફરવા આવેલા પ્રવાસીઓને તાજમહેલ ન દેખાતા નિરાશ થઇ રહ્યા છે. 

તાજમહેલની સુંદરતા ઝાંખી થઇ !

દિલ્હીમાં પ્રદૂષણનું સ્તર વધતા તાજમહેલને નરી આંખે જોવો મુશ્કેલ બન્યો છે. લોકો તાજમહેલ આવીને ફોટા પડાવે અને કાયમ માટે યાદગાર સંભારણુ બની જાય. પરંતુ આ વખતે પ્રદૂષણે પ્રવાસીઓની મજા બગાડી છે. અહીં આવનારા પ્રવાસીઓને ધુમ્મસ સિવાય બીજુ કશું જ દેખાતુ નથી. મોબાઇલ કે કેમેરામાં તાજમહેલની સુંદરતા પણ કંડારવી મુશ્કેલ બની છે.  

દિલ્હીના આનંદ વિહાર વિસ્તારમાં AQI 296

દિવાળી પર દિલ્હી-એનસીઆરમાં ફટાકડાથી ફરી પ્રદૂષણનું સ્તર વધી ગયું છે. સર્વત્ર ધુમાડો દેખાય છે. AQI જે દિવાળીની સાંજ સુધી 218 હતો, તે દિવાળીના બીજા દિવસે વધીને 999 થયો છે. ઈન્ડિયા ગેટની હાલત સૌથી ખરાબ છે. આ સિવાય દિલ્હીના આનંદ વિહાર, જહાંગીરપુરી, આરકે પુરમ, ઓખલા, શ્રીનિવાસપુરી, વજીરપુર, બવાના અને રોહિણી પણ પ્રદૂષણને કારણે ખરાબ હાલતમાં છે.

એક તરફ ફટાકડાના કારણે AQI સ્તરમાં વધારો થયો છે તો બીજી તરફ વિઝિબિલિટીમાં પણ નોંધપાત્ર ઘટાડો થયો છે. ઈન્ડિયા ગેટની આસપાસની સ્થિતિ એટલી ખરાબ છે કે 100 મીટરના અંતરે પણ તેને સ્પષ્ટ રીતે જોવું મુશ્કેલ બની ગયું છે. તમને જણાવી દઈએ કે દિવાળી પહેલા પણ દિલ્હી-NCRનું AQI લેવલ વધીને 999 થઈ ગયું હતું, પરંતુ તેના પછીના વરસાદે સમગ્ર હવામાન સાફ કરી દીધું હતું.