ભારતીય ક્રિકેટ ટીમના સ્ટાર સ્પિનર યુઝવેન્દ્ર ચહલ અને ધનશ્રી વર્માના ગુરુવારે સત્તાવાર રીતે છૂટાછેડા થયા, બંને બાંદ્રા ફેમિલી કોર્ટમાં મેજિસ્ટ્રેટ સમક્ષ હાજર થયા અને છૂટાછેડા મંજૂર કરવામાં આવ્યા.
તમને જણાવી દઈએ કે યુઝવેન્દ્ર ચહલ ધનશ્રીને 4.75 કરોડ રૂપિયાનું ભરણપોષણ આપશે. તમને જણાવી દઈએ કે કમાણી અને સંપત્તિની દ્રષ્ટિએ, ધનશ્રી વર્માની કુલ સંપત્તિ કરોડોમાં છે.
ડોક્ટર તરીકે અભ્યાસ કર્યો, પછી બની કોરિયોગ્રાફર
ધનશ્રી વર્માનો જન્મ દુબઈમાં થયો હતો અને તેનો ઉછેર ભારતમાં થયો હતો, તેને ડોક્ટરનો અભ્યાસ કર્યો છે અને તે ડેન્ટિસ્ટ છે. પરંતુ તેણે આ વ્યવસાયથી અંતર રાખીને કંઈક અલગ કરવાનું વિચાર્યું અને સોશિયલ મીડિયા ઈન્ફ્લુએન્સર્સ સાથે કોરિયોગ્રાફી શરૂ કરી અને તેમાં તેણે ખૂબ પોપ્યુલારિટી મળી. આનો અંદાજ તેમના સોશિયલ મીડિયા સ્ટારડમ જોઈને લગાવી શકાય છે. ધનશ્રી વર્માના ઈન્સ્ટાગ્રામ પર 5.3 મિલિયનથી વધુ ફોલોઅર્સ છે. જ્યારે તેમની ચેનલ યુટ્યુબ પર ખૂબ જ પોપ્યુલર છે, ત્યારે 2.5 મિલિયન ફેન્સ તેની ચેનલને ફોલો કરે છે.
ધનશ્રીની કુલ સંપત્તિ
મીડિયા રિપોર્ટ મુજબ યુઝવેન્દ્ર ચહલથી અલગ થયેલી ધનશ્રી વર્માની કુલ સંપત્તિ લગભગ 3 મિલિયન ડોલર (લગભગ 24 કરોડ રૂપિયા) હોવાનું જણાય છે. કોરિયોગ્રાફી અને યુટ્યુબ ચેનલ સિવાય તેની સંપત્તિમાં બ્રાન્ડ એન્ડોર્સમેન્ટથી થતી નોંધપાત્ર કમાણીનો પણ સમાવેશ થાય છે. ધનશ્રી વર્મા સોશિયલ મીડિયા પર ખૂબ જ એક્ટિવ છે. તેમની પોતાની ડાન્સ કંપની પણ છે. કોરિયોગ્રાફીની દુનિયામાં તેમનું નામ જાણીતું છે. આ સિવાય ધનશ્રી બોલીવુડ ગીતો પણ રિક્રિએટ કરે છે. પરંતુ સંપત્તિની દ્રષ્ટિએ, યુઝવેન્દ્ર ચહલ ધનશ્રી કરતા પાછળ છે.
યુઝવેન્દ્ર ચહલની કુલ સંપત્તિ
યુઝવેન્દ્ર ચહલની કુલ સંપત્તિ વિશે વાત કરીએ તો, મીડિયા રિપોર્ટ મુજબ તે લગભગ 45 કરોડ રૂપિયા છે. આમાં BCCI કોન્ટ્રાક્ટ, ઈન્ડિયન પ્રીમિયર લીગ તેમજ બ્રાન્ડ એન્ડોર્સમેન્ટ અને રોકાણોમાંથી થતી આવકનો સમાવેશ થાય છે. યુઝવેન્દ્ર ચહલ ભારતીય ક્રિકેટ કંટ્રોલ બોર્ડ સાથે ગ્રેડ સી કરારમાં છે અને તેને વાર્ષિક 1 કરોડ રૂપિયા મળે છે. આ સિવાય IPLમાં તેની ખૂબ માગ છે, આનો અંદાજ એ વાત પરથી લગાવી શકાય છે કે IPL 2025 ની મેગા-ઓક્શનમાં પંજાબ કિંગ્સે તેને 18 કરોડ રૂપિયામાં ખરીદ્યો હતો. અત્યાર સુધીમાં તેની કુલ સંપત્તિના લગભગ 37 કરોડ રૂપિયા IPL દ્વારા આવ્યા હોવાનું કહેવાય છે.
2020માં લગ્ન, 2025માં છૂટાછેડા
યુઝવેન્દ્ર ચહલ અને ધનશ્રી વર્માના લગ્ન 22 ડિસેમ્બર 2020 ના રોજ દિલ્હીમાં થયા હતા અને હવે 2025 માં તેમના છૂટાછેડા થઈ ગયા છે. ગયા મહિને, 5 ફેબ્રુઆરીના રોજ, બંનેએ પરસ્પર સંમતિથી છૂટાછેડા માટે બાંદ્રા ફેમિલી કોર્ટમાં અરજી દાખલ કરી હતી. પરંતુ ફેમિલી કોર્ટે 6 મહિનાના કૂલિંગ ઓફ પીરિયડને માફ કરવાની ના પાડી હતી.
