છેલ્લા કેટલાય સમયથી સમાચાર પત્રો, ચેનલોમાં સાંભળતા આવ્યા છીએ કે આ જગ્યા કે આ શહેરમાં વૃદ્ધો કે યુવાનો ડિજિટલ એરેસ્ટનો શિકાર બન્યા છે. કરોડો રૂપિયાની ઠગાઇ કરવામાં આવી છે. પરંતુ આ દરેક મામલે હવે સુપ્રીમ કોર્ટ કડક બની છે. SCએ આખા ભારતમાં દાખલ કરેલા ડિજિટલ એરેસ્ટના દરેક કેસની તપાસ CBIને સોંપી છે. દરેક રાજ્યની પોલીસને પણ આ મુદ્દે નિર્દેશ આપવામાં આવ્યા છે.
સુપ્રીમ કોર્ટે RBIને પણ નોટિસ પાઠવી
મુખ્ય ન્યાયાધીશ સૂર્યકાંતની આગેવાની હેઠળની બેન્ચે આ આદેશ આપતાં જણાવ્યું હતું કે ઘણા રાજ્યોએ અહેવાલ આપ્યા છે કે ડિજિટલ એરેસ્ટ છેતરપિંડી કેસમાં વૃદ્ધ નાગરિકોને સૌથી વધુ નિશાન બનાવવામાં આવી રહ્યા છે.તેઓને અલગ અલગ રીતે ધમકાવીને ફસાવીને તેમની પાસેથી કરોડો રૂપિયાની ઠગાઇ કરવામાં આવે છે. મહત્વનું છે કે સુપ્રીમ કોર્ટે સુપ્રીમ કોર્ટે RBIને પણ નોટિસ પાઠવી છે અને તેને કેસમાં પક્ષકાર બનાવ્યો છે. હવે આ મામલે આગામી સુનાવણી બે અઠવાડિયા બાદ થશે.
કોર્ટનો નિર્દેશ દરેક રાજયો સંમતિ આપે
કોર્ટ દ્વારા નિયુક્ત એમિકસે આ છેતરપિંડીઓને ત્રણ શ્રેણીઓમાં ડિવાઇડ કરી છે – ડિજિટલ એરેસ્ટ કૌભાંડ, ઇન્વેસ્ટમેન્ટ કૌભાંડ, પાર્ટ-ટાઇમ જોબ કૌભાંડ.આ દરેક મામલામાં સાઇબર ગુનેગારન ધમકી, લાલચ અને ટાર્ગેટેડ ફિશિંગનો ઉપયોગ કરે છે. સુપ્રીમ કોર્ટે કહ્યુ કે કે કેટલાક રાજ્યોએ હજુ સુધી CBIને તપાસ કરવાની પરવાનગી આપી નથી. કોર્ટે નિર્દેશ આપ્યો હતો કે બધા રાજ્યો સીબીઆઈને સંમતિ આપે જેથી સમગ્ર દેશમાં એકીકૃત અને વ્યાપક તપાસ થઈ શકે.
સિમ કાર્ડના દુરૂપયોગ પર પણ કડક નિયંત્રણ લવાશે
ડિજિટલ એરેસ્ટની ઘટનામાં અનેક વખત નેટવર્ક ભારત બહારથી ચાલતુ હોય છે. જેના માટે કોર્ટે CBI ને જરૂરત પડવા પર ઇન્ટરપોલની સહાયતા લેવાની પણ અનુમતિ આપી છે. કોર્ટે કહ્યુ કે સિમકાર્ડ જારી કરવામાં જો લાપરવાહી સામે આવશે તો તરત જ કડક પગલુ ઉઠાવવામાં આવશે. ટેલિકોમ્યુનિકેશન વિભાગને દરખાસ્ત રજૂ કરવાનો નિર્દેશ આપવામાં આવ્યો છે. આ નીતિ દેશભરના તમામ ટેલિકોમ સેવા પ્રદાતાઓ દ્વારા લાગુ કરવામાં આવશે. આનાથી સિમ કાર્ડના દુરુપયોગ અને નકલી ઓળખ દ્વારા થતી છેતરપિંડી અટકાવવામાં મદદ મળશે.
આ પણ વાંચોઃ મધુબની પેઇન્ટિંગ વાળી સાડી, પાઘડી પહેરીને,,, મૈથિલી ઠાકુરએ લીધા શપથ
