દક્ષિણ ઇંગ્લેન્ડના ઓક્સફોર્ડશાયરમાં સંશોધકોએ એક અસાધારણ શોધની જાહેરાત કરી છે. જ્યાં ચૂનાના પત્થરની ખાણમાં ખોદકામ દરમિયાન કામદારને 200 થી વધુ ડાયનાસોર ટ્રેક મળ્યા છે. કામદારો જ્યારે ખોદકામ કરી રહ્યા હતા ત્યારે તે દરમિયાન તેમને અસામાન્ય ખાડા જોવા મળ્યા હતા અને ટીમને બોલાવી હતી જેણે આ ડાયનાસોર ટ્રેક હોવાની ખરાઈ કરતાં નવી શોધ બહાર આવી હતી. આ વિસ્તાર મધ્ય જુરાસિક કાળનો છે અને અંદાજે 166 કરોડ વર્ષ જૂનો છે.
સૌરોપોડ્સના અને મેગાલોસોરસના ટ્રેક મળી આવ્યા
ડાયનાસોર ટ્રેકની અસાધારણ શોધ ડેવર્સ ફાર્મ ક્વેરી ખાતે કરવામાં આવી હતી, જ્યાં ખોદકામમાં પાંચ ટ્રેક મળી આવ્યા હતા. આ ટ્રેકમાંથી 4 ટ્રેક સૌરોપોડ્સના છે જે વિશાળ, લાંબી ગરદનવાળા શાકાહારી ડાયનાસોરના છે, જ્યારે 5મો ટ્રેક મેગાલોસોરસ નામક ડાયનાસોરનો છે, જે 9 મીટર લાંબો શિકારી ડાયનાસોર હતો.
સંશોધકોના મતે, સોરોપોડ ટ્રેકવેઝ સેટીઓસોરસ નામના ડાયનાસોર સાથે સંબંધિત હોઈ શકે છે, જે લગભગ 60 ફૂટ લાંબા હતા. મેગાલોસોરસના ટ્રેકમાં ત્રણ પંજાના નિશાન સ્પષ્ટપણે જોઈ શકાય છે, જે આ શિકારીની ઓળખ છે. આ વિશિષ્ટ શોધ વૈજ્ઞાનિકો માટે મહત્વપૂર્ણ છે, કારણ કે મેગાલોસોરસ એ પ્રથમ ડાયનાસોર હતું જેને વૈજ્ઞાનિક રીતે નામ આપવામાં આવ્યું હતું, બે સદીઓ પહેલાં.
30 વર્ષ પહેલા પણ આ વિસ્તારમાંથી મળી આવ્યા હતા ફૂટપ્રિન્ટ
ઓક્સફર્ડ અને બર્મિંગહામ યુનિવર્સિટીના સંશોધકો માને છે કે આ શોધ ડાયનાસોરના જીવન અને તેમના પર્યાવરણ વિશે મહત્વપૂર્ણ માહિતી પ્રદાન કરે છે. બર્મિંગહામ યુનિવર્સિટીના માઇક્રોપેલેઓન્ટોલોજીના પ્રોફેસર ક્રિસ્ટી એડગરે કહ્યું: “આ પગના નિશાન ડાયનાસોરના સમય વિશે અદ્ભુત માહિતી આપે છે. 30 વર્ષ પહેલા પણ આ વિસ્તારમાં ડાયનાસોરના પગના 40 સેટ મળી આવ્યા હતા, જે વૈજ્ઞાનિક દ્રષ્ટિકોણથી ખૂબ જ મહત્વપૂર્ણ માનવામાં આવતા હતા. જો કે, ટેકનિકલ માધ્યમોના અભાવને કારણે તે સમયે મર્યાદિત ફોટોગ્રાફિક પુરાવા અસ્તિત્વમાં હતા.
ઓક્સફોર્ડ યુનિવર્સિટી મ્યુઝિયમ ઓફ નેચરલ હિસ્ટ્રીમાં નવા પ્રદર્શનમાં પ્રદર્શિત કરાશે
આ વખતે સાઇટ પર કામ કરતા વૈજ્ઞાનિકોએ 20,000 થી વધુ ડિજિટલ છબીઓ લીધી અને 3-D મોડલ બનાવવા માટે ડ્રોનનો ઉપયોગ કર્યો. આ તકનીક ભવિષ્યના અભ્યાસમાં મદદ કરશે અને ડાયનાસોરના કદ, તેમની ગતિ અને ચાલવાની રીત વિશે વધુ માહિતી આપશે. ઓક્સફોર્ડ મ્યુઝિયમના વૈજ્ઞાનિક ડંકન મુર્ડોકના જણાવ્યા અનુસાર, “સંરક્ષણ એટલું વિગતવાર છે કે આપણે જોઈ શકીએ છીએ કે ડાયનાસોરના પગ કેવી રીતે અંદર અને બહાર ફરતા હતા. આ શોધ કાદવવાળું લગૂન વાતાવરણ ફરીથી બનાવે છે જેમાં આ ડાયનાસોર ચાલ્યા હતા.”
આ શોધ હવે ઓક્સફોર્ડ યુનિવર્સિટી મ્યુઝિયમ ઓફ નેચરલ હિસ્ટ્રીમાં નવા પ્રદર્શનમાં પ્રદર્શિત કરવામાં આવશે. આ સાથે આ પગના નિશાનો અને ડાયનાસોરના જીવન વિશે એક ડોક્યુમેન્ટ્રી પ્રસારિત કરવામાં આવશે, જે આ આશ્ચર્યજનક પ્રાણીઓ વિશે વધુ માહિતી પ્રદાન કરશે.
ડાયનાસોરના જીવન પર ડોક્યુમેન્ટ્રી પ્રસારિત કરાશે
