- સિન્થેટિક દૂધ માટે વોશિંગ પાવડર, રિફાઈન્ડ તેલ અને પાણીથી બને છે માવો
- માવામાં ખાંડ મિક્સ કરીને ગરમ કરો. પાણી નીકળે તો માવો નકલી છે
- પ્યોર માવો ચાખશો તો મોઢામાં ચોંટશે નહીં અને કાચા દૂધનો સ્વાદ આવશે
દિવાળીનો તહેવાર રોશની અને સ્વાદનો તહેવાર છે. આ સમયે ખાવા પીવાની મજા વધી જાય છે. દિવાળીથી લઈને ભાઈ બીજ, ધનતેરસ, છઠ પૂજા સુધી આ સિલસિલો ચાલતો રહે છે. ઘરની મીઠાઈઓ, પકવાન અને નાસ્તા બનતા રહે છે. મીઠાઈ વિના ફેસ્ટિવલ અધૂરો રહે છે. ખાસ કરીને દિવાળીમાં કમાણી કરવા કેટલાક વિક્રેતાઓ મીઠાઈઓમાં ભેળસેળ કરે છે. કારણ કે માવાની મીઠાઈઓની ડિમાન્ડ વધી જાય છે. તો જાણો નકલી માવો કઈ ચીજોથી બને છે અને કેવી રીતે તેની ઓળખ કરી શકાશે.
નકલી માવામાં શું મિક્સ કરાય છે
1. તેમાં ખરાબ લેવલનો મિલ્ક પાવડર, ટેલકમ પાવડર, ચૂનો, ચોક અને સફેદ કેમિકલ્સ મિક્સ કરાય છે.
2. માવા માટે દૂધમાં યૂરિયા, ડિટરજન્ટ પાવડર અને ખરાબ ક્વોલિટીનું વનસ્પતિ ઘી મિક્સ કરાય છે.
3. સિન્થેટિક દૂધ બનાવવા માટે વોશિંગ પાવડર, રિફાઈન્ડ તેલ, પાણી અને શુદ્ધ દૂધ મિક્સ કરીને માવો તૈયાર કરાય છે.
4. કેટલીક જગ્યાઓએ માવામાં શક્કરિયા, શિંગોડાને લોટ, મેંદો અને લોટ મિક્સ કરાય છે. માવામાં વજન વધારવા માટે બટાકા અને સ્ટાર્ચ મિક્સ કરાય છે.
નકલી માવાની આ રીતે કરો ઓળખ
1. માવામાં ખાંડ મિક્સ કરીને ગરમ કરો. જો તે પાણી છોડે તો તે નકલી છે.
2. માવાને અંગૂઠા પર રાખીને ઘસવાથી તેમાંથી ઘીની સ્મેલ ન આવે તો તે નકલી છે.
3. માવાની ગોળી બનાવીને જુઓ. જો તે ફાટવા લાગે તો સમજો કે માવો નકલી છે.
4. માવો મોઢામાં ચોંટે તો તે નકલી હોઈ શકે છે.
5. અસલી માવો મોઢામાં રાખવાથી કાચા દૂધનો સ્વાદ આવે છે.
6. 2 ગ્રામ માવાને 5 એમએલ ગરમ પાણીમાં નાંખો અને તેને ઠંડું થવા દો. આ પછી તેમાં ટિંચર આયોડિન મિક્સ કરો. નકલી માવાનો રંગ બદલાઈ જાય છે.
ખરાબ મીઠાઈથી હેલ્થને કેવી રીતે બચાવશો
- કલરફૂલ મીઠાઈથી દૂર રહો. તેમાં સિન્થેટિક રંગનો ઉપયોગ થાય છે.
- હંમેશા જાણીતી દુકાનેથી જ માવો કે મીઠાઈ ખરીદો.
- માવો 2 દિવસથી વધારે જૂનો હોય તો તેને ખરીદો નહીં.
