યુક્રેનિયન રાષ્ટ્રપતિ અને યુએસ રાષ્ટ્રપતિ ડોનાલ્ડ ટ્રમ્પ વચ્ચેની વાતચીત નિષ્ફળ જવાથી યુક્રેન શાંતિ વાટાઘાટો તેમજ ટ્રમ્પના બીજા એક ઇરાદાને નુકસાન થયું છે. ટ્રમ્પ ઇચ્છતા હતા કે છેલ્લા ત્રણ વર્ષના યુદ્ધમાં અમેરિકાએ યુક્રેનને આપેલી સહાયનું વળતર તેના ખનિજોમાંથી કરવામાં આવે. પરંતુ હજુ સુધી આવું થયું નથી. યુક્રેન સાથે ખનિજો પર સોદો કરવામાં નિષ્ફળ ગયા બાદ, અમેરિકા હવે અફઘાનિસ્તાન પર નજર રાખી રહ્યું છે.
ખનિજોની શોધમાં ડોનાલ્ડ ટ્રમ્પ
વર્ષ 2017માં, અમેરિકાએ અફઘાનિસ્તાન સાથે 1 ટ્રિલિયન ડોલરનો ખનિજ સોદો કર્યો હતો. પરંતુ તાલિબાન સત્તામાં આવતાની સાથે જ તેનું આ સ્વપ્ન ઠપ્પ થઈ ગયું. ટ્રમ્પ હવે ફરીથી અફઘાનિસ્તાન તરફ વળવા માંગે છે. પરંતુ તાલિબાન સામે પોતાનું લક્ષ્ય હાંસલ કરવું તેમના માટે સરળ રહેશે નહીં. આ પહેલી વાર નથી જ્યારે ટ્રમ્પે ખનિજો માટે લોભ વ્યક્ત કર્યો હોય. યુક્રેન સાથે ખનિજો પર સોદો કરવામાં નિષ્ફળ ગયા બાદ, અમેરિકા હવે અફઘાનિસ્તાન પર નજર રાખી રહ્યું છે. 2017માં અમેરિકાએ અફઘાનિસ્તાન સાથે 1 ટ્રિલિયન ડોલરનો ખનિજ સોદો કર્યો હતો, પરંતુ તાલિબાન સત્તામાં આવતાની સાથે જ તેનું આ સ્વપ્ન ઠપ્પ થઈ ગયું. ટ્રમ્પ હવે ફરીથી અફઘાનિસ્તાન તરફ વળવા માંગે છે, પરંતુ તાલિબાન સામે પોતાનું લક્ષ્ય હાંસલ કરવું તેમના માટે સરળ રહેશે નહીં.
ચીન ફક્ત એક બહાનું ?
અમેરિકાએ અફઘાનિસ્તાનમાં ચીનની વધતી દખલગીરી પર ચિંતા વ્યક્ત કરી છે. નિષ્ણાતો માને છે કે ટ્રમ્પ દખલગીરીના બહાને ફરીથી અફઘાનિસ્તાન પાછા આવવા માંગે છે. ટ્રમ્પ હાલમાં ચીનની વધતી શક્તિથી ચિંતિત છે અને તેઓ કોઈપણ કિંમતે ચીનને આર્થિક યુદ્ધમાં અમેરિકાથી આગળ વધવા દેવા માંગતા નથી. ટ્રમ્પ ખૂબ સારી રીતે જાણે છે કે અફઘાનિસ્તાનમાં ખૂબ જ ખાસ ખનિજોનો ભંડાર છે અને જો અમેરિકાને તે મળે તો તે અમેરિકા માટે ખૂબ ફાયદાકારક રહેશે. ટ્રમ્પે તેમના પાછલા કાર્યકાળ દરમિયાન અફઘાનિસ્તાન સાથે 1 ટ્રિલિયન ડોલરનો ખનિજ સોદો કર્યો હતો. પરંતુ 21માં તાલિબાનના આગમન પછી, અમેરિકાને ત્યાંથી ભાગવું પડ્યું અને હવે ચીની કંપનીઓ અહીં કામ કરી રહી છે. તે સમયે, ટ્રમ્પે દેશના ખનિજ ભંડારો અંગે તત્કાલીન અફઘાન રાષ્ટ્રપતિ અશરફ ગની સાથે ચર્ચા કરી હતી. જેમણે તેમની પહેલી વાતચીતમાં ખાણકામને આર્થિક તક તરીકે પ્રોત્સાહન આપ્યું હતું. હવે ટ્રમ્પે આ કરવા માટે તાલિબાન સાથે વાટાઘાટો કરવી પડશે. પરંતુ અમેરિકાએ હજુ સુધી તાલિબાનને સરકાર તરીકે માન્યતા આપી નથી. જેના કારણે વાટાઘાટો શક્ય નથી.
