અમેરિકાથી ગેરકાયદેસર ઇમિગ્રન્ટ્સને તેમના દેશમાં પાછા મોકલવામાં આવી રહ્યા છે. આ કાર્યવાહી દરમિયાન તેમની સાથે ગુનેગારો જેવો વ્યવહાર કરવામાં આવી રહ્યો છે. જેમાં ઇમિગ્રન્ટ્સના હાથમાં હાથકડી અને પગમાં બેડીઓ લગાવાઇ છે. અમેરિકાના રાષ્ટ્પતિ ડોનાલ્ડ ટ્રંપના આદેશ બાદ તુરંત આ કાર્યવાહી હાથ ધરવામાં આવી છે. 158 અપ્રવાસીઓને બ્રાઝિલ પરત મોકલવામાં આવ્યા છે. બ્રાઝિલની સરકારે આ વ્યવહાર સામે પોતાની નારાજગી દર્શાવી છે.
આ વ્યવહાર માનવાધિકારોનું ઉલ્લઘંન : બ્રાઝિલ
બ્રાઝિલના લોકો સાથે જે કાર્યવાહી કરવામાં આવી તે મામલે અમેરિકી સરકાર અને પોલીસની આ પ્રકારની કાર્યવાહી એ માનવાધિકારોનું ઉલ્લઘંન છે તેમ બ્રાઝિલ સરકારે જણાવ્યુ છે. તેથી બ્રાઝિલ સરકારે અમેરિકાની સરકાર પાસે આ મામલે સ્પષ્ટીકરણ માગ્યુ છે. મીડિયા રિપોર્ટ મુજબ અમેરિકામાંથી કાઢી મુકવામાં આવેલા બ્રાઝિલના લોકોએ પોતાની આપવીતી જણાવી હતી. તેઓએ કહ્યુ હતુ કે, તેમને હાથમાં હાથકડી અને પગમાં બેડીઓ લગાવાઇ હતી. જે વિમાનમાં તેઓ આવ્યા હતા તેમાં કોઇ એરકંડિશન પણ ન હતુ. અને પાણીની સુવિધા પણ અપાઇ ન હતી. એક જ વિમાનમાં 88 લોકોને બેસાડીને બ્રાઝિલ મોકલવામાં આવ્યા હતા. બ્રાઝિલના ઉત્તરી શહેર મનૌસમાં આ પ્લેન ઉતારવામાં આવ્યુ હતુ. પ્લેનમાંથી બહાર આવતા જ પ્રવાસીઓએ કહ્યુ હતુ કે તેમના હાથ પગ બાંધેલા હોવાથી તેઓ શૌચાલય પણ જઇ શક્યા ન હતા. વિમાનમાં ગરમી હોવાથી કેટલાક લોકો બેહોશ પણ થયા હતા.
બ્રાઝિલ સરકારની સામે આવી નારાજગી
બ્રાઝિલ સરકારે સ્વેદશ પરત ફરેલા લોકો સાથે કરવામાં આવેલા વ્યવહાર મુદ્દે અમેરિકા સરકારની ટીકા કરી છે. અને આ સમગ્ર મામલે સ્પષ્ટીકરણ માગ્યુ છે. બ્રાઝિલના વિદેશ મંત્રાલયે જણાવ્યુ છે કે, લેટિન અમેરિકાએ યાત્રીઓ સાથે અપમાનજનક વ્યવહાર કર્યો છે. આ વિમાનમાં બાળકો પણ સાથે હતા. જો તેમને કંઇ થયુ હોત તો કોણ જવાબદાર હોત. રાષ્ટ્રપતિ લૂલાએ આદેશ કર્યો છે કે પ્રવાસીઓને તેમના અંતિમ સ્થાન સુધી પહોંચાડવા માટે બ્રાઝિલ વાયુસેનાનું વિમાન મદદ માટે ઉતારવામાં આવશે. અને સુનિશ્ચિત કરવામાં આવે કે યાત્રીઓ તેમના નિવાસસ્થાન સુધી સુરક્ષિત રીતે પહોંચી જાય.
અમેરિકી રાષ્ટ્રપતિ ડોનાલ્ડ ટ્રંપના આદેશ બાદ સમગ્ર દુનિયામાં હલચલ જોવા મળી રહી છે. તેમના આકરા નિર્ણયોના કારણે વિદેશમાં ગેરકાયદેસર ઇમિગ્રન્ટ્સ થયેલા લોકો ભયમાં જોવા મળી રહ્યા છે.
