અમેરિકાના રાષ્ટ્રપતિ ડોનાલ્ડ ટ્રમ્પની રાષ્ટ્રીય સુરક્ષા અંતર્ગત ખતરો હોવા છતાં તેઓ માનતા ન હોવાનું સામે આવ્યું છે. સુરક્ષા એજન્સીઓ CIA અને FBI તેમના આ વર્તનથી પરેશાન બની ગઈ છે. જાણો શું છે આખો મામલો.
યુએસ પ્રમુખ ટ્રમ્પથી ત્યાંની ગુપ્તચર એજન્સીઓ ચિંતિત છે. ટ્રમ્પ સુરક્ષિત ફોન લાઇનના બદલે પોતાની અંગત મોબાઈલ ફોન ઉપર વાત કરે છે. જેનાથી તેમની સુરક્ષાને ખતરો રહે છે. ગુપ્તચર એજન્સીઓ CIA અને FBI એ આ મામલે ચેતવણી આપી હોવા છતાં તેઓ આંખ આડા કાન કરી રહ્યા છે.
મોબાઈલ ફોન ઉપર વાત કરવાની પરેશાની
ટ્રમ્પ બીજી વખત વ્હાઇટ હાઉસમાં આવ્યા છે. તેમની ગુપ્તચર અને સુરક્ષા એજન્સી તેઓ મોબાઈલ ફોન ઉપર વાત કરે છે તેનાથી પરેશાન બની છે. અવારનવાર ઉપરાંત સુરક્ષાના કારણો હોવા છતાં તેમને અંગત મોબાઈલ ફોન ઉપર વાત કરવાની ના પાડી છે છતાં તેઓ અવગણી રહ્યા છે.
અજાણ્યા ફોન પણ રિસીવ કરી લે છે
રાષ્ટ્રપતિ બન્યા પછી તેમને સુરક્ષા એજન્સીઓએ કહ્યું હતું કે તેઓ અંગત મોબાઈલ ફોન ઉપર વાત ન કરે. પણ ટ્રમ્પ કોઈનું સાંભળતા નથી. તેઓ અમેરિકામાં હોય કે વિદેશમાં પોતાનો જ ફોન વાપરે છે. પોતાનો પરિવાર, મિત્રો, મંત્રીઓ, વિદેશી નેતાઓ, ઉદ્યોગપતિઓ અને પત્રકારો સાથે સુરક્ષિત લાઇનના બદલે અંગત મોબાઈલ ફૉન ઉપર વાત કરે છે. જે તેમની સુરક્ષા માટે જોખમી છે. તેઓ અજાણ્યા ફોન પણ ઉપાડી લે છે.
શા માટે સુરક્ષા એજન્સીઓ ચિંતામાં ?
અમેરિકન દુશ્મન ટ્રમ્પના ફોન ટેપ કરી શકે છે. તેની જાસૂસી પણ કરી શકે છે. આ પ્રકારના સર્વેલન્સને કારણે અમેરિકી સુરક્ષા ખતરામાં મુકાઇ શકે છે. ખાસ કરીને ચીન અને ઈરાનથી વધુ જોખમ રહે છે. આ મામલે વ્હાઇટ હાઉસે કેટલીય વખત ચેતવણી આપી છે.
