અમેરિકાના રાષ્ટ્રપતિ ડોનાલ્ડ ટ્રમ્પે એક મોટો નિર્ણય લીધો છે. તેમણે અફઘાનિસ્તાન અને ઈરાન સહિત કુલ 12 દેશોના નાગરિકોની અમેરિકાની એન્ટ્રી પર બેન લગાવી દીધો છે. ટ્રમ્પે હાલમાં એક ઘોષણા પત્ર જાહેર કર્યું છે. આતંકવાદ સહિત અન્ય ભયને જોતા ટ્રમ્પે આ નિર્ણય લીધો છે. ટ્રમ્પ સરકારનું કહેવું છે કે અમેરિકાની સુરક્ષાને જોતા આ નિર્ણય લેવામાં આવ્યો છે.
ટ્રમ્પ સરકારની ઘોષણા પ્રમાણે અફઘાનિસ્તાન, મ્યાનમાર, ચાડ, કાંગો ગણરાજ્ય, ઈકેટોરિયલ ગિની,ઈરિટ્રિયા, હૈતી, ઈરાન, લીબિયા, સોમાલિયા, સૂડાન અને યમનના નાગરિકોને અમેરિકામાં પ્રવેશ પર પ્રતિબંધ લગાવી દેવામાં આવ્યો છે. આ સાશે બરુડી, ક્યૂબા, લાઓસ, સિહરા લિઓન , ટોગો, તુર્કમેનિસ્તાન અને વેનેજુઅલાના નાગિક્કોના પ્રવેશ પર પ્રતિબંધ લગાવ્યો છે.
ટ્રમ્પે 12 દેશો પર લગાવ્યો બેન
અમેરિકાના રાષ્ટ્રપતિએ જણાવ્યું હતું કે આ પ્રતિબંધ મુકવાની સાથે વિદેશ નીતિ, રાષ્ટ્રીય સુરક્ષા અને આતંકવાદ વિરોધી લક્ષ્યોને પુરા કરવા માટે પુરુ ધ્યાન આપવામાં આવ્યું છે. રાષ્ટ્રપતિ ટ્રમ્પનું કહેવુ છે કે બીજા દેશોમાંથી આવતા લોકો વિઝાનો સમય પુરો થઈ જવા છતા ગેરકાયદેસર રીતે અમેરિકામાં રોકાઈ જાય છે. અમેરિકાના આ નિયમો 9 જૂનથી લાગુ કરી દેવામાં આવશે.
ટ્રમ્પે આ પહેલા પણ નિર્ણયો લીધા છે
આ પહેલીવાર નથી જ્યારે ટ્રમ્પે મુસાફરીના પ્રતિબંધને લઈને નિર્ણય લીધો હોય. તે પહેલા પણ આવા નિર્ણય લઈ ચૂક્યા છે. ટ્રમ્પે વર્ષ 2017માં પોતાના કાર્યકાળ દરમિયાન કેટલાક મુસ્લિમ દેશો પર પ્રતિબંધ લગાવ્યો હતોય ટ્રમ્પના આ નિર્ણયે 2017 માં હજારો મુસાફરો, ધંધાર્થીઓ અને અન્ય લોકોને મુશ્કેલીમાં નાખી દીધા હતા. આ દરમિયાન લોકોને મુસાફરી પુરી કર્યા પહેલા જ પાછા મોકલી દેવાયા હતા.
