અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને ફરી એકવાર નિશાન બનાવવામાં આવ્યા હતા. ચૂંટણી આડે હવે બે મહિના બાકી છે ત્યારે અત્યાર સુધી કુલ બે હુમલાનો પ્રયાસ થઈ ચુક્યો છે. આ વખતે હુમલો ફ્લોરિડાના ગોલ્ફ કોર્સ એરિયામાં કરવામાં આવ્યો છે. અહીં ટ્રમ્પ પોતાની ટીમ સાથે ગોલ્ફ રમી રહ્યા હતા, ત્યારે ગોળીઓનો અવાજ આવ્યો હતો.
ડોનાલ્ડ ટ્રમ્પ પર હુમલાનો ઘટનાક્રમ
આ વ્યક્તિ ઝાડીઓમાં છુપાઈને ગોળીબાર કરી રહ્યો છે. દરમિયાન, ટ્રમ્પને ઉતાવળમાં ગોલ્ફ કોર્સના હોલ્ડિંગ રૂમમાં લઈ જવામાં આવ્યા હતા. આ ઘટનાને કારણે એક્શનમાં આવેલી સિક્રેટ સર્વિસે જવાબી કાર્યવાહી કરી, જેના કારણે હુમલાખોર તેની એકે-47 રાઈફલ, બેકપેક અને અન્ય વસ્તુઓ છોડીને ભાગી ગયો. બાદમાં આરોપીની ધરપકડ કરવામાં આવી હતી.
પામ બીચ કાઉન્ટી શેરિફ રિક બ્રેડશોએ જણાવ્યું હતું કે, એક સિક્રેટ સર્વિસ એજન્ટે ગોલ્ફ ક્લબની વાડમાંથી બહાર નીકળેલી એક રાઇફલ બેરલ જોઈ હતી. ત્યારબાદ એજન્ટે જવાબી કાર્યવાહી કરી હતી. સિક્રેટ સર્વિસે કહ્યું કે હુમલાખોર ટ્રમ્પથી 250-350 મીટરના અંતરે હતો.
ટ્રમ્પનો ગોલ્ફ કાર્યક્રમ અગાઉથી નક્કી નહોતો
ડોનાલ્ટ્રડ ટ્રમ્પ વીક-એન્ડમાં ફ્લોરિડા ગયા હતા. તેઓ પામ બીચમાં તેમના નિવાસસ્થાન માર-એ-લાગો ખાતે હતા. મળતી માહિતી અનુસાર, ટ્રમ્પનું ગોલ્ફ રમવાનું અગાઉથી આયોજન કરવામાં આવ્યું ન હતું. છેલ્લી ઘડીએ નક્કી થયું.
સારું થયું તબીબની સેવા ન લેવી પડી
ડોનાલ્ડ ટ્રમ્પને જ્યારે ખબર પડી કે તેની પર હુમલાનો પ્રયાસ થયો છે તો ત્યારે સૌથી પહેલા તો ચોંકી ગયા હતા. તેઓ દંગ રહી ગયા પરંતુ થોડીવાર પછી આને લઈ મજાક કરવા લાગ્યા. તેઓએ ફોન કરી સલાહકારો અને સહયોગીઓને આ ઘટના અંગેની જાણકારી આપીને મજાક કરવા લાગ્યા હતા.
ટ્ર્મ્પે આવો જ એક કોલ વ્હાઈસમાં તેના તબીબ રહેલા ડૉકટરને કર્યો હતો. ડોકટરે કહ્યું કે, ટ્રમ્પે તેને કહ્યું કે તે ખુશ છે કે તેને આજે તેની સેવાઓ ન લેવી પડી. ઉલ્લેખનીય છે કે, જેકસન એ ડૉકટર છે જેને પેન્સિલવેનિયામાં ટ્રમ્પ ઉપર થયેલા હુમલા પછી તરત તેના કાનની સારવાર કરી હતી.
ઘટના અંગે ટ્રમ્પના દોસ્તે જણાવ્યું કે, ટ્રમ્પ તે સમયે ગોલ્ફ મેદાનમાં પાંચમી હોલ પાસે ઊભા હતા. તેઓ ગોલ્ફ કરવાના જ હતા ત્યારે સાયરનનો અવાજ આવ્યો. ત્યારે સિક્રેટ સર્વિસના એજન્ટ પૂર્વ રાષ્ટ્રપતિને બચાવવા માટે તેઓની તરફ દોડયા અને તેઓને ઘેરીને સલામત સ્થળે લઈ ગયા હતા. ત્યારબાદ ટ્રમ્પ પોતાના ઘરે ચાલ્યા ગયા હતા.
રિપોર્ટ પ્રમાણે ટ્રમ્પે પોતાના સહયોગીઓને બાદમાં જણાવ્યું કે, તેને ખૂબ નિરાશા થઈ છે કે તે ગોલ્ફ રમત સમાપ્ત નથી કરી શક્યો. આ દરમિયાન ટ્રમ્પે એટલે સુધી કે તેને ગેમ દરમિયાન એકસ્ટ્રા પોઈન્ટ પણ મળ્યા હતા, જેનો ફાયદો તેઓ ઉઠાવી ન શક્યા. તેઓ સ્ટ્રોક ન કરી શક્યા.
