આજે વિધાનસભામાં પ્રશ્નોત્તરી બાદ અદાણીની વીજ ખરીદીના મામલે વિરોધ વ્યક્ત કર્યો હતો પ્રશ્નોત્તરી કાળ બાદ કોંગ્રેસના તમામ ધારાસભ્યઓએ પ્લે કાર્ડ બતાવીને અદાણી પાવરનો વિરોધ કર્યો હતો. ત્યારબાદ કોંગ્રેસના અમિત ચાવડાએ જણાવ્યું હતું કે ડબલ એન્જિનની સરકાર અદાણીને ડબલ ફાયદો કરાવી રહી છે.
પ્રાપ્ત માહિતી અનુસાર, કોંગ્રેસનો આક્ષેપ છે કે અદાણી પાવરને વર્ષ 2022 માં 4315 કરોડ વધારે ચૂકવાયા હતા અને વર્ષ 2023 માં 3950 કરોડ વધારે ચૂકવાયા હતા. બે વર્ષમાં જ 8265 કરોડ વધારે ભાવ વધારો આપીને ફાયદો કરાવ્યો હતો. પ્રજાના ટેક્ષના પૈસા ઉદ્યોગપતિને લાભ કરાવવા વાપરવામાં આવે છે.વર્ષ 2022 -2023બીડ માં 2.89 અને બીડ-2 માં 2.35 પૈસા ભાવ નક્કી થયો હતો. ત્યારે સવાલ કરતા માહિતી બહાર આવી કે 7 રૂપિયે અને 5 રૂપિયે વીજળી ખરીદવામાં આવી હતી.સરકારે નક્કી કરેલ ભાવ કરતા ત્રણ ગણા ભાવે વીજળી ખરીદવામાં આવી હતી.
