14 પાકિસ્તાની શખ્સો સહિત ફિશિંગ બોટ અને 86 કિલો ડ્રગ્સ કબજે : કોસ્ટ ગાર્ડ અને NCB દ્વારા સંયુક્ત ઓપરેશન
અરબી સમુદ્રમાંથી કોસ્ટગાર્ડ દ્વારા એન.સી.બી. સાથે સંયુક્ત ઓપરેશન હાથ ધરીને ૧૪ પાકીસ્તાનીઓને એશ ફીશીંગ બોટમાં ૬૦૦ કરોડ રૂપીયાના ૮૬ કીલો નાર્કોટિકસ સાથે પકડી લેવામાં આવ્યા છે. ત્યારે મહત્વની બાબત એ છે કે, છેલ્લા બે મહિનામાં આ ત્રીજી વખત મોટી માત્રામાં ડ્રગ્સ પકડાયુ છે અને મહત્વની બાબત એ છે કે, ફેબ્રુઆરીના અંતે વડાપ્રધાન નરેન્દ્ર મોદીના ગુજરાતમાં આગમન વખતે જ ડ્રગ્સ પકડાયું હતુ અને હવે ફરી વડાપ્રધાન ગુજરાતમાં પ્રચાર અર્થે આવી રહ્યા છે ત્યારે જ આ ડ્રગ્સનો જથ્થો પકડાતા સુરક્ષા એજન્સીઓ પણ હરકતમાં આવી ગઈ છે.
જાણવા મળતી વિગત પ્રમાણે ભારતીય કોસ્ટ ગાર્ડે ૨૮ એપ્રિલ ૨૪ ના રોજ દરિયામાં ગુપ્ત માહિતી આધારિત એન્ટી-નાર્કોટિકસ ઓપરેશન હાથ ધર્યું હતું. પાકિસ્તાની એક બોટમાંથી ૧૪ ફૂ સાથે રૂા. ૬૦૦ કરોડની કિંમતનો અંદાજે ૮૬ કિલો નાર્કોટિક્સ પકડવામાં આવ્યો હતો. આ ઓપરેશન આંતર-એજન્સી સંકલનનું પ્રતિક હતું જેમાં ભારતીય કોસ્ટ ગાર્ડ (આઈ.સી.જી.) એન્ટી ટેરરિઝમ સ્ક્વોડ (એ.ટી.એસ.) અને નાર્કોટિક્સ કંટ્રોલ બ્યુરો (એન.સી.બી.) એ એકીકૃત રીતે સહયોગ કર્યો હતો જે સફળ ઓપરેશનમાં પરિણમ્યો હતો અને ચોકકસ બાતમીના આધારે વોચગોઠવીને તથા સંયુક્ત ઓપરેશન હાથ ધરીને આ બોટને પકડી પાડવામાં આવી હતી. ઓપરેશનને પાર પાડવા માટે ભારતીય કોસ્ટગાર્ડના જહાજ અને વિમાન સમવર્તી મિશન પર તૈનાત કરવામાં આવ્યા હતા. ઈન્ડિયન કોસ્ટગાર્ડનુ જહાજ રાજરતન, જેમાં એન.સી.બી. અને એ.ટી.એસ. અધિકારીઓ હતા, તેણે બાતમીના આધારે જાણવા મળેલી શંકાસ્પદ બોટની સકારાત્મક ઓળખ કરી હતી. ડ્રગ્સથી ભરેલી બોટ દ્વારા ઉપયોગમાં લેવામાં આવતી કોઈપણ પ્રકારની છટકબારીયુક્ત દાવપેચ તેને ઝડપી અને મજબૂત જહાજ રાજરતનથી બચાવી શકી નથી. આઈ.સી.જી. જહાજની નિષ્ણાત ટીમે શંકાસ્પદ બોટ પર સવારી કરી અને સંપૂર્ણ તપાસ કર્યા પછી, મોટી માત્રામાં માદક દ્રવ્યોની હાજરીની પુષ્ટિ કરી હતી અને આ બોટમાંથી અંદાજે ૬૦૦ કરોડ રૂપીયાનુ ૮૬ કીલો જેટલુ ડ્રગ્સ મળી આવતા તમામ ૧૪ પાકીસ્તાનીઓની આકરી પુછપરછ હાથ ધરી હતી અને તમામને વધુ તપાસ માટે તેને પોરબંદર લાવવામાં આવી હતી.આઈ.સી.જી. અને એ.ટી.એસ.ની સંયુક્તતા, જેના કારણે છેલ્લા ત્રણ વર્ષમાં કાયદાના અમલીકરણની આવી અગિયાર સફળ કામગીરી થઈ છે, જે રાષ્ટ્રીય ઉદ્દેશ્ય કામનારા માટે સુમેળને પુનઃપુષ્ટ કરે છે. તેમ જણાવીને કોસ્ટગાર્ડના અધિકારીએ માહીતી આપતા જણાવ્યુ હતુ કે, ચોકકસ માહીતીના આધારે મધદરીયે આ ઓપેરેશન સંયુક્ત પ્રયાસોથી પાર પાડવામાં આવ્યુ છે અને પકડાયેલા તમામને પોરબંદર લવાયા બાદ જુદી- જુદી સુરક્ષા એજન્સીઓ પુછપરછ કરી રહી છે એટલુ જ નહી પરંતુ સ્પેશ્યલ ઓપરેશન ગૃપ ખાતે તેઓની ક્રોસ પુછપરછ થઈ રહી છે જેમાં પાકિસ્તાનના ડ્રગ્સ માફીયાનુ નામ પણ ખુલે તેવી શક્યતા જણાઈ રહી છે.
આમ, પોરબંદર નજીકના અરબી સમુદ્રમાં વધુ એક વખત ડ્રગ્સનો મોટો જથ્થો મળી આવ્યો છે તેથી સુરક્ષા એજન્સીઓ હરકતમાં આવી ગઈ છે.
