- કંપનીના તાબા હેઠળની કોલેજ, સ્કૂલ, પેપર મિલ સહિતની સંપત્તિ ટાંચમાં
- EDએ પીપલ્સ ગ્રૂપ વિરુદ્ધ દાખલ કરાયેલી ત્રણ ફરિયાદોના આધારે તપાસ શરૂ કરી હતી
- જપ્ત કરાયેલી સંપત્તિઓમાં જમીન, મકાન અને મશીનરીના રૂપમાં
એનફોર્સમેન્ટ ડિરેક્ટોરેટ (ED) એ ભોપાલમાં પીપલ્સ ગ્રૂપ પર મોટી એક્શન લીધી છે. ગ્રૂપની 230.4 કરોડની સંપત્તિ અસ્થાયી રીતે ટાંચમાં લીધી. જપ્ત કરાયેલી સંપત્તિઓમાં જમીન, મકાન અને મશીનરીના રૂપમાં છે. આ સંપત્તિઓમાં કોલેજ, સ્કૂલ, તાલીમ કેન્દ્રો, પેપર મિલ, અખબાર માટેના કાગળની મશીનરી વગેરે સામેલ છે. EDએ પ્રીવેન્શન ઓપ મની લોન્ડરિંગ એક્ટ (પીએમએલએ), 2002ની જોગવાઇઓ હેઠળ આ કાર્યવાહી કરી છે. EDએ સુરેશ નારાયણ વિજયવર્ગીય, રામવિલાસ વિજયવર્ગીય (દિવંગત), પીપલ્સ ઇન્ટરનેશનલ એન્ડ સર્વિસિઝ પ્રાઇવેટ લિમિટેડ, પીજીએચ ઇન્ટરનેશનલ વિરુદ્ધ દાખલ 3 ફરિયાદોના આધારે તપાસ શરૂ કરી હતી. ગ્વાલિયર સ્થિત રજિસ્ટ્રાર ઓફ કંપનીસે ફરિયાદ દાખલ કરી હતી. તપાસમાં જાણવા મળ્યું હતું કે સુરેશ નારાયણ વિજયવર્ગીયે એફડીઆઇના રૂપમાં મળેલા નાણાંનો ઉપયોગ કરીને શંકાસ્પદ રીતે અને સાધનોનો ઉપયોગ કરીને પોતાને અને પોતાના તાબા હેઠળની સંસ્થાઓને ફાયદો કરાવ્યો હતો. જેથી 3 કંપનીઓના શેરધારકોના હિતોને નુકસાન પહોંચાડયું છે.
594.65 કરોડની ગેરકાયદે આવક થઇ હતી
વર્ષ 2000થી 2022 દરમિયાન એસએન વિજયવર્ગીય અને તેમના નિયંત્રણ હેઠળ રહેલી સંબંધિત સંસ્થાઓને આગોતરી અને એવા અન્ય નામોથી, 594.65 કરોડ રૂપિયાની ગુનાહિત આવક થઇ હતી. તપાસમાં જાણવા મળ્યું હતું કે ઉપરોક્ત આવકનો ઉપયોગ સુરેશ નારાયણ વિજયવર્ગીય, સાર્વજનિક પરમાર્થિક જનકલ્યાણ ટ્રસ્ટ (SJPN), (જાહેર ટ્રસ્ટ છે જેની પર એસએન વિજયવર્ગીય ટ્રસ્ટીના રૂપમાં નિયંત્રણ ધરાવતા હતા) અને પીજી ઇન્ફ્રાસ્ટ્રક્ચર એન્ડ સર્વિસિઝ પ્રાઇવેટ લિમિટેડ (જેની 99 ટકા હિસ્સેદારી હતી) દ્વારા કઇ રીતે કરાયો હતો.
