- અલી અસગર શિરાઝીએ હસ્ટલર્સ હોસ્પિટાલિટી પ્રાઈવેટ લિમિટેડ કંપનીની રચના કરી હતી
- કંપનીએ અભિનેતા શિવ ઠાકરે અને અબ્દુ રોઝિક સહિત ઘણા સ્ટાર્ટઅપ્સને ફંડિંગ આપ્યું
- શિવ ઠાકરે પણ ED સમક્ષ હાજર થયા
ED (Enforcement Directorate) ઘણા સ્ટાર્સને ટાર્ગેટ કરી રહ્યું છે. આવી સ્થિતિમાં હવે બિગ બોસ 16ના બે પોપ્યુલર કન્ટેસ્ટેન્ટસ અને જીગરજાન મિત્રો EDના રડારમાં આવી ગયા છે. હવે શિવ ઠાકરેને EDએ સમન્સ પાઠવ્યું છે અને મામલો મની લોન્ડ્રિંગ સાથે સંબંધિત છે. આ સિવાય અબ્દુ રોજિકને પણ EDનું સમન્સ મળ્યું છે. તમને જણાવી દઈએ કે, આ બંને બિગ બોસના કારણે આખી દુનિયામાં ફેમસ થઈ ચૂક્યા છે. આ બંનેની મિત્રતાના ચાહકો ખૂબ વખાણ કરી રહ્યા છે. શૉમાં સફળતા મળ્યા બાદ બંનેએ પોત-પોતાની રેસ્ટોરન્ટ ખોલી હતી, જે હવે વિવાદમાં આવી ગઈ છે અને હવે આ રેસ્ટોરન્ટને લઈને ED બંનેની પૂછપરછ કરશે.
શું છે સમગ્ર મામલો
ડ્રગ માફિયા કહેવાતા અલી અસગર શિરાઝી જેલમાં બંધ છે. હવે તેની સાથે જોડાયેલા કથિત મની લોન્ડ્રિંગ કેસમાં શિવ ઠાકરે અને અબ્દુ રોજિકને સમન્સ મોકલીને એન્ફોર્સમેન્ટ ડિરેક્ટોરેટે સવાલ-જવાબ કર્યા છે. ડ્રગ માફિયા અલી અસગર શિરાઝી ‘હસ્ટલર્સ હોસ્પિટાલિટી પ્રાઈવેટ લિમિટેડ’ નામની એક કંપની ચલાવતો હતો જે નાર્કો-ફંડિંગ જેવી વસ્તુઓમાંથી પૈસા કમાતી હતી. બાદમાં આ કંપની સ્ટાર્ટઅપ્સમાં પણ પૈસા લગાવતી હતી. આવી સ્થિતિમાં જ્યારે શિવ ઠાકરેએ પોતાનું રેસ્ટોરન્ટ ખોલ્યું ત્યારે આ કંપની પણ તેમાં સામેલ હતી. શિવ ઠાકરેએ ‘ઠાકરે ટી એન્ડ સ્નેક્સ’ નામથી તેમનો નવો બિઝનેસ શરૂ કર્યો હતો. તો અબ્દુ રોજિકે ‘બુર્ગિર’ નામની પોતાની ફૂડ રેસ્ટોરન્ટ ખોલી છે.
શિવ ઠાકરેનું નિવેદન
EDને આપેલા તેમના નિવેદનમાં, શિવ ઠાકરેએ ખુલાસો કર્યો કે 2022-23માં તેઓ કોઈના માધ્યમથી હસ્ટલર્સ હોસ્પિટાલિટીના ડિરેક્ટર કૃણાલ ઓઝાને મળ્યા હતા. કૃણાલે તેને ઠાકરે ચા અને નાસ્તા માટે ભાગીદારીનો સોદો ઓફર કર્યો હતો. કરાર મુજબ, હસ્ટલર્સ હોસ્પિટાલિટીએ ઠાકરે ટી એન્ડ સ્નેક્સમાં નોંધપાત્ર રકમનું રોકાણ કર્યું હતું.
