ટેસ્લા અને સ્પેસએક્સના CEO એલોન મસ્ક અને રાષ્ટ્રપતિ ડોનાલ્ડ ટ્રમ્પ વચ્ચેની દોસ્તી તુટી ગઇ છે. બંને વચ્ચે સતત આકરા પ્રહારો થઇ રહ્યા છે. બંનેમાંથી કોઇ નમના તૈયાર નથી. આ તમામ સમાચારની વચ્ચે મસ્કે અમેરિકામાં એક નવા રાજનીતિક દળની જરૂરને લઇને મોટુ નિવેદન આપ્યુ છે. એલોન મસ્કે પોતાના સોશિયલ મીડિયા અકાઉન્ટ પર એક પોલ શરૂ કર્યો છે જેમાં તેણે પુછ્યુ છે કે અમેરિકામાં એક નવા રાજનીતક દળની ( રાજકીય પક્ષ) જરૂર છે. આ પોલના પરિણામમાં 80% લોકોએ સમર્થનમાં મતદાન કર્યુ છે.
આ મતદાન કરનારાઓનુ માનવુ છે કે હા ખરેખર અમેરિકામાં એક નવા પક્ષની એક રાજકીય પાર્ટીની જરૂર છે.
મસ્કે X પર લખ્યુ છે કે જનતા પોતાનો નિર્ણય આપી ચુકી છે, અમેરિકામાં એક નવા રાજકીય પક્ષની જરૂર છે,જેમાં બહુમતીથી એટલે 80% લોકોએ સમર્થન આપી દીધુ છે. ત્યારબાદ મસ્કે એક પોસ્ટમાં ફક્ત એટલુ જ લખ્યુ છે કે ‘The America Party’.
ટ્રમ્પે સોશિયલ મીડિયા પર મસ્ક પર આકરા પ્રહાર કર્યા હતા
આ વધુ એ સમયે થઇ રહ્યુ છે જ્યારે ટ્રમ્પે સોશિયલ મીડિયા પર મસ્ક પર આકરા પ્રહાર કર્યા હતા. ટ્રમ્પે મસ્ક પર નિશાન સાધીને કહ્યુ હતુ કે મારે કોઇની જરૂર નથી ત્યારે મસ્કે પણ તેનો સણસણતો જવાબ આપીને કહ્યુ હતુ કે મારા વદર ટ્રમ્પ ચૂંટણી જીતી જ નહી શકે. તો ટ્રમ્પે મસ્કને Truth Social વળતો પલટવાર કહીને કહી દીધુ કે મસ્ક તો વિશ્વાસઘાતી છે તેના પર આંધળો વિશ્વાસ કરવો ભારે પડ્યો. ચેતવણી પાઠવતા ટ્રમ્પે કહ્યુ કે મસ્ક ભૂલી રહ્યા છે કે હું ધારૂ તો તેમના વિરૂદ્ધ કાર્યવાહી કરી શકુ તેમ છુ. ટ્રમ્પે કહ્યુ કે બજેટમાં અરબો ડોલર બચાવવાનો સૌથી સરળ ઉપાય છે એલોન મસ્કને આપેલી સરકારી સબસીડી બંધ કરી દેવી.
મસ્કએ જે પાર્ટીનો ઉલ્લેખ કર્યો છે તે The America Party એક માત્ર વિચાર છે, જેને લઇને અમેરિકાનું રાજકારણ ગરમાયુ છે. રાજનીતિમાં એક નવા યુગની શરૂઆતના સંકેત આપી રહ્યા છે. ખાસ કરીને મસ્કનો સોશિયલ મીડિયા પર પ્રભાવ દિવસેને દિવસે વધી રહ્યો છે.
અમેરિકામાં ત્રીજી પાર્ટીની ચર્ચા
30મેના ડોનાલ્ડ ટ્રમ્પ અને એલોન મસ્ક બંને સાથે નજર આવ્યા હતા. બંને એ એકબીજાનો આભાર વ્યક્ત કર્યો હતો. એ વખતે કોઇને ખબર પણ ન હતી કે બંનેના મનમાં શું ચાલી રહ્યુ છે.
