અમેરિકી રાષ્ટ્રપતિ ડોનાલ્ડ ટ્રમ્પ અને એલન મસ્ક વચ્ચેની મિત્રતા બાદ અંતર વધતુ જોવા મળ્યુ. એલન મસ્કે રાષ્ટ્રપતિ ડોનાલ્ડ ટ્રમ્પની વિરોધમાં આવી ગયા હતા. ત્યારે હવે આ બંને વચ્ચેની તીખા પ્રહાર બાદ એલન મસ્કને પછતાવો થઇ રહ્યો હોવાનું લાગી રહ્યું છે. કારણ કે એલન મસ્કે એક સોશિયલ મીડિયા પર પોસ્ટ કરી છે. જેમાં તેઓ પોતે કહેલા શબ્દો પર દુઃખ વ્યક્ત કરી રહ્યા છે.
એલન મસ્કને થયો પછતાવો
એલન મસ્કે પોસ્ટ કરતા કહ્યું કે ટ્રમ્પ વિશે લખવામાં હું મર્યાદા ભૂલી ગયો. જેનું મને દુઃખ છે. મહત્વનું છે કે ગત સપ્તાહે ટેસ્લાના સીઇઓ એલન મસ્ક અને અમેરિકી રાષ્ટ્રપતિ ડોનાલ્ડ ટ્રંપ વચ્ચે થયેલા વિવાદથી હડકંપ મચી ગયો હતો, આ વિવાદ ત્યારે શરૂ થયો જ્યારે એલન મસ્કે ટ્રંપ દ્વારા લાવવામાં આવેલા એક નવા કાયદાને સાર્વજનિક રીતે વિરોધ કર્યો હતો.
મસ્કે વ્યક્ત કર્યુ દુઃખ
બુધવારે એલન મસ્કે સોશિયલ મીડિયા પોસ્ટ પર પોતાની ભાવના વ્યક્ત કરતા કહ્યું કે મને ગત સપ્તાહે રાષ્ટ્રપતિ ડોનાલ્ડ ટ્રમ્પના વિશે કરવામાં આવેલી કેટલીક પોસ્ટ બદલ દુઃખ છે. મે સીમા ઓળંગી દીધી છે.
બંને વચ્ચે કેમ હતો વિવાદ ?
વિવાદનું કારણ શું હતું તે વિશે વાત કરીએ તો જ્યારે મસ્કએ ડિપાર્ટમેન્ટ ઓફ ગર્વમેન્ટ એફિસિએન્સીના ચીફ પદેથી રાજીનામુ આપી દીધુ હતું. જે બાદ ટ્રમ્પના ખર્ચ અને ટેક્સ કાપવાળા બિલને ટ્રમ્પે વન બિગ બ્યુટીફુલ બિલ કહી રહ્યા હતા. તેની એલન મસ્કે ટિપ્પણી કરી હતી. આ પર ટ્રમ્પે એલન મસ્કને જવાબ આપ્યો હતો કે તેમણે એલનને આ બિલ વિશે જણાવ્યું હતું, ખાસ કરીને ઇલેક્ટ્રીક વ્હિકલ, સબસિડીમાં ઘટાડો કરવાની વાત. પરંતુ એલન મસ્કે તેમની પોસ્ટનો જવાબ આપતા કહ્યું કે આ બિલ મને બતાવવામાં આવ્યું નથી. આટલુ જ નહી મસ્કે ટ્રમ્પના મહાભિયોગના સમર્થનને લઇને એક પોસ્ટ કરી હતી જે પછીથી ડિલીટ કરી દીધી હતી. જે બાદ બંને વચ્ચે અંતર વધી ગયુ હતું,
