- એલન મસ્ક 12મા બાળકના પિતા બન્યા છે
- ન્યુરાલિંકના ડિરેક્ટર શિવોન ઝિલિસ સાથે આ તેમનું ત્રીજું બાળક છે
- મસ્કે કહ્યું છે કે આ બાળક કોઈ રહસ્ય નથી
એલન મસ્ક 12મા બાળકના પિતા બન્યા છે. ન્યુરાલિંકના ડિરેક્ટર શિવોન ઝિલિસ સાથે આ તેમનું ત્રીજું બાળક છે. મસ્કે કહ્યું છે કે આ બાળક કોઈ રહસ્ય નથી. તેના મિત્રો અને પરિવારજનોને આ બાળક વિશે માહિતી હતી. મસ્કે બાળકના નામ અને લિંગ વિશે કોઈ માહિતી આપી નથી.
જસ્ટિન અને મસ્કને 5 બાળકો છે
એલન મસ્કે બાળક વિશે આવી રહેલા સમાચારોને નકારી કાઢ્યા છે, જેમાં કહેવામાં આવી રહ્યું હતું કે મસ્કે બાળક વિશેની માહિતી ગુપ્ત રાખી હતી.
એલન મસ્કે શું કહ્યું?
આ વિશે માહિતી આપતાં મસ્કે કહ્યું, ‘જ્યાં સુધી બાળકની માહિતી ગુપ્ત રાખવાની વાત છે તો આ બધું ખોટું છે. અમારા બધા મિત્રો અને પરિવારના સભ્યો તેના વિશે જાણતા હતા. આ વિશે કોઈ અખબારી યાદી બહાર પાડવી ન જોઈએ તે વિચિત્ર હોઈ શકે છે, પરંતુ તેનો અર્થ એ નથી કે તે ગુપ્ત છે. આ મારો પારિવારિક મામલો છે જરૂરી નથી કે બધા સાથે મારી અંગત વાતો શેર કરૂ મારા આસપાસના અને લાગતા વળગતા લોકો આ અંગે જાણે એટલે બસ.
એલન મસ્ક અને શિવોન ઝિલિસનું આ ત્રીજું સંતાન છે
એલન મસ્ક અને શિવોન ઝિલિસનું આ ત્રીજું સંતાન છે. અગાઉ, શિવોન ઝિલિસે વર્ષ 2021 માં મસ્કના જોડિયા – સ્ટ્રાઈડર અને એઝ્યુરને જન્મ આપ્યો હતો. શિવોન ઝિલિસ મસ્કની બ્રેઈન ઈમ્પ્લાન્ટ ફર્મ ન્યુરાલિંકમાં કામ કરે છે.
મસ્કે વર્ષ 2000માં જસ્ટિન વિલ્સન સાથે પ્રથમ લગ્ન કર્યા હતા. જસ્ટિન અને મસ્કને 5 બાળકો છે. વર્ષ 2008માં બંનેએ છૂટાછેડા લીધા હતા. આ પછી મસ્કે 2010માં તુલુલાહ રિલે સાથે લગ્ન કર્યા અને 2016માં બંને અલગ થઈ ગયા.
મસ્ક વધુ બાળકોને જન્મ આપવાની તરફેણમાં
2018 માં, મસ્કે કેનેડિયન સંગીતકાર ગ્રીમ્સને ડેટ કરવાનું શરૂ કર્યું. બંનેને ત્રણ સંતાનો છે. આ કપલ વર્ષ 2021માં અલગ થઈ ગયું હતું. મસ્કએ ઘટી રહેલા જન્મ દર પર ઘણી વખત સવાલો ઉઠાવ્યા છે. તેણે આ વિશે કહ્યું, ‘ઘણા દેશો બાળકના જન્મદર રેટમાં પહેલાથી જ પાછળ છે અને આ વલણ દર્શાવે છે કે દરેક સાથે આવું થશે. આ એક સાદી હકીકત છે. જુલાઈ 2022માં આપેલા એક ઈન્ટરવ્યુમાં મસ્કે કહ્યું હતું કે તેને એક મોટો પરિવાર જોઈએ છે.
