- વર્લ્ડકપ 2023માં ઈંગ્લેન્ડ અને ઓસ્ટ્રેલિયા વચ્ચે મેચ
- અમદાવાદના નરેન્દ્ર મોદી સ્ટેડિયમમાં બંને વચ્ચે મેચ
- મેક્સવેલ અને માર્શ વિના ઉતરશે ઓસ્ટ્રેલિયન ટીમ
ઓસ્ટ્રેલિયા અને ઈંગ્લેન્ડ વચ્ચે આજે વર્લ્ડકપની 36મી મેચ રમવામાં આવશે. આ મેચ અમદાવાદના નરેન્દ્ર મોદી સ્ટેડિયમમાં રમવામાં આવશે, જેના માટે ટોસ થયો છે. જે ઈંગ્લેન્ડે જીતીને પહેલાં બોલિંગ કરવાનો નિર્ણય લીધો છે. આજની મેચ ઓસ્ટ્રેલિયા માટે ખુબ મહત્વની છે. કારણ કે, જો ઓસ્ટ્રેલિયા આજે મેચ જીતશે, તો ઓસ્ટ્રેલિયાનું સેમીફાઈનલમાં પહોંચવું સરળ બનશે.
ICC વર્લ્ડકપ 2023ની સેમીફાઈનલમાં બહાર થયેલી ડિફેન્ડિંગ ચેમ્પિયન ઈંગ્લેન્ડ પોતાની આગામી મેચ આજે ઓસ્ટ્રેલિયા વિરુદ્ધ રમશે. આ મેચ અમદાવાદના નરેન્દ્ર મોદી સ્ટેડિયમમાં બપોરે 2 વાગ્યે શરૂ થશે, જ્યારે ટોસ બપોરે 1:30 કલાકે થશે. ઓસ્ટ્રેલિયાને સેમીફાઈનલમાં પહોંચવા માટે આજની મેચ મહત્વની છે, જ્યારે ઈંગ્લેન્ડ પહેલાં જ સેમીફાઈનલની રેસમાંથી બહાર થઈ ગયું છે.
પિચ રિપોર્ટ
ઈંગ્લેન્ડ અને ઓસ્ટ્રેલિયા વચ્ચે વર્લ્ડકપની 36મી મેચ અમદાવાદના નરેન્દ્ર મોદી સ્ટેડિયમમાં રમાશે. અમદાવાદની પિચની વાત કરવામાં આવે તો, અહીં સારો બાઉન્સ હોવાના કારણે બોલ બેટ પર સારી રીતે આવે છે અને રન બનાવવા સરળ રહે છે. જો કે, આ મેદાનમાં બાઉન્ડ્રી મોટી હોવાથી સ્પિનર મહત્વની ભૂમિકા ભજવી શકે છે.
શું કહે છે આંકડા?
નરેન્દ્ર મોદી સ્ટેડિયમમાં અત્યાર સુધી કુલ 30 વનડે મેચ રમાઈ છે. જેમાં 16 મેચમાં પ્રથમ બેટિંગ કરનારી ટીમ અને 14 મેચમાં પ્રથમ બોલિંગ કરનારી ટીમની જીત થઈ છે. આ મેદાનમાં પ્રથમ ઈનિંગનો સરેરાશ સ્કોર 235 અને બીજી ઈનિંગનો સરેરાશ સ્કોર 205 રન છે.
મેક્સવેલ-માર્શ વિના ઉતરશે ઓસ્ટ્રેલિયા
ઓસ્ટ્રેલિયાની ટીમ ઈંગ્લેન્ડ વિરુદ્ધ પોતાના 2 મુખ્ય ખેલાડી ગ્લેન મેક્સવેલ અને મિચેલ માર્શ વિના મેદાન પર ઉતરશે. મેક્સવેલ ઈજાગ્રસ્ત થયો છે, જ્યારે માર્શ ખાનગી કારણને લઈ સ્વદેશ ચાલ્યો ગયો છે. ઓસ્ટ્રેલિયાએ વર્લ્ડકપમાં શરૂઆતી 2 મેચ ગુમાવીને જોરદાર વાપસી કરી છે. ઈંગ્લેન્ડ વિરુદ્ધ જો ઓસ્ટ્રેલિયા જીત મેળવશે, તો ઓસ્ટ્રેલિયા માટે સેમીફાઈનલનો રસ્તો સરળ થશે.
બંને દેશની સ્ક્વોડ-
ઈંગ્લેન્ડ- જોસ બટલર (કેપ્ટન), મોઈન અલી, જોની બેરસ્ટો, સેમ કરન, લિયામ લિવિંગસ્ટોન, ડેવિડ મલાન, આદિલ રાશિદ, જો રૂટ, હેરી બ્રૂક, બેન સ્ટોક્સ, બ્રાઈડન કાર્સ, ડેવિડ વિલી, માર્ક વુડ અને ક્રિસ વોક્સ.
ઓસ્ટ્રેલિયા- પેટ કમિન્સ (કેપ્ટન), સ્ટિવ સ્મિથ, એલેક્સ કેરી, જોશ ઈંગ્લિસ, સીન એબોટ, એશ્ટન અગર, કેમેરોન ગ્રીન, જોશ હેઝલવુડ, ટ્રેવિસ હેડ, મિચેલ માર્શ, ગ્લેન મેક્સવેલ, માર્કસ સ્ટોઇનિસ, ડેવિડ વોર્નર, એડમ ઝામ્પા અને મિશેલ સ્ટાર્ક.
