હરિકેન આઇવિન બ્રિટનના ઘણા ભાગોમાં વિનાશ વેરી રહ્યો છે. શુક્રવારે સવારે તોફાન 100 માઇલ પ્રતિ કલાક એટલે કે 160 કિ.મી. પ્રતિ કલાકની ઝડપે મેનલેન્ડ સાથે ટકરાયું હતું. સ્કોટલેન્ડ અને ઉત્તરી આયરલેન્ડના ઓછામાં ઓછા 28 શહેરો વાવાઝોડા દ્વારા નાશ પામ્યા છે. હવામાન વિભાગે ગુરુવારે 4.5 કરોડ લોકોને ચેતવણી આપી છે. હવામાનશાસ્ત્રીઓએ આ તોફાનનું નામ સાયક્લોન બોમ્બ રાખ્યું છે. ટ્રેન અને ટ્રાફિક સેવા દેશભરમાં બંધ કરવામાં આવી છે. હવામાન વિભાગનું કહેવું છે કે રસ્તાઓ પર મોટા કાટમાળ, ઝાડના ભાગો અને તીવ્ર ગતિમાં વરસાદ પડી રહ્યો છે, તેથી લોકોને ઘરમાંથી બહાર ના નીકળવાની સલાહ આપવામાં આવી છે.
આગામી સમયમાં ભારે પવન, વરસાદ અને હિમવર્ષાની આગાહી
યુકે હવામાન વિભાગે કહ્યું કે યુનાઇટેડ કિંગડમ અને આયર્લેન્ડમાં ભયંકર તોફાન છે. તેના જોખમને ધ્યાનમાં રાખીને, શાળાઓ અને કોલેજોને બંધ કરવાનો આદેશ આપવામાં આવ્યો છે. સ્થાનિક લોકોને ઘરોમાં રહેવાની સલાહ આપવામાં આવી છે. તે જ સમયે, ટ્રેન સેવાઓ પણ રદ કરવામાં આવી છે. હવામાન વિભાગે કહ્યું છે કે આ સ્ટોર્મ આયોવિન એક ઉષ્ણકટિબંધીય ‘બોમ્બ’ ચક્રવાત છે. એટલાન્ટિક મહાસાગરમાં સર્જાયેલું આ ચક્રવાત સતત તીવ્ર બની રહ્યું છે. હવામાન વિભાગે એવું પણ કહ્યું કે આગામી કલાકોમાં ભારે પવન, ભારે વરસાદ અને હિમવર્ષા થવાની સંભાવના છે. યુકે હવામાન વિભાગે 2011 પછી પહેલીવાર રેડ એલર્ટ જાહેર કર્યું છે.
વિનાશક હવામાનને પગલે જ રેડ એલર્ટ જારી કરાય છે
યુકેના હવામાન વિભાગમાં આ તોફાનનો ભય છે. અધિકારીઓએ જણાવ્યું હતું કે સામાન્ય રીતે અમે હવામાન અંગે રેડ એલર્ટ આપવાનું ટાળીએ છીએ, પરંતુ ઇઓવિન તોફાન એટલું ખતરનાક છે કે રેડ એલર્ટ આપવાનું ફરજિયાત બની ગયું છે. ફક્ત ગંભીર હવામાન કે જેમાં મોટાપાયે જાનમાલને નુકશાન થવાની ભીતિ હોય ત્યારે જ રેડ એલર્ટ જારી કરીએ છીએ. આપણા ઇતિહાસમાં આઇઓવિન ખૂબ જ જોખમી અને વિનાશક હવામાન આફત બનશે. શુક્રવારે આઇરિશ શિક્ષણ વિભાગે આયર્લેન્ડ અને ઉત્તર આયર્લેન્ડ બંનેમાં તમામ સ્કૂલ બંધ રાખવા નોટિસ આપી છે જેને પગલે તમામ સ્કૂલ બંધ રહેશે. આ ઉપરાંત તોફાનની અસરને ધ્યાનમાં રાખીને, આયર્લેન્ડમાં જાહેર પરિવહન પણ બંધ કરવામાં આવ્યું છે.
શનિવાર સુધી ચક્રવાત દૂર જતું રહેશે
હવામાન વિભાગે જણાવ્યું હતું કે તોફાનના પવનની સાથે, કેટલાક ભાગોમાં વરસાદની સાથે હિમવર્ષાની પણ જેમાં અપેક્ષા છે. ઉત્તરી ઇંગ્લેંડ અને સધર્ન સ્કોડલેન્ડના વિસ્તારોમાં હિમવર્ષાની અપેક્ષા છે. હવામાન વિભાગના જણાવ્યા અનુસાર, આ ચક્રવાત ઇંગ્લેન્ડ અને આયર્લેન્ડમાં પાયમાલી સાથે પહોંચી છે. આ વાવાઝોડાને કારણે આયર્લેન્ડ અને સ્કોટલેન્ડના રસ્તાઓ કાટમાળ અને ઉથલાવી નાખેલા ઝાડથી ભરેલા છે. જેને પગલે લોકોને વાહનો લઈને બહાર ન નીકળવાની સલાહ આપવામાં આવી છે. હવામાન વિભાગે આગાહી કરી હતી કે શનિવાર સુધીમાં સ્ટોર્મ આઇઓવિન મુખ્ય ભૂમિથી દૂર જશે.
હવામાન વિભાગનું 2011 પછી પહેલીવાર રેડ એલર્ટ
