તુર્કીમાં 6.2ની તીવ્રતાનો ભૂકંપ આવ્યો, જેનું કેન્દ્રબિંદુ ઇસ્તંબુલ નજીક સિલિવરી હતું. કોઈ જાનહાનિ થઈ ન હતી. ઇમારતોને થયેલા નુકસાન અંગે પણ કોઈ માહિતી બહાર આવી રહી નથી. પરંતુ લોકોમાં ડરનો માહોલ જોવા મળી રહ્યો છે. લોકોએ સોશિયલ મીડિયા પર પોતાના અનુભવો શેર કર્યા છે. હાલ કટોકટી સેવાઓ એલર્ટ પર રાખવામાં આવી છે. જમીન નીચે 6.9 કિલોમીટરની ઊંડાઈથી શરૂ થયુ હતુ.
ભૂકંપના તીવ્ર આંચકા અનુભવાયા
આજે બપોરે, એશિયા અને યુરોપની સરહદ પર સ્થિત તુર્કીમાં ભૂકંપના તીવ્ર આંચકા અનુભવાયા હતા. આ ભૂકંપ એટલો જોરદાર હતો કે લોકોના ઘરોની બારીઓ અને દરવાજા પણ ખખડવા લાગ્યા. ભૂકંપની તીવ્રતા રિક્ટર સ્કેલ પર 6.2 જણાવવામાં આવી રહી છે. તુર્કીના ઇસ્તંબુલ નજીક સિલિવરીમાં સ્થાનિક સમય મુજબ બપોરે 12:49 વાગ્યે ભૂકંપનો આંચકો મારમારાના સમુદ્રમાંથી જમીનથી 6.9 કિલોમીટર નીચે આવ્યો હતો. જેના કારણે લોકોમાં ગભરાટ ફેલાયો હતો અને તેઓ ઇમારતોમાંથી ખુલ્લી જગ્યાઓ તરફ દોડી ગયા હતા.
કોઇ જાનહાનિ નહીં
તુર્કીમાં ભૂકંપમાં કોઈ જાનહાનિના અહેવાલ નથી. એટલું જ નહીં, ઇમારતોને થયેલા નુકસાન અંગે પણ કોઈ માહિતી બહાર આવી રહી નથી. અચાનક આવેલા જોરદાર ધ્રુજારીએ લોકોમાં ચોક્કસપણે ભયનો માહોલ સર્જ્યો હતો. સંભવિત ભૂકંપના આંચકાઓથી બચવા માટે ઘણા લોકો ખુલ્લા વિસ્તારોમાં ભેગા થયા હતા. તુર્કીમાં ઇમરજન્સી સેવાઓને એલર્ટ પર રાખવામાં આવી છે. કોઈપણ પરિસ્થિતિનો સામનો કરવા માટે વહીવટીતંત્ર સંપૂર્ણપણે તૈયાર છે. ભૂકંપની અસર ઇસ્તંબુલ અને આસપાસના વિસ્તારોમાં અનુભવાઈ હતી. જેમાં તીવ્ર ધ્રુજારી, છાજલીઓ પરથી વસ્તુઓ પડી જવા અને દિવાલોમાં નાની તિરાડોનો ઉલ્લેખ કરવામાં આવ્યો.
