- વિરાટ કોહલીએ વર્લ્ડ કપ 2023માં શાનદાર પ્રદર્શન કર્યું
- વિરાટ કોહલીએ વર્લ્ડ કપની 11 મેચમાં 765 રન બનાવ્યા
- કોહલી હંમેશા આગળ આવીને નેતૃત્વ કરે છે – ફાફ ડુ પ્લેસિસ
તાજેતરના વર્લ્ડ કપમાં વિરાટ કોહલીએ શાનદાર પ્રદર્શન કર્યું હતું. વિરાટ કોહલીએ વર્લ્ડ કપમાં સૌથી વધુ રન બનાવ્યા હતા. વિરાટ કોહલીએ વર્લ્ડ કપની 11 મેચમાં 765 રન બનાવ્યા છે.વિરાટ કોહલીએ ભારતના ભૂતપુર્વ બેટ્સમેન સચિન તેંડુલકરનો સૌથી વધુ સદી ફટકારવાનો રેકોર્ડ તોડ્યો હતો. જો કે હવે સાઉથ આફ્રિકાના ખેલાડી ફાફ ડુ પ્લેસિસે વિરાટ કોહલી પર પોતાની પ્રતિક્રિયા આપી છે. ફાફ ડુ પ્લેસિસે કહ્યું કે વિરાટ કોહલી માટે વર્લ્ડ કપ શાનદાર રહ્યો હતો. તેણે કહ્યું કે વિરાટ કોહલીમાં જે રીતે મેદાન પર રન બનાવવાની ભૂખ છે તે ખુબ જ પ્રશંસનીય છે.
વિરાટ કોહલી હંમેશા આગળ આવીને નેતૃત્વ કરે છે – ફાફ ડુ પ્લેસિસ
ફાફ ડુ પ્લેસિસે એમ પણ કહ્યું કે વિરાટ કોહલી હંમેશા આગળ આવીને નેતૃત્વ કરે છે. તેમણે એમ પણ કહ્યું કે વિરાટ કોહલી જે રીતે વર્લ્ડ કપમાં રમ્યો તેનાથી હું ખરેખર ખુશ છું. ખરેખર, IPLમાં વિરાટ કોહલી અને ફાફ ડુ પ્લેસિસ એક જ ટીમ રોયલ ચેલેન્જર્સ બેંગ્લોર તરફથી રમે છે. ફાફ ડુ પ્લેસિસ અને વિરાટ કોહલી IPL 2024 સીઝનમાં ફરી એકવાર રોયલ ચેલેન્જર્સ બેંગ્લોર તરફથી રમતા જોવા મળશે.
વિરાટ કોહલી ભારત-ઓસ્ટ્રેલિયા શ્રેણીનો ભાગ નહોતો
વર્લ્ડ કપ બાદ ભારત અને ઓસ્ટ્રેલિયા વચ્ચે 5 T20 મેચોની સીરીઝ રમાઈ હતી. વિરાટ કોહલી આ ભારત-ઓસ્ટ્રેલિયા શ્રેણીનો ભાગ નહોતો. વાસ્તવમાં, વિરાટ કોહલી અને રોહિત શર્મા જેવા ખેલાડીઓને આ શ્રેણીમાં આરામ આપવામાં આવ્યો હતો. જો ભારત-ઓસ્ટ્રેલિયા ટી20 સીરીઝની વાત કરીએ તો ટીમ ઈન્ડિયાએ 5 ટી20 મેચની સીરીઝ 4-1થી જીતી હતી.
