લખનૌમાં બુધવારના દિવસે ભારત અને દક્ષિણ આફ્રિકા વચ્ચેની ચોથી ટી20 મેચ રમાવાની હતી. પરંતુ એકા સ્ટેડિયમમાં વધુ પડતું ધુમ્મસ હોવાના કારણે આખરે મેચ રદ કરવાનો નિર્ણય લેવો પડયો. મેચ મોડી શરૂ થાય તેવા મેનેજમેન્ટ દ્વારા પ્રયાસો કરાયા હતા. અમ્પાયરોએ અનેક નિરીક્ષણો કર્યા અને આખરે 4.00 વાગ્યે મેચ રદ કરવાનો નિર્ણય લીધો. મેચ રદ થતા ક્રિકેટ મેચ જોવા આવેલા ચાહકો નિરાશ થયા. પ્રદૂષણનું સ્તર એટલું બધું હતું કે ટોસ પણ ના થઈ શકયો.
ગાઢ ધુમ્મસને કારણે મેચ રદ કરાઈ
ડિસેમ્બરમાં લખનૌમાં પહેલી વાર T20 મેચનું આયોજન થવાનું હતું. પરંતુ ગાઢ ધુમ્મસને કારણે મેચ રદ કરવામાં આવી. એકા સ્ટેડિયમમાં બુધવારના દિવસે ભારતના ઓલરાઉન્ડર હાર્દિક પંડયા મેચ પહેલા પીચ પર માસ્ક પહેરેલા જોવા મળ્યા હતા. હાર્દિકે પીચનું નિરીક્ષણ કર્યું અને સ્થિતિની જાણકારી મેળવી. સ્ટેડિયમમાં એટલું બધું ગાઢ ધુમ્મસ હતું કે ચાહકો બીજી બાજુના સ્ટેન્ડ ભાગ્યે જ જોઈ શકતા હતા. મેદાન પરની સ્થિતિ એટલી ખરાબ હતી કે આટલા ગાઢ ધુમ્મસમાં મેચનું આયોજન કરવું અશક્ય હતું. આખરે મેનેજમેન્ટ દ્વારા ભારત-સાઉથ આફ્રિકની મેચ રદ કરવાનો નિર્ણય લેવાયો. મોંઘી ટિકિટ ખરીદીને લખનૌના એકાના સ્ટેડિયમમાં મેચનો આનંદ માણવા પહોંચેલા ક્રિકેટ ચાહકોનો આક્રોશ ફાટી નીકળ્યો.
પ્રદૂષણના કારણે મેચ રદ થવાની ઘટના
છેલ્લા કેટલાક વર્ષોમાં કદાચ આવું પ્રથમ વખત બન્યું છે જયારે પ્રદૂષણના કારણે કોઈ મેચ રદ કરવામાં આવી હોય. પરંતુ થોડા વર્ષો પહેલા ક્રિકેટ જગતમા આવી ઘટના બની છે. વર્ષ 1998માં એક મેચ ધુમ્મસના કારણે રદ કરાઈ હતી. આ મેચ ઝિમ્બાબ્વે અને પાકિસ્તાન વચ્ચે હતી. અને આ મેચનું સ્થળ ફૈસલાબાદ હતું, જ્યાં ધુમ્મસ એટલું ગંભીર હતું કે કંઈ સ્પષ્ટ દેખાતું નહોતું. સતત ગાઢ ધુમ્મસ રહેતા આખરે ટેસ્ટ મેચના ચોથા દિવસે અમ્પાયરોએ આ મેચ રદ કરવાનો નિર્ણય લીધો હતો.
લખનૌમાં પ્રદૂષણમાં વધારો
પહેલા પણ એવું બન્યું છે, જ્યારે ધુમ્મસને કારણે આંતરરાષ્ટ્રીય મેચ રદ કરવામાં આવી હોય. જયારે હાલમાં ઉત્તર ભારતમાં લખનૌમાં એકા સ્ટેડિયમમાં ધુમ્મસના કારણે મેચ રદ થતા પ્રદૂષણના સ્તર અંગે પ્રશ્નો ઉભા થઈ રહ્યા છે. ક્રિકેટ ચાહકોને પ્રશ્ન થઈ રહ્યા છે કે જયારે BCCIને હવામાનને લઈને આ માહિતી હતી તો પછી કેમ મેચનું આયોજન કર્યું. મેચના દિવસે, લખનૌનો સત્તાવાર એર ક્વોલિટી ઇન્ડેક્સ (AQI) 174 હતો, જે ઇન્ડિયન નેશનલ એર ક્વોલિટી ઇન્ડેક્સ (NAQI) ફ્રેમવર્ક અનુસાર “મધ્યમ” શ્રેણીમાં આવે છે. ભારત હાલમાં પાંચ મેચની T20 આંતરરાષ્ટ્રીય શ્રેણીમાં 2-1થી આગળ છે. શ્રેણીનો નિર્ણય હવે પાંચમી અને અંતિમ T20 આંતરરાષ્ટ્રીય મેચમાં થશે.
