- અમેરિકી સૈન્યના સેંકડો જવાન ઈજાગ્રસ્ત, કેટલાકની હાલત ગંભીર
- ઈરાન સમર્થિત જૂથે ઈરાકમાં હુમલો કર્યાનો ખુલાસો
- ઈરાને યુદ્ધ જેવી સ્થિતિમાં પણ પોતાનો સેટેલાઈટ સફળ લોંચ કર્યો
પશ્ચિમ ઈરામાં ઈરાનના ટેકેદાર આતંકવાદી જૂથે અમેરિકાના સૈન્ય ઠેકાણા પર રોકેટ અને મિસાઈલથી હુમલો કર્યો હતો. જેમાં ઘણા અમેરિકન સૈન્ય જવાન ઈજાગ્રસ્ત થતા હતા. યુએસ સેન્ટ્રલ કમાન્ડે આ અંગેની જાણકારી અમેરિકાની સરકારને આપી હતી. અમેરિકન સેનાએ કહ્યું કે ઘણા સૈન્યકર્મીઓને ગંભીર ઈજા આવતા તેઓની સારવાર ચાલી રહી છે. આ હુમલામાં એક ઈરાકની સેવા સભ્યો પણ ઘાયલ થયો હતો.
20 જાન્યુઆરીએ સાંજે 6:30 વાગ્યે (બગદાદ સમય) પશ્ચિમ ઇરાકમાં અલ-અસદ એરબેઝ પર બહુવિધ બેલિસ્ટિક મિસાઇલો અને રોકેટ છોડવામાં આવ્યા હતા, યુએસ સેન્ટ્રલ કમાન્ડે ટ્વિટર પર એક પોસ્ટમાં જણાવ્યું હતું. હવાઈ સંરક્ષણ પ્રણાલીએ મોટાભાગની મિસાઈલોને હવામાં અટકાવી અને તેનો નાશ કર્યો. જો કે કેટલીક મિસાઈલો એરબેઝ પર પડી હતી. હાલમાં નુકસાનનું આકલન કરવામાં આવી રહ્યું છે. કેટલાક અમેરિકન કર્મચારીઓને માથામાં ગંભીર ઈજાઓ થઈ હતી.
સીરિયા પર ઈઝરાયલી સૈન્યનો હુમલો
સીરિયાની રાજધાની દમિશ્ક પર ઈઝરાયલના હુમલામાં ઈરાની રિવોલ્યૂશનરી ગાર્ડસના ચાર સૈનિકોના મોત થયા હતા. મૃતકોમાં સીરિયાઈ દળના સૂચના વિભાગનો પ્રમુખ પણ સામેલ હતો. ઈરાને કહ્યું કે એક ઈમારત નાશ પામી છે. હુમલામાં પાંચમા અન્ય મૃતકની ઓળખ હજી નથી થઈ શકી.
પાકિસ્તાન-ઈરાન વચ્ચે તણાવભર્યા સંબંધો વચ્ચે ઈરાને સેટેલાઈટ છોડયો
ઈઝરાયલ-હમાસ વચ્ચે યુદ્ધ દરમિયાન ઈરાને સોરાયા નામનો સેટેલાઈટ અવકાશમાં પ્રક્ષેપણ કરી સૌથી ઊંચી કક્ષામાં સ્થાપિત કરી દીધો છે. આ કાર્યક્રમનો હિસ્સો રહેતા પશ્ચિમી દેશોએ વિકસિત બેલેસ્ટિક મિસાઈલ બનાવી હોવાની આશંકા દર્શાવી હતી.
એરબિલમાં યુએસ એમ્બેસી નજીક વિસ્ફોટ
મીડિયા રિપોર્ટ્સ અનુસાર બુધવારે ઇરાકના એરબિલ શહેરમાં અમેરિકી કોન્સ્યુલેટ પાસે અનેક વિસ્ફોટ થયા હતા. ઈરાનના રિવોલ્યુશનરી ગાર્ડે પોતે હુમલાની જવાબદારી લીધી હતી. સૂત્રોના જણાવ્યા અનુસાર બોમ્બ વિસ્ફોટ અત્યંત હિંસક હતો, જેમાં યુએસ કોન્સ્યુલેટની નજીકના આઠ સ્થળોને નિશાન બનાવવામાં આવ્યા હતા.
આ પહેલા ઈરાનના રિવોલ્યુશનરી ગાર્ડ્સે ઈરાકના ઉત્તરી શહેર ઈર્બિલ નજીક ઈઝરાયેલની મોસાદ એજન્સી પર બેલેસ્ટિક મિસાઈલોથી હુમલો કર્યો હતો. ગાર્ડ્સે સીરિયામાં ઈસ્લામિક સ્ટેટના આતંકવાદીઓ સામે પણ કાર્યવાહી કરી હતી. ઈરાને આતંકવાદી જૂથ આઈએસની બેઠકોને નષ્ટ કરવા માટે બેલેસ્ટિક મિસાઈલનો પણ ઉપયોગ કર્યો હતો. હુમલાના પરિણામે ચાર લોકોના મોત થયા હતા, જ્યારે ઘણા લોકો ઘાયલ થયા હતા જેમને નજીકની હોસ્પિટલમાં લઈ જવામાં આવ્યા હતા.
