જો આપણે ભૂત, આત્મા અને અજાણ્યા પડછાયા વિશે વાત કરીએ, તો તેઓ સામાન્ય રીતે અંધશ્રદ્ધાના ક્ષેત્રમાં જોવા મળે છે. આ પ્રશ્ન સદીઓથી લોકોના મનમાં રહેલો છે કે શું ભૂત ખરેખર અસ્તિત્વ ધરાવે છે? એ સવાલ થાય. જો કે, આવી બાબતોને ઘણીવાર માત્ર કલ્પના માનવામાં આવે છે. પરંતુ જો કોઈ કહે કે દેશની સંસદ નિયમિતપણે આવી ટૂરનું આયોજન કરે છે, જે ભૂત સાથે જોડાયેલી વાર્તાઓ પર આધારિત છે અને તેને ‘ભૂતિયા ટૂર’ કહેવામાં આવે છે.
રહસ્યમય છે આ જગ્યા, દરેક વાર્તા પાછળ છે કોઈ કારણ
ન્યુઝીલેન્ડની સંસદમાં પણ કંઈક આવું જ થાય છે. આ દિવસોમાં ન્યુઝીલેન્ડની સંસદ તેની ભયાનક વાર્તાઓને કારણે સમાચારમાં છે. વેલિંગ્ટનમાં સંસદ ભવનમાં દર અઠવાડિયે ‘Ghost Tour’ યોજવામાં આવે છે, જ્યાં વિક્ટોરિયન યુગના પોશાક પહેરેલા માર્ગદર્શકો, તેમના ચહેરા પર નકલી લોહી સાથે, મહેમાનોને સંસદ સાથે સંબંધિત ભૂતની વાર્તાઓ કહે છે. દરેક વાર્તા પાછળ કોઈને કોઈ કારણ હોય છે.
શું છે ન્યુઝીલેન્ડની સંસદની ‘ડરામણી’ સ્ટોરી
ન્યુઝીલેન્ડની સંસદમાં એક લાઈબ્રેરી છે. તેના વિશે એક સ્ટોરી છે. આ લાઈબ્રેરીમાં બે વાર આગ લાગી, પૂર આવ્યું અને જંગલી બિલાડીઓ દ્વારા હુમલો કરવામાં આવ્યો. ધીરે ધીરે આ અફવા ફેલાઈ ગઈ કે આવું કોઈ ખરાબ પડછાયાને કારણે થાય છે. સુરક્ષા કર્મચારીઓ અને સફાઈ કામદારો રાત્રે અહી જતા અચકાય છે. એક વાર્તા સાંસદ વિલિયમ લાર્નાકની છે. 1898 માં, આર્થિક તંગી અને કૌટુંબિક મુશ્કેલીઓ સાથે સંઘર્ષ કરીને, તેણે સંસદના એક રૂમમાં રિવોલ્વરથી પોતાને ગોળી મારી.
ઘણા લોકો દાવો કરે છે કે આત્મા હજુ પણ સંસદમાં ભટકે છે
ઘણા લોકો દાવો કરે છે કે તેમની આત્મા હજુ પણ સંસદમાં ભટકે છે. ત્યારબાદ, તેની કબરમાંથી તેની ખોપરી ચોરાઈ ગઈ હતી, અને 1972માં તે કોલેજના વિદ્યાર્થીના રૂમમાંથી મળી આવી હતી. જેના કારણે આ રહસ્ય વધુ ઘેરાયું. સંસદના કર્મચારીઓ કહે છે કે ક્યારેક દરવાજા જાતે જ બંધ થઈ જાય છે. જાણે કોઈ અદ્રશ્ય શક્તિ ત્યાં હાજર હોય. સંસદના પ્રથમ લાઈબ્રેરિયન ઇવેન મેકકોલની સ્ટોરી પણ ખૂબ પ્રખ્યાત છે. એવું કહેવાય છે કે કામના વધુ પડતા દબાણને કારણે તેમનું મૃત્યુ થયું હતું.
પુસ્તકોમાંથી નીકળ્યા હતા હાથ !
કેટલાક લોકો માને છે કે તેમની આત્મા આજે પણ સંસદની લાઇબ્રેરીમાં ભટકતી રહે છે. નાઇટ સ્ટાફ અને સુરક્ષા કર્મચારીઓ દાવો કરે છે કે કેટલીકવાર લાઇબ્રેરીમાં વિચિત્ર ગડગડાટના અવાજો સંભળાય છે, પુસ્તકો પોતાની મેળે પડી જાય છે, અને અચાનક ઠંડી હવાનો ઝાપટો અનુભવાય છે. કર્મચારીઓમાં એવી વાર્તાઓ પ્રખ્યાત છે કે પુસ્તકોના ઢગલામાંથી હાથ નીકળે છે, એક ભૂતિયા સ્ત્રી અરીસામાં દેખાય છે, અને બંધ દરવાજા જાતે જ ખુલી જાય છે.
લાઇબ્રેરી સાથે અનેક વિચિત્ર ઘટનાઓ જોડાયેલી છે
ન્યૂઝીલેન્ડની સંસદની ગોથિક-સ્ટાઈલની લાઇબ્રેરી બિલ્ડીંગ, થોમસ ટર્નબુલ દ્વારા 1899માં ડિઝાઇન કરવામાં આવી હતી, પોતાનામાં એક રહસ્યમય માહોલ સર્જે છે. અહીં બે આગ, એક પૂર અને અનેક વિચિત્ર ઘટનાઓનો ઈતિહાસ પણ તેને વધુ રહસ્યમય બનાવે છે.
