- ‘વિકસીત ભારત’ અને ‘ભારત-લોકતંત્ર કી માતૃકા’ મુખ્ય થીમ
- હેલિકોપ્ટર અને ટ્રાન્સપોર્ટ એરક્રાફ્ટ પ્લેનમાં 15 મહિલાઓ હશે
- ફ્રાન્સના રાષ્ટ્રપતિ ઇમેન્યુઅલ મેક્રોન મુખ્ય અતિથિ રહેશે
ભારતની રાજધાની નવી દિલ્હીમાં દર વર્ષે યોજાતા પ્રજાસત્તાક પર્વ નિમિત્તે મેજર જનરલ સુમિત મહેતાએ મંગળવારે જણાવ્યું હતું કે, પ્રજાસત્તાક દિવસની પરેડમાં, પ્રથમ વખત, તમામ મહિલાઓની ત્રિ-સેવા ટુકડી ભાગ લેશે જેમાં આર્મીની મહિલા ટુકડીઓ શામેલ હશે. અન્ય બે સેવાઓની મહિલાઓ સાથે લશ્કરી પોલીસ પણ સામેલ થશે. કર્તવ્ય પથ પર 75 મા પ્રજાસત્તાક દિવસની પરેડ મહિલા કેન્દ્રિત હશે. વિકસીત ભારત અને ભારત – લોકતંત્ર કી માતૃકા મુખ્ય થીમ છે.
સેનાની મિલિટરી પોલીસની મહિલા ટુકડીઓ
પ્રજાસત્તાક દિવસની પરેડ 26 જાન્યુઆરીના રોજ સવારે 10:30 વાગ્યાથી વિજય ચોકથી કર્તવ્ય પથ સુધી શરૂ થશે. પરેડ કમાન્ડર દિલ્હી એરિયા કમાન્ડર લેફ્ટનન્ટ જનરલ ભાવનીશ કુમાર હશે. પ્રથમ વખત, તમામ મહિલા ત્રિ-સેવાઓની ટુકડી ભાગ લેશે. આ પરેડમાં સેનાની મિલિટરી પોલીસની મહિલા ટુકડીઓ સાથે અન્ય બે સેવાઓની મહિલાઓ પણ સામેલ થશે.
પરમવીર ચક્ર પુરસ્કાર વિજેતા
મેજર જનરલે જણાવ્યું હતું કે, કેપ્ટન યોગેન્દ્ર યાદવ અને સુબેદાર મેજર સંજય કુમાર સહિત બે જીવીત પરમવીર ચક્ર પુરસ્કાર વિજેતાઓમાંથી ત્રણ ગણતંત્ર દિવસની પરેડમાં ભાગ લેશે. તેમણે વધુમાં જણાવ્યું હતું કે, ફ્રેન્ચ ટુકડી જેમાં ભારતીય અને નેપાળી મૂળના સભ્યોનો સમાવેશ થાય છે, તે પણ પરેડ દરમિયાન કૂચ કરશે. એક ફ્રેન્ચ રિફ્યુઅલ એરક્રાફ્ટ અને બે ફ્રેન્ચ રાફેલ એરક્રાફ્ટ તેમની ઉપર ઉડશે.
ભારતીય વાયુસેનાના 51 વિમાનો સામેલ થશે, 15 મહિલાઓ હશે
ટેરેન વ્હીકલ્સ, લાઇટ સ્પેશિયાલિસ્ટ વ્હીકલ્સ અને સ્પેશિયલ મોબિલિટી વ્હીકલ્સ સહિત નવી પેઢીના વિવિધ વાહનો ભાગ લેશે. ALH ધ્રુવ રુદ્ર અને LCH પ્રચંડ ફ્લાયપાસ્ટમાં ભાગ લેશે. ભારતીય વાયુસેનાના ફ્લાયપાસ્ટમાં લડવૈયાઓ સહિત 51 વિમાનો સામેલ થશે. હેલિકોપ્ટર અને ટ્રાન્સપોર્ટ એરક્રાફ્ટ સામેલ થશે આ પ્લેનમાં 15 મહિલાઓ હશે. મુખ્ય આકર્ષણોમાં શંખ (શંખ) ફૂંકીને આહવનનો સમાવેશ થશે આ વર્ષે મહિલાઓની ભાગીદારી ઘણી વધારે છે. આ વર્ષે પરેડના સાક્ષી બનવા માટે લગભગ 13,000 વિશેષ મહેમાનોને પણ આમંત્રિત કરવામાં આવ્યા છે. જનભાગીદારીના સરકારના સંકલ્પને અનુરૂપ રાષ્ટ્રીય ઉત્સવમાં ભાગ લેવા માટે જીવનના તમામ ક્ષેત્રના લોકોને તક પૂરી પાડવાનો હેતુ છે.
મુખ્ય અતિથિ ફ્રાન્સના રાષ્ટ્રપતિ
ફ્રાન્સના રાષ્ટ્રપતિ ઇમેન્યુઅલ મેક્રોન પ્રજાસત્તાક દિવસના સમારોહમાં મુખ્ય અતિથિ હશે. આ છઠ્ઠી વખત છે, જ્યારે કોઈ ફ્રાન્સના રાષ્ટ્રપતિ પ્રજાસત્તાક દિવસની પરેડમાં મુખ્ય અતિથિ બન્યા છે, આ બીજી વખત છે જ્યારે ફ્રાન્સની ટુકડી પરેડમાં ભાગ લઈ રહી છે.
પરેડ દરમિયાન કુલ 25 ટેબ્લો
16 રાજ્યો, કેન્દ્રશાસિત પ્રદેશો અને નવ મંત્રાલયો, વિભાગો કર્તવ્ય પથ પર દર વર્ષની જેમ આ ટેબ્લોની પસંદગી એક નિષ્ણાત સમિતિ દ્વારા કરવામાં આવી છે, જેમાં કલા, સંસ્કૃતિ, ચિત્રકલા, શિલ્પ, સંગીત, સ્થાપત્ય, નૃત્ય નિર્દેશન વગેરે ક્ષેત્રોના પ્રતિષ્ઠિત વ્યક્તિઓનો સમાવેશ થાય છે. સંરક્ષણ સચિવ એ માહિતી આપી હતી કે, પરેડમાં તેમના ટેબ્લોનો સમાવેશ ન કરવા અંગે કેટલાક રાજ્યો / કેન્દ્રશાસિત પ્રદેશોની ચિંતાઓને દૂર કરવા માટે, સંરક્ષણ મંત્રાલયે એક વિશિષ્ટ ત્રણ-વર્ષીય રોલ-ઓવર યોજના તૈયાર કરી છે, જે ત્રણ વર્ષના ગાળામાં તમામ રાજ્યો અને કેન્દ્રશાસિત પ્રદેશોના રોટેશનલ આધારે સમાન ભાગીદારીની ખાતરી આપે છે.
