રાજય સરકાર દ્વારા વનવિભાગ અધિકારીઓની બદલી અને બઢતી

 રાજય સરકાર દ્વારા વનવિભાગ અધિકારીઓની બદલી અને બઢતી

કેટલાક અધિકારીઓને વધારાનો હવાલો પણ સોંપવામાં આવ્યો

અગ્ર ગુજરાત, ગાંધીનગર

ગુજરાત રાજ્યમાં વહીવટી તંત્રને વેગ આપવા માટે રાજ્ય સરકાર દ્વારા ભારતીય વન સેવા (IFS) ના અધિકારીઓની મોટા પાયે બદલીઅને બઢતીના આદેશો જારી કરવામાં આવ્યા છે. આ Gujarat IFS Transfer હેઠળ કુલ 2 IFS અધિકારીઓની બદલી કરવામાં આવી છે,જ્યારે 5 અધિકારીઓને બઢતી આપી મહત્વની જવાબદારીઓ સોંપાઈ છે. આ સાથે જ કેટલાક અધિકારીઓને વધારાનો હવાલો પણ સોંપવામાં આવ્યો છે.

આ આદેશ મુજબ, જૂનાગઢ સર્કલના CCF એસ. મણિશ્વરા રાજાની બદલી ગાંધીનગર ખાતે PMU-PERGના પ્રોજેક્ટ ડાયરેક્ટર તરીકે કરવામાં આવી છે. તેવી જ રીતે, કચ્છ-ભુજના CCF ડો. સંદીપકુમારની Gujarat IFS Transfer અંતર્ગત વડોદરા સર્કલના CCF તરીકે નિમણૂંક કરવામાં આવી છે. આ ફેરબદલથી વડોદરા અને ગાંધીનગરના વન વિભાગના વહીવટમાં નવા અધિકારીઓની એન્ટ્રી થઈ છે.

રાજ્ય સરકારે વડોદરા વિભાગના કન્ઝર્વેટર ડો. અંશુમન શર્માને પ્રમોશન આપીને કેવડિયાના ચીફ કન્ઝર્વેટર (CCF) તરીકે નિયુક્ત કર્યા છે. આ સાથે જ તેમને GSFDCL વડોદરાના મેનેજિંગ ડાયરેક્ટરનો વધારાનો ચાર્જ પણ સોંપાયો છે. કેન્દ્ર સરકારની સંસ્થામાં ફરજ બજાવતા ડો. પ્રબુદ્ધ એચ.આર. અધિકારીને પ્રોફોર્મા પ્રમોશન આપી કન્ઝર્વેટર તરીકે નિમણૂંક અપાઈ છે.Gujarat IFS Transfer માં અન્ય અધિકારીઓ જેમ કે ડો. ધીરજ મિત્તલને ભુજમાં અને ડો. મોહન રામને જૂનાગઢ સર્કલમાં કન્ઝર્વેટર તરીકે બઢતી સાથે નિમણૂંક આપવામાં આવી છે.

આ બદલી-બઢતીના ગંજીપામાં લુણાવાડાના ડેપ્યુટી કન્ઝર્વેટર નિશા રાજને પ્રમોશન આપી વડોદરા વર્કિંગ પ્લાનની જવાબદારી સોંપાઈ છે. વહીવટી સરળતા માટે, ગોધરાના ડેપ્યુટી કન્ઝર્વેટર ડો. પ્રિયંકા ગેહલોતને મહીસાગર ડિવિઝનનો વધારાનો ચાર્જ સોંપવામાં આવ્યો છે. આમ, રાજ્યના વન વિભાગના માળખામાં મોટા ફેરફાર કરીને અધિકારીઓને નવી અને મહત્વની જવાબદારીઓ સોંપવામાં આવી છે.