French Open 2025માં સ્પેનના 22 વર્ષીય યુવા ટેનિસ ખેલાડી કાર્લોસ અલ્કારાઝ વિશ્વના નંબર-1 ખેલાડી જૈનિક સિનરને હરાવીને ચેમ્પિયન બન્યા છે. 8 જૂન રવિવાર ના રોજ ફિલિપ ચેટરિયર કોર્ટ પર રમાયેલ આ મુકાબલામાં અલ્કારાઝે ઇટાલીના જેનિક સિનરને પાંચ સેટમાં હરાવ્યો.
વિશ્વના નંબર-1 ખેલાડીને મળી હાર
8 જૂન રવિવારના રોજ ફિલિપ ચેટરિયર કોર્ટ પર રમાયેલી આ રોમાંચક ફાઇનલ મેચમાં કાર્લોસ અલ્કારાઝે વિશ્વના નંબર-1 ખેલાડી જૈનિક સિનરને હરાવીને મેજર અપસેટ ફર્જી દીધો છે. 5 કલાક 29 મિનિટ સુધી ચાલેલા આ શાનદાર મુકાબલામાં અલ્કારાઝે ઇટાલીના જેનિક સિનરને પાંચ સેટમાં હરાવીને કાર્લોસએ સતત બીજી વખત ફ્રેન્ચ 2025માં મેન્સ સિંગલ્સનું ટાઇટલ જીતી લીધું. ફાઇનલમાં કાર્લોસ અલ્કારાઝે ઇટાલીના વર્લ્ડ નંબર-1 સિનરને હરાવીને ઇતિહાસ રચી દીધો છે.
ઇટાલીના સિનરનું સ્વપ્ન ચકનાચૂર
8 જૂન રવિવારના રોજ ફિલિપ ચેટરિયર કોર્ટ પર રમાયેલી આ મેચ એટલા માટે ખાસ હતી, કેમકે ઇટાલીના જેનિક સિનરે આ પહેલા નોવાક જોકોવિચ જેને ટેનિસ જગતના મહાન માનવામાં આવે છે તેમને હરાવ્યા હતા. ફાઇનલમાં કાર્લોસ અલ્કારાઝે વિશ્વ નંબર-1 જૈનિક સિનરને 4-6, 6-7 (4), 6-4, 7-6 (3), 7-6 (2) થી હરાવ્યો હતો. અલ્કારાઝે સતત બીજા વર્ષે ફ્રેન્ચ ઓપનમાં પુરુષ સિંગલ્સનો ખિતાબ તેના નામે કર્યો છે. આ ફાઇનલ મેચ હારતા સાથેજ ઇટાલીના સિનરનું ફ્રેન્ચ ઓપન જીતવાનું સ્વપ્ન ચકનાચૂર થઈ ગયું હતું. સિનર આ વર્ષે પહેલીવાર ફ્રેન્ચ ઓપનની ફાઇનલમાં પહોંચ્યો હતો.
ફ્રેન્ચ ઓપનના ઇતિહાસમાં સૌથી લાંબી ફાઇનલ
ફિલિપ ચેટરિયર કોર્ટ પર રમાયેલી આ મેચે ફ્રેન્ચ ઓપનના ઇતિહાસમાં એક આગવો ઇતિહાસ પણ રચી દીધો છે. આ રોમાંચક મેચ ફ્રેન્ચ ઓપનના ઇતિહાસમાં સૌથી લાંબી ફાઇનલ મેચ તરીકે નોંધાઈ ગઈ છે. કાર્લોસ અલ્કારાઝ અને જૈનિક સિનર વચ્ચેની આ ફાઇનલ મેચ 5 કલાક અને 29 મિનિટ સુધી ચાલી હતી. 22 વર્ષીય કાર્લોસ અલ્કારાઝના કારકિર્દીનો આ એક ખાસ ગ્રાન્ડ સ્લેમ ખિતાબ હતો. અલ્કારાઝે અત્યાર સુધીમાં બે વિમ્બલ્ડન (2023, 2024), બે ફ્રેન્ચ ઓપન (2024, 2025) અને એક યુએસ ઓપન (2022) ટાઇટલ જીત્યા છે.
