કેટલીક નાની નાની બાબતોની કાળજી રાખવાથી ગેસની બચત મોટો ફાયદો કરાવે છે
ગૃહિણીના બજેટમાં ગેસનો વપરાશ મહત્વ નું સ્થાન ધરાવે છે.આ ગેસ નો જો સમજી વિચારીને ઉપયોગ કરવામાં આવે તો મહિનાનાં બજેટમાં ઘણો મોટો ફરક પડી શકે છે. ગેસની બચત કરવામાં કેટલીક નાની નાની બાબતોની કાળજી રાખવી જરૂરી બની જાય છે.
- ગેસ બચાવવા માટે સૌથી પહેલા, રસોઈ કરતા પહેલા, તમે જે વાનગી બનાવી રહી હોય તેનાથી સંબંધિત તમામ જરૂરી સામગ્રી તૈયાર કરીને રાખો.જે તમારા સમય અને ગેસ બંનેની બચત કરશે. જો શક્ય હોય તો, શાકને પેન અથવા કડાઈમાં રાંધવાને બદલે પ્રેશર કૂકરમાં બનાવવાનું ચાલુ કરો.
- પ્રેશર કૂકરમાં ખાવાનું ઝડપથી બને છે, જેનથી ગેસનો વપરાશ ઘટાડી શકાય છે.જો તમે ઢાંકણ વગર ભોજન બનાવતા હો તો ગેસનો વધારે વપરાશ થાય છે, આવી રીતે રસોઈ બનાવવાથી ત્રણ ગણો વધારે ગેસનો વપરાશ થાય છે, તેથી હંમેશા ખાવાનું ઢાંકીને જ બનાવો.
- ખાવાનું બનાવતી વખતે, યોગ્ય કદની પેન અથવા કડાઈનો ઉપયોગ કરો. મોટા પેન અથવા કઢાઈનો ઉપયોગ કરવાથી તેમને ગરમ થવામાં અને તેને રાંધવામાં ગેસનો વપરાશ વધારે થાય છે.
- જ્યારે નાના પેન અથવા કડાઈમાં ખોરાક રાંધવામાં આવે તો ગેસની જ્યોત બહાર આવે છે અને ગેસનો વધારે વપરાશ થાય છે.
- ફ્રોઝન ફૂડ, દૂધ, શાકભાજી રાંધવાના ઓછામાં ઓછા 1-2 કલાક પહેલા ફ્રિજમાંથી બહાર કાઢી લો, તેનાથી ગેસનો વપરાશ ઓછો થશે. જ્યારે તે રૂમ ટેમ્પરેચર પર આવે પછી તેને ગેસ પર મૂકવા.
- ગેસ પર મૂકેલ ચા કે દૂધ અથવા દાળ કે કઢી જેવા પદાર્થ ઉભરાઈને બહાર આવ્યા હોય ત્યારે તેને તરત જ સાફ કરી નાખો અને પછી જ ગેસનો ઉપયોગ કરો.
- રસોઈ કરતી વખતે, શાકમાં જરૂરિયાત મુજબ જ પાણી ઉમેરો. જો શાકમાં વધારે પાણી ઉમેરવામાંઆવે તો તે રાંધવામાં વધારે સમય લેશે, તેથી ગેસનો વપરાશ પણ વધારે થશે.
- આ સિવાય શાકને લાંબા સમય સુધી ઉકાળવાથી શાકભાજીના પોષક તત્વોનો પણ નાશ થશે.
- વારંવાર ચા અને કોફી બનાવવમાં પાણીને ઉકાળવાથી પણ વધારે ગેસનો વપરાશ થાય છે. તેથી, જો શક્ય હોય તો ગરમ પાણીને એકવાર ગરમ કરો અને તેને ફલાસ્કમાં રાખો આનાથી ગેસ બચશે.
- જો તમે ગેસ પર ખાવાનું બનાવો છો તો તેને હંમેશા મીડિયમ ફલેમ પર રાંધવાનો પ્રયત્ન કરો, કારણ કે વધારે ફ્લેમ પર રસોઈ કરવાથી ખોરાક બળી શકે છે અને ખૂબ ધીમા ગેસ પર રસોઈ બનાવવામાં વધારે ગેસનો ઉપયોગ થાય છે.
- શિયાળામાં વારંવાર પાણી ગરમ કરવા માટે ગેસને બદલે ઇલેક્ટ્રિક વોટર હીટર અથવા સોલર વોટર હીટરનો ઉપયોગ કરો.
- સમય પર ગેસ રેગ્યુલેટર, પાઈપ અને બર્નર ચેક કરતા રહો, ગેસ લીક થઈ રહ્યો છે કે નહીં, અને જો ગેસ લીક થઈ રહ્યો છે તો તેને તાત્કાલિક રિપેર કરો, કારણ કે તેનાથી વધારે ગેસ વપરાય છે અને સાથે સાથે અકસ્માત થવાનો પણ ભય રહે છે.
- સમયાંતરે ગેસ બર્નરને સાફ કરતા રહો, જો પીળી જ્યોત બર્નરમાંથી બહાર આવે છે, તો ચોક્કસ તેને સાફ કરો
- આ સિવાય નિયમિત ગેસ ની સર્વિસ કરાવતા રહો.
