- બ્રિટિશ PM હાઉસની બહાર એક રસપ્રદ ઘટના બની
- અચાનક 10 ડાઉનિંગ સ્ટ્રીટનો ગેટ બંધ થઈ ગયો
- ઋષિ સુનક 10 ડાઉનિંગ સ્ટ્રીટની બહાર ડચ વડા પ્રધાન માર્ક રુટ્ટે સાથે ઊભા હતા
બ્રિટિશ વડા પ્રધાન ઋષિ સુનક તેમના સરળ સ્વભાવ માટે વિશ્વભરમાં પ્રખ્યાત છે. તેઓ કેટલીકવાર તેમની પ્રતિક્રિયાઓ અને તેમની શૈલીને કારણે સોશિયલ મીડિયા પર વાયરલ થઈ જાય છે. આ દરમિયાન હાલમાં બ્રિટિશ PM હાઉસની બહાર એક રસપ્રદ ઘટના જોવા મળી હતી. જ્યારે ઋષિ સુનક 10 ડાઉનિંગ સ્ટ્રીટની બહાર ડચ વડા પ્રધાન માર્ક રુટ્ટે સાથે ઊભા હતા અને અચાનક 10 ડાઉનિંગ સ્ટ્રીટનો ગેટ બંધ થઈ ગયો હતો. તેઓ અંદર જવા આગળ વધ્યા પરંતુ ત્યાં સુધી દરવાજો ન ખૂલ્યો હતો. કહેવામાં આવી રહ્યું છે કે, થોડીવાર પછી દરવાજો ખોલવામાં આવ્યો હતો.
બંનેએ ફોટોગ્રાફર્સ માટે પોઝ આપ્યા
વાસ્તવમાં શું થયું હતું કે બ્રિટિશ વડા પ્રધાન ઋષિ સુનક અને તેમના ડચ સમકક્ષ માર્ક રુટ્ટે બુધવારે 10 ડાઉનિંગ સ્ટ્રીટની બહાર જોવા મળ્યા હતા. ન્યૂઝના વીડિયો અનુસાર, સુનક અને ડચ નેતાને સીડી પર આવકારતા જોવામાં આવ્યા હતા જ્યાં બંનેએ ફોટોગ્રાફર્સ માટે પોઝ આપ્યો હતો. જો કે ત્યાર બાદ ગેટ ખોલવામાં અસમર્થ હોવાથી આગેવાનો રાહ જોતા જોવા મળ્યા હતા. ઋષિ સુનક 10 નંબરની બહાર તેમના ડચ સમકક્ષ માર્ક રુટ્ટેનું સ્વાગત કરતા જોવા મળ્યા હતા.
તે તકનીકી સમસ્યા હતી
વીડિયોમાં સુનક અને રુટ્ટને સીડી પર ઉભા રહીને રાહ જોતા જોઈ શકાય છે. સુનકના ચહેરા પર આછું સ્મિત છે જ્યારે રૂટ્ટે ગંભીર લાગે છે. થોડીવાર પછી એક સિક્યુરિટી ગાર્ડ આવે છે અને દરવાજો ખોલે છે. બાદમાં કહેવામાં આવ્યું હતું કે તે ટેકનિકલ સમસ્યા હતી. સુનાક અને રુટ્ટે મધ્ય પૂર્વ, યુક્રેન અને ગેરકાયદેસર સ્થળાંતર સહિતના મુદ્દાઓની શ્રેણી પર ચર્ચા કરી. સુનક અને રૂત્તેની મુલાકાત એક કલાકથી વધુ સમય સુધી ચાલી. આ દરમિયાન તેઓએ મધ્ય પૂર્વ, યુક્રેન અને ગેરકાયદે સ્થળાંતર સહિત ઘણા મુદ્દાઓ પર ચર્ચા કરી હતી.
