હમાસ અને ઈઝરાયલ વચ્ચે છેલ્લા અગિયાર મહિનાથી ભીષણ યુદ્ધ ચાલી રહ્યું છે. જો કે અત્યાર સુધી બીજા દેશોએ બંને વચ્ચે યુદ્ધવિરામ માટે ઘણા પ્રયાસો કર્યા છે. પરંતુ કોઈકને કોઈક કારણોસર વાર્તા પડી ભાંગે છે. જેથી ઈઝરાયલ અને હમાસ વચ્ચે યુદ્ધ સતત ચાલુ છે.
અમેરિકાએ આ વખતે બંને પક્ષોને યુદ્ધવિરામ માટે ઠરાવ લઈને આવ્યું છે. ગાઝામાં યુદ્ધ વિરામને લઈ અમેરિકી મધ્યસ્થીકારોએ એક નવો જ ઠરાવ તૈયાર કર્યો છે. આગામી દિવસોમાં હમાસ દ્વારા બંધકોને બનાવેલા ઈઝરાયલીઓને મુક્ત કરવા અને ગાઝા યુદ્ધવિરામ લઈ વ્હાઈટ હાઉસ તરફથી આ નવો પ્રસ્તાવ રજૂ કરવામાં આવી શકે છે. બે અમેરિકી અને બે ઈજિપ્તના અધિકારીઓએ આ ઠરાવ અંગે દાવો કર્યો છે.
અમેરિકન અધિકારીના જણાવ્યા અનુસાર, આ નવો ડ્રાફ્ટ ઈઝરાયેલ અને હમાસ વચ્ચે ચાલી રહેલા યુદ્ધને સમાપ્ત કરવા અને અમેરિકા, કતાર અને ઈજિપ્તની મધ્યસ્થી હેઠળ મહિનાઓથી ચાલી રહેલી વાતચીતને અર્થ આપવા માટે તૈયાર કરવામાં આવ્યો છે. બાઈડેન વહીવટીતંત્રના એક વરિષ્ઠ અધિકારીએ જણાવ્યું હતું કે મોટાભાગના મુદ્દાઓ પર સર્વસંમતિ સધાઈ છે. પરંતુ વાટાઘાટકારો હજુ પણ બે જટિલ મુદ્દાઓનો ઉકેલ શોધવાનો પ્રયાસ કરી રહ્યા છે.
આગામી સપ્તાહે નવો પ્રસ્તાવ આવી શકે છે
અમેરિકન અધિકારીના જણાવ્યા અનુસાર, ગાઝામાં યુદ્ધવિરામને લઈને તૈયાર કરવામાં આવી રહેલી આ દરખાસ્ત કદાચ આગામી સપ્તાહે અથવા તો તેના પહેલા પણ આવી શકે છે. તેમણે કહ્યું કે અમે માનીએ છીએ કે સમય સમાપ્ત થઈ ગયો છે. તેથી, જો આ અઠવાડિયે સંશોધિત ડ્રાફ્ટ આવે તો તમને આશ્ચર્ય ન થવું જોઈએ. બિડેન વહીવટીતંત્રના અધિકારીએ જણાવ્યું હતું કે ગયા સપ્તાહના અંતમાં હમાસ દ્વારા છ બંધકોની હત્યા, જેમના મૃતદેહો ઇઝરાયેલી દળો દ્વારા મળી આવ્યા હતા, અમારા શાંતિ પ્રયાસોને જટિલ બનાવ્યા હતા.
હવે આ કામ આપણે જલદીથી કરવાનું છે. તમને જણાવી દઈએ કે CIA ડાયરેક્ટર વિલિયમ બર્ન્સ અમેરિકન વાટાઘાટકારોનું નેતૃત્વ કરી રહ્યા છે. તેમાં વ્હાઇટ હાઉસ મિડલ ઇસ્ટ કોઓર્ડિનેટર બ્રેટ મેકગર્ક અને યુએસ સેક્રેટરી ઓફ સ્ટેટ એન્ટની બ્લિંકન સહિત વરિષ્ઠ યુએસ અધિકારીઓના નાના જૂથનો સમાવેશ થાય છે. વાટાઘાટોકારોની ખૂબ જ મજબૂત માન્યતા છે કે યુદ્ધવિરામ દૂર થઈ રહ્યો છે.
