- ઇઝરાયેલ-હમાસ યુદ્ધનો આજે 29મો દિવસ
- જબાલિયા કેમ્પ પર 907 કિલોનો બોમ્બ ફેંકવામાં આવ્યો
- ઇઝરાયેલે હમાસ ચીફ ઇસ્માઇલ હનીયેના ઘર પર હુમલો કર્યો
ઇઝરાયેલ-હમાસ યુદ્ધનો આજે 29મો દિવસ છે. દરમિયાન, UNનું કહેવું છે કે, ગાઝામાં કોઈ સ્થાન સુરક્ષિત નથી. તે જ સમયે, અલ જઝીરા અનુસાર, ગાઝાના સ્વાસ્થ્ય મંત્રાલયનું કહેવું છે કે સતત ઇઝરાયેલ બોમ્બમારો થતા 2,200 લોકો કાટમાળ નીચે દટાયા છે. તેમાંથી 1,250 બાળકો છે. સેના મસ્જિદો પર પણ હુમલો કરવામાં આવ્યો છે.
ઇઝરાયેલે હમાસ ચીફ ઇસ્માઇલ હનીયેના ઘર પર હુમલો કર્યો છે. તેમનો પરિવાર આ મકાનમાં રહેતો હતો પરંતુ હુમલા સમયે તેઓ ત્યાં હતા કે કેમ તે અંગેની માહિતી હાલ ઉપલબ્ધ નથી. અહીં સેનાએ કહ્યું છે કે ગાઝા હવે બે ભાગમાં વહેંચાયેલું છે. અમે દક્ષિણ ગાઝામાં માનવતાવાદી સહાય પહોંચાડી રહ્યા છીએ. જો કોઈ હમાસ લડવૈયા ત્યાં પહોંચે છે તો તેને મારી નાખવામાં આવે છે. ઉત્તર ગાઝામાં યુદ્ધ વધુ તીવ્ર બન્યું છે. ત્યાં પેલેસ્ટિનિયનોના જીવ જોખમમાં છે.
જબાલિયા કેમ્પ પર 907 કિલોનો બોમ્બ ફેંકવામાં આવ્યો
ઈઝરાયેલે 31 ઓક્ટોબરે ગાઝાના સૌથી મોટા રેફ્યુજી કેમ્પ જબાલિયા પર 907 કિલોના બોમ્બ ફેંક્યા હતા. NYTએ ઘટના સાથે સંબંધિત ફોટા અને વીડિયોનું વિશ્લેષણ કર્યું. તેમાં 40 ફૂટ પહોળા બે ખાડા જોવા મળ્યા હતા. આ હુમલામાં લગભગ 195 લોકો માર્યા ગયા હતા. તે જ સમયે, અમેરિકી સરકારે જબાલિયા કેમ્પ, યુએનની શાળાઓ અને હોસ્પિટલો પરના હુમલાને લઈને ઈઝરાયેલ પાસેથી જવાબ માંગ્યો છે.
ચિલ્ડ્રન હોસ્પિટલમાં પણ બોમ્બમારો
શુક્રવારની રાત્રે ઇઝરાયેલે અલ-શિફા હોસ્પિટલ નજીક એમ્બ્યુલન્સ પર હુમલો કર્યો હતો. ન્યૂયોર્ક ટાઈમ્સ અનુસાર આ હુમલામાં 13 લોકોના મોત થયા હતા. ઈઝરાયેલની સેનાએ કહ્યું છે કે હમાસના લડવૈયાઓ આ એમ્બ્યુલન્સનો ઉપયોગ કરી રહ્યા હતા. આ દ્વારા તેઓ ઉત્તરી ગાઝામાંથી બહાર નીકળવાનો પ્રયાસ કરી રહ્યા છે.
બીજી તરફ, વ્હાઇટ હાઉસે દાવો કર્યો છે કે હમાસ ગાઝા છોડીને જતા વિદેશી નાગરિકોની યાદીમાં તેના લડવૈયાઓના નામ પણ ઉમેરી રહ્યું છે. તેના દ્વારા તે તેમને ઇજિપ્ત મોકલવાનો પ્રયાસ કરી રહ્યો છે. તે જ સમયે, અલ જઝીરાએ દાવો કર્યો છે કે ઇઝરાયેલે બાળકોની હોસ્પિટલ અલ નસ્ર પર બોમ્બમારો કર્યો છે. જેમાં અનેક લોકોના મોત થયાના સમાચાર છે.
