જર્મનીમાં યોજાયેલા ચૂંટણીના પરિણામ જાહેર થઇ ચુક્યા છે. અને પૂર્વ ચાન્સલર એન્જેલા મર્કેલની પાર્ટી ક્રિશ્ચિયન ડેમોક્રેટિક યૂનિયને જીત નોંધાવી છે. CDUને કુલ 28.5 ટકા મત મળ્યા છે. જે તેને સૌથી મોટી પાર્ટી બનાવે છે. આ ચૂંટણીમાં અલ્ટરનેટિવ ફોર જર્મનીએ પણ જોરદાર પ્રદર્શન કર્યું હતુ. અને 20 ટકા મત મેળવ્યા હતા. જર્મનીમાં 23 ફેબ્રુઆરીએ યોજાયેલી રાજ્ય ચૂંટણીમાં ચાન્સેલર ઓલાફ સ્કોલ્ઝની સોશિયલ ડેમોક્રેટિક પાર્ટીને મોટો ફટકો પડ્યો છે.
ભારત માટે લાભકારી છે આ ચૂંટણી ?
ચૂંટણીમાં પરિણામની જાહેરાત થતા પૂર્વ ચાન્સલર એન્જેલા મર્કેલની પાર્ટી ક્રિશ્ચિયન ડેમોક્રેટિક યૂનિયને ઉજવણી કરી હતી. આ પક્ષને પૂર્ણ બહુમત ન મળતા તેને ગઠબંધન કરવામાં પડકારોનો સામનો કરવો પડશે. તો બીજી તરફ એએફડીને 20.6 ટકા વોટ મળ્યા છે. જે હમણા સુધીનું સૌથી સારુ પ્રદર્શન છે. જર્મનીની આ ચૂંટણી દુનિયાભરમાં રાજનૈતિક અસર પાડશે. ભારત, ચીન, અમેરિકામાં આ ચૂંટણીના વિવિધ પડકારો છે. મર્ઝની જીત કોના પર કેવો અસર કરશે તે વિશે જોઇએ.
ભારતને ફાયદો
ભારત અને જર્મનીના સંબંધો કેટલાક વર્ષોથી ઘણા મજબૂત થયા છે. ભલે ફ્રેડરિક મર્જ સત્તામાં નથી. પરંતુ ભારતના વિદેશમંત્રી એસ.જયશંકર તેમની સાથે અવારનવાર મુલાકાત કરતા રહે છે. આ મુલાકાત દર્શાવે છે કે બંને દેશ વચ્ચે સંબંધો સુવાળા છે. જર્મની અને ભારત વચ્ચે વેપારી સંબંધો સારા છે. જેને લઇને ભારતને આ જીતનો સકારાત્મક અસર થઇ શકે છે.
અમેરિકાને ઝટકો
તો આ તરફ અમેરિકાની વિચારધારા દક્ષિણપંથી છે. અને તે AFD પાર્ટીના પક્ષમાં નથી. મર્ઝની જીતને કારણે અમેરિકી સરકારને ઝટકો લાગ્યો છે. ખાસ કરીને ટેસ્લાના માલિક એલોન મસ્કે AFDનું જાહેરમાં સમર્થન કર્યુ છે. અને અમેરિકાના ઉપરાષ્ટ્રપતિ જેડી વેંસે તેમના નેતાઓ સાથે પણ મુલાકાત કરી છે. પરંતુ જર્મનીમાં CDUની જીત થતાં દક્ષિણપંથી દળોને નકારી દીધુ છે. જેના કારણે અમેરિકાની યુરોપિય નીતિ પર અસર પડી શકે છે.
યુક્રેન માટે શું ?
યુક્રેન અને રશિયા વચ્ચે ચાલી રહેલા યુદ્ધ દરમિયાન જર્મનીની ભૂમિકા ખૂબ જ મહત્વપૂર્ણ રહી છે. હવે જ્યારે ફ્રેડરિક મેર્ઝની સરકાર સત્તામાં આવી રહી છે, તો આ યુક્રેન માટે સારા સમાચાર હોઈ શકે છે. સીડીયુ એક એવો પક્ષ છે જે રશિયા વિરુદ્ધ કડક નીતિઓ અપનાવવાના પક્ષમાં રહ્યો છે. આનાથી યુક્રેનને યુરોપમાં બીજો એક મજબૂત સમર્થક મળી શકે છે, જે રશિયા પર વધુ દબાણ લાવવા માટે પશ્ચિમી દેશોને એક કરી શકે છે.
ચીન માટે પણ આ સ્થિતિ કેમ એવી જ રહેશે?
જર્મનીની આ રાજકીય પરિસ્થિતિ ચીન માટે બહુ બદલાશે નહીં. ચીન અને જર્મની વચ્ચેના વ્યાપારિક સંબંધો ઊંડા મૂળિયા ધરાવે છે, અને CDU સરકાર આ સંબંધો જાળવી રાખવા આતુર રહેશે. જોકે ચીનને જર્મનીથી એટલો ફાયદો નહીં થાય જેટલો તેને SPD સરકાર હેઠળ મળતો હતો, પરંતુ મોટા પાયે કોઈ મોટા ફેરફારો થશે નહીં.
